സിനിമാപ്രമികളുടെ കാത്തിരിപ്പിനൊടുവില്‍ തിയേറ്ററുകളില്‍ എത്തിയ രജനികാന്ത് ചിത്രം ജയിലറിന് (Jailer) മികച്ച പ്രതികരണം. രജനികാന്തിനും (Rajinikanth) സംവിധായകന്‍ നെല്‍സണ്‍ ദിലീപ്‌കുമാറിനും (Nelson Dilipkumar) നല്ലൊരു തിരിച്ചുവരവായി മാറിയിരിക്കുകയാണ് ഈ ചിത്രമെന്ന് ഉറപ്പിക്കുന്നതാണ് ആദ്യ ദിന പ്രതികരണങ്ങള്‍. രജനികാന്ത് മാജിക് ബിഗ്‌ സ്‌ക്രീനില്‍ കാണാനായി ആരാധകര്‍ തിയേറ്ററുകളിലേക്ക് ഇരച്ചുകയറി. ഒപ്പം ഏതാനും സിനിമ താരങ്ങളും ജയിലര്‍ തരംഗത്തില്‍ പങ്കുചേര്‍ന്നു.
ഇപ്പോഴിതാ 'ജയിലര്‍' ആദ്യ ദിനം ആദ്യ ഷോ കാണാന്‍ തിയേറ്ററുകളില്‍ എത്തിയ ധനുഷ് ആണ് വാര്‍ത്ത തലക്കെട്ടുകളില്‍. രജനികാന്തിന്‍റെ കടുത്ത ആരാധകന്‍ കൂടിയായ ധനുഷ് തന്‍റെ വരാനിരിക്കുന്ന ചിത്രമായ 'ക്യാപ്‌റ്റന്‍ മില്ലര്‍' പുതിയ ലുക്കിലാണ് 'ജയിലര്‍' കാണാന്‍ എത്തിയത്.
-
🚨@dhanushkraja Right now in @RohiniSilverScr to watch #Jailer FDFS 🤗#CaptainMiller pic.twitter.com/iioKLHrwMk
— Dhanush Trends ™ (@Dhanush_Trends) August 10, 2023 " class="align-text-top noRightClick twitterSection" data="
">🚨@dhanushkraja Right now in @RohiniSilverScr to watch #Jailer FDFS 🤗#CaptainMiller pic.twitter.com/iioKLHrwMk
— Dhanush Trends ™ (@Dhanush_Trends) August 10, 2023🚨@dhanushkraja Right now in @RohiniSilverScr to watch #Jailer FDFS 🤗#CaptainMiller pic.twitter.com/iioKLHrwMk
— Dhanush Trends ™ (@Dhanush_Trends) August 10, 2023
പ്രദര്‍ശന ദിനം തന്നെ തിയേറ്ററില്‍ എത്തിയ ധനുഷും രജനികാന്തിന്‍റെ മകള്‍ ഐശ്വര്യ രജനികാന്തും തിയേറ്ററിലെ ഗംഭീര ആഘോഷ പ്രകടനങ്ങള്‍ക്ക് സാക്ഷ്യം വഹിച്ചു. ഐശ്വര്യയും ധനുഷും മാത്രമല്ല 'ജയിലര്‍' ആദ്യ ഷോ കാണാന്‍ എത്തിയത്. രജനികാന്തിന്‍റെ ഭാര്യ ലത രജനികാന്തും രാഘവ ലോറൻസും പ്രദര്‍ശന ദിനം തന്നെ 'ജയിലര്‍' കണ്ടു.
'ഇത് ജയിലര്‍ ആഴ്‌ച' എന്ന് കുറിച്ച് കൊണ്ട് രണ്ട് ദിവസം മുമ്പ് ധനുഷ് ട്വീറ്റ് ചെയ്‌തിരുന്നു. അതേസമയം അടുത്തിടെയാണ് ധനുഷും രജനികാന്തിന്‍റെ മകള്‍ ഐശ്വര്യ രജനികാന്തും വേര്‍പിരിഞ്ഞത്. നീണ്ട 18 വര്‍ഷത്തെ ദാമ്പത്യ ജീവിതമാണ് ധനുഷും ഐശ്വര്യ രജനികാന്തും അവസാനിപ്പിച്ചത്. ഐശ്വര്യയുമായി വിവാഹം കഴിച്ചതോടെ രജനികാന്തുമായി നല്ല ബന്ധമായിരുന്നു ധനുഷിന്.
Also Read: ജയിലർ വന്നു, ആഘോഷ ലഹരിയില്‍ ആരാധകർ; തലൈവര്‍ ചിത്രത്തിന് ഗംഭീര സ്വീകരണം
ഒരു ആക്ഷൻ പാക്ക്ഡ് എന്‍റര്‍ടെയ്‌നര്‍ ആയാണ് 'ജയിലർ' തിയേറ്ററുകളില്‍ എത്തിയത്. രണ്ട് വര്‍ഷങ്ങള്‍ക്ക് ശേഷമാണ് ഒരു രജനികാന്ത് ചിത്രം തിയേറ്ററുകളില്‍ എത്തുന്നത്. അതുകൊണ്ട് തന്നെ ആരാധകരുടെ ആവേശത്തിനും തെല്ലും അതിരില്ല.
'ജയിലര്‍' റിലീസിനെ തുടര്‍ന്ന് ചെന്നൈ നഗരം ഉത്സവ ലഹരിയിലാണ്. ദക്ഷിണേന്ത്യയിലെ എല്ലാ തിയേറ്ററുകളിലും ആഘോഷം പൊടി പൊടിക്കുകയാണ്. പടക്കം പൊട്ടിച്ചും, പാലഭിഷേകം നടത്തിയും, ചെണ്ട മേളത്തിനൊപ്പം നൃത്തം ചെയ്‌തും ആരാധകര്‍ തങ്ങളുടെ സൂപ്പര്‍സ്‌റ്റാര്‍ ചിത്രത്തിന് ഊഷ്‌മള സ്വീകരണമാണ് നല്‍കിയിരിക്കുന്നത്.
തിയേറ്റര്‍ പരിസരങ്ങളില്‍ മാത്രമല്ല, സോഷ്യല്‍ മീഡിയയിലും ജയിലര്‍ ആഘോഷങ്ങളാണ് നിറഞ്ഞിരിക്കുന്നത്. ലോകമെമ്പാടുമുള്ള രജനികാന്ത് ആരാധകർ സോഷ്യല്‍ മീഡിയയിലൂടെ ജയിലറെയും രജനികാന്തിനെയും വാനോളം പുകഴ്‌ത്തി.
നിരൂപകരില്‍ നിന്നും 'ജയിലറി'ന് പോസിറ്റീവ് റിവ്യൂകളാണ് ലഭിച്ചു കൊണ്ടിരിക്കുന്നത്. വെള്ളിയാഴ്‌ച റിലീസ് അല്ലാതിരുന്നിട്ട് കൂടിയും 'ജയിലര്‍' സ്‌ക്രീനിങില്‍ റെക്കോഡ് സൃഷ്‌ടിച്ചു. ആദ്യ ദിനത്തില്‍ മികച്ച ബോക്‌സോഫിസ് കലക്ഷന്‍ ലഭിക്കുമെന്നാണ് കണക്കുക്കൂട്ടല്‍.
ഒരു പൊലീസ് ഉദ്യോഗസ്ഥന്‍റെ അച്ഛന്‍റെ വേഷമാണ് ചിത്രത്തില്‍ രജനികാന്തിന്. തമന്ന ഭാട്ടിയ (Tamannaah Bhatia), ശിവ രാജ്‌കുമാർ (Shiva Rajkumar), രമ്യ കൃഷ്‌ണൻ (Ramya Krishnan), പ്രിയങ്ക മോഹൻ, യോഗി ബാബു, വിനായകൻ, വസന്ത് രവി എന്നിവരടങ്ങുന്ന അതിമനോഹരമായ താരനിരയാണ് ചിത്രത്തിലുള്ളത്. മലയാളികളുടെ പ്രിയ നടന്‍ മോഹന്‍ലാലും (Mohanlal) ചിത്രത്തില്‍ അതിഥി വേഷത്തില്‍ എത്തുന്നു.
Also Read: ട്വിറ്ററിലും ട്രെൻഡ് സെറ്റർ, 'ജയിലർ' ബ്ലോക്ക്‌ബസ്‌റ്ററെന്ന് ആരാധകര്‍...
