ചെന്നൈ: ശ്രീലങ്കൻ ജയിലുകളിൽ കഴിയുന്ന മത്സ്യത്തൊഴിലാളികളെ മോചിപ്പിക്കണമെന്ന് കേന്ദ്രത്തോട് തമിഴ്‌നാട് മുഖ്യമന്ത്രി എം.കെ സ്റ്റാലിൻ. 56 മത്സ്യത്തൊഴിലാളികളാണ് ജയിലുകളില്‍ കഴിയുന്നത്. ഇതുസംബന്ധിച്ച് സ്റ്റാലിൻ, കേന്ദ്ര വിദേശകാര്യ മന്ത്രി എസ്‌ ജയ്‌ശങ്കറിന് വെള്ളിയാഴ്ച കത്തയച്ചു.
2021 ഡിസംബർ 19, 20 തിയ്യതികളിലാണ് 50 ലധികം മത്സ്യത്തൊഴിലാളികള്‍ പിടിയിലായത്. പൊങ്കൽ ഉത്സവത്തിൽ അവര്‍ക്ക് കുടുംബങ്ങളുമായി ഒത്തുചേരേണ്ടതുണ്ട്. തമിഴ്‌നാട്ടിലെ മത്സ്യത്തൊഴിലാളികളുടെ 75 ബോട്ടുകൾ ഇപ്പോഴും ശ്രീലങ്കയുടെ കസ്റ്റഡിയിലുണ്ട്.
