സ്ത്രീകളുടെ ലൈംഗിക ആരോഗ്യം ഇന്ത്യയിൽ

ഇന്ത്യയിൽ സ്ത്രീകളുടെ ലൈംഗിക ആരോഗ്യം, അനുബന്ധ ആരോഗ്യപ്രശ്നങ്ങൾ, ചികിത്സകൾ എന്നിവയെക്കുറിച്ച് അറിയാൻ ഇടിവി ഭാരത് സുഖിഭവ ഹൈദരാബാദിലെ ആൻഡ്രോകെയർ ആൻഡ് ആൻഡ്രോളജി ഇൻസ്റ്റിറ്റ്യൂട്ടിലെ ആൻഡ്രോളജിസ്റ്റ് ഡോ. രാഹുൽ റെഡ്ഡിയുമായി നടത്തിയ അഭിമുഖത്തിൽ നിന്ന്.

ഇന്ത്യയിൽ സ്ത്രീകളുടെ ലൈംഗിക ആരോഗ്യം, അനുബന്ധ ആരോഗ്യപ്രശ്നങ്ങൾ, ചികിത്സകൾ എന്നിവയെക്കുറിച്ച് അറിയാൻ ഇടിവി ഭാരത് സുഖിഭവ ഹൈദരാബാദിലെ ആൻഡ്രോകെയർ ആൻഡ് ആൻഡ്രോളജി ഇൻസ്റ്റിറ്റ്യൂട്ടിലെ ആൻഡ്രോളജിസ്റ്റ് ഡോ. രാഹുൽ റെഡ്ഡിയുമായി നടത്തിയ അഭിമുഖത്തിൽ നിന്ന്.

ലൈംഗികതയുടെ പ്രാധാന്യത്തെക്കുറിച്ച് കാമസൂത്ര ദേശം ലോകത്തിന് ചില യഥാർത്ഥ പാഠങ്ങൾ നൽകി. ജീവിതത്തിലെ വൈകാരികവും ശാരീരികവുമായ ആരോഗ്യം പോലെ, ലൈംഗികാരോഗ്യത്തിനും തുല്യ പ്രാധാന്യവും പരിചരണവും നൽകണം. ഇന്ത്യയുടെ ചില ഭാഗങ്ങളിൽ സ്ത്രീ ലൈംഗിക ആരോഗ്യം ഇപ്പോഴും അവഗണിക്കപ്പെടുകയും വിലക്കപ്പെടുകയും ചെയ്യുന്നു. പല സ്ത്രീകളും അവരുടെ പ്രായാധിക്യത്തിൽ ലൈംഗിക താൽപ്പര്യമില്ലായ്മ കാണിക്കുന്നു. സ്ത്രീ ലൈംഗിക ആരോഗ്യ പ്രശ്നങ്ങളെ നാലായി തരംതിരിക്കാം.

ഉത്തേജനത്തിന്‍റെ അഭാവം

മോഹത്തിന്റെ അഭാവം

രതിമൂർച്ഛയിലെത്താൻ ബുദ്ധിമുട്ട്

വേദനാജനകമായ സംവേദനം

വേദനാജനകമായ ലൈംഗികബന്ധം ഏതാനും സ്ത്രീകളിൽ മാത്രമേ സംഭവിക്കുകയുള്ളൂവെങ്കിലും, ആർത്തവവിരാമത്തിനു ശേഷമുള്ള സ്ത്രീകളിലും കഠിനമായ ഹോർമോൺ അസന്തുലിതാവസ്ഥയുള്ള സ്ത്രീയിലും ഇത് വളരെ സാധാരണമാണ്. 14-16 വയസാകുമ്പോൾ പെൺകുട്ടികൾക്ക് ലൈംഗിക ആരോഗ്യത്തെക്കുറിച്ചുള്ള അവബോധമുണ്ടാകുന്നു. അതായത് അനാവശ്യ ഗർഭധാരണം, ലൈംഗിക പീഡനം, എസ്ടിഡി (ലൈംഗിക രോഗങ്ങൾ) എന്നിവയിൽ നിന്ന് സ്വയം പരിരക്ഷിക്കുന്നതിനെക്കുറിച്ചുള്ള അവബോധം. ആദ്യഘട്ടത്തിൽ തന്നെ സ്ത്രീകൾക്ക് ലൈംഗിക ആരോഗ്യത്തെക്കുറിച്ച് കുറച്ച് അവബോധം ആവശ്യമാണ്

ലൈംഗികതയുമായി ബന്ധപ്പെട്ട വിഷയങ്ങളെക്കുറിച്ച് പരസ്യമായി സംസാരിക്കുമ്പോൾ ഇന്ത്യൻ, പാശ്ചാത്യ സ്ത്രീകൾക്ക് ഉണ്ടായ വ്യത്യാസങ്ങളെക്കുറിച്ചും അദ്ദേഹം പറഞ്ഞു. മിക്ക ഇന്ത്യൻ സ്ത്രീകളും പങ്കാളികളുമായി ലൈംഗിക പ്രശ്‌നങ്ങൾ ചർച്ച ചെയ്യാറില്ല. ശരിയായ ലൈംഗിക വിദ്യാഭ്യാസം ഇല്ലാത്തതാണ് ഇതിന് കാരണം. ശരിയായ ഭക്ഷണത്തോടൊപ്പം സ്ത്രീകൾക്ക് കുറഞ്ഞത് 20-30 മിനിറ്റ് വ്യായാമം ആവശ്യമാണ്. ഇന്ത്യൻ സ്ത്രീകൾ അവഗണിക്കുന്ന ഒരു ഭാഗമാണ് ഡയറ്റ്. ഇലക്കറികൾ, മാതളനാരങ്ങ, വാഴപ്പഴം, തണ്ണിമത്തൻ, പേരക്ക എന്നിവ നല്ല ലൈംഗിക ആരോഗ്യം നേടാൻ സഹായിക്കുന്നു. അയണിന്‍റെ കുറവുണ്ടാകാതിരിക്കാൻ സ്ത്രീകൾ പതിവായി ചുവന്ന മാംസം കഴിക്കേണ്ടത് പ്രധാനമാണ്.

ജീവിതശൈലിയിലെ മാറ്റങ്ങളും സ്ത്രീ ലൈംഗികാരോഗ്യത്തിൽ പ്രധാന പങ്ക് വഹിക്കുന്നു. വ്യായാമമില്ലാതെ ദീർഘനേരം ഇരിക്കുന്നത് ഒരു പായ്ക്ക് സിഗരറ്റ് വലിക്കുന്നതിനു തുല്യമാണ്. ഭൂരിഭാഗം പുരുഷന്മാരും സ്ത്രീകളും പതിവായി വ്യായാമം ചെയ്യുന്നുണ്ടെങ്കിലും അവർ തുടർച്ചയായി ഇരിക്കുന്നത് ആരോഗ്യത്തെ ബാധിക്കുന്നു. തൈറോയ്ഡ്, ഹോർമോൺ അസന്തുലിതാവസ്ഥ, വിറ്റാമിൻ ഡിയുടെ കുറവ്, പിസിഒഡി എന്നിവ സ്ത്രീ ലൈംഗിക ആരോഗ്യത്തെ ബാധിക്കുന്ന മറ്റ് ചില ആരോഗ്യ പ്രശ്നങ്ങളാണ്. ഗർഭനിരോധന മാർഗങ്ങൾ ലൈംഗിക ആരോഗ്യത്തെ ബാധിക്കുന്നുവെന്ന് അദ്ദേഹം പറഞ്ഞു.