ഡല്‍ഹി: കേന്ദ്രമന്ത്രി ഉമാഭാരതിയെ ബിജെപിയുടെ വൈസ് പ്രസിഡന്‍റായി നിയമിച്ചു. വരുന്ന തെരഞ്ഞെടുപ്പില്‍ മല്‍സരിക്കില്ലെന്ന് ഉമാ ഭാരതി പാര്‍ട്ടി നേതൃത്വത്തെ നേരത്തെ അറിയിച്ചിരുന്നു.
ഡല്‍ഹിയിലെ പാര്‍ട്ടി ആസ്ഥാനത്ത് നടന്ന വാര്‍ത്താ സമ്മേളനത്തില്‍ കേന്ദ്രമന്ത്രി ജെ.പി നഡ്ഡയാണ് ഇക്കാര്യം അറിയിച്ചത്. ഝാന്‍സിയില്‍ നിന്നുള്ള എംപിയായ ഉമാ ഭാരതി താന്‍ മേയ് മാസം മുതല്‍ ഗംഗാതീരത്തു കൂടെ 18 മാസം നീളുന്ന തീര്‍ഥാടനം നടത്തുകയാണെന്ന് അറിയിച്ചിരുന്നു. മൽസരിക്കുകയാണെങ്കിൽ ഝാൻസിയിൽ നിന്നു മാത്രമേ മത്സരിക്കുകയുള്ളെന്നും അവര്‍ അറിയിച്ചിരുന്നു.
2024 തെരഞ്ഞെടുപ്പില്‍ താന്‍ മത്സരിക്കുമെന്നും അന്ന് നരേന്ദ്ര മോദിയുടെ നേതൃത്വത്തില്‍ ബിജെപി വന്‍ ഭൂരിപക്ഷത്തില്‍ അധികാരത്തിലെത്തുമെന്നും ഉമാഭാരതികൂട്ടിച്ചേര്‍ത്തു.
