തെലങ്കാന: തെക്കൻ തുറമുഖ നഗരമായ കറാച്ചിക്ക് സമീപം പാകിസ്ഥാൻ ഇന്‍റർനാഷണൽ എയർലൈൻസിന്‍റെ എയർബസ് എ 320 എന്ന പാസഞ്ചർ വിമാനം ലാൻഡിംഗിന് ഒരു മിനിറ്റ് മുമ്പ് തകർന്നു. വിമാനത്തിലെ യാത്രക്കാരും ക്രൂ അംഗങ്ങളും ഉൾപ്പെടെ 107 പേർ മരിച്ചു. വിമാനം തകരുന്നതിന് മുമ്പായി മൂന്ന് തവണ ലാൻഡ് ചെയാൻ ശ്രമിച്ചതായി ദൃക്‌സാക്ഷികൾ പറഞ്ഞു. വിമാനം തകർന്ന് വീണ മോഡൽ കോളനിയിൽ നിരവധി വീടുകൾ ഉണ്ടായിരുന്നു.
സമാനമായ മറ്റ് സംഭവങ്ങൾ നോക്കാം:
- 2019 നവംബർ 24: കിഴക്കൻ ഡെമോക്രാറ്റിക് റിപ്പബ്ലിക്ക് ഓഫ് കോംഗോയിലെ ഗോമ നഗരത്തിലെ വീടുകളിൽ പാസഞ്ചർ വിമാനം ഇടിച്ച് 27 പേർ മരിച്ചു.
- 2019 ജൂലൈ 30: പാകിസ്ഥാൻ തലസ്ഥാന നഗരമായ ഇസ്ലാമാബാദിന് സമീപം റാവൽപിണ്ടിയിൽ ഒരു ചെറിയ സൈനിക വിമാനം റെസിഡൻഷ്യൽ ഏരിയയിൽ ഇടിച്ച് 18 പേർ മരിച്ചു.
- 2017 ജനുവരി 16: കടുത്ത മൂടൽമഞ്ഞിനെ തുടർന്ന് കിർഗിസ്ഥാനിലെ പ്രധാന വിമാനത്താവളത്തിനടുത്തുള്ള ഒരു ഗ്രാമത്തിൽ തുർക്കി കാർഗോ വിമാനം തകർന്നുവീണു. 13 കുട്ടികളടക്കം 38 പേർ കൊല്ലപ്പെട്ടു. പ്രദേശത്തെ നിരവധി വീടുകൾ അപകടത്തിൽ നശിച്ചു.
- 2015 ജൂൺ 30: ഇന്തോനേഷ്യൻ സൈനിക വിമാനം ടേക്ക് ഓഫ് ചെയുന്നതിനിടെ സുമാത്ര ദ്വീപിലെ മേദാനിലെ റെസിഡൻഷ്യൽ ഏരിയയിൽ തകർന്നു വീണു. സംഭവത്തിൽ 122 യാത്രക്കാരും 20 പ്രദേശവാസികളും മരിച്ചു. നിരവധി കെട്ടിടങ്ങളും തകർന്നു.
- 2012 നവംബർ 30: റിപ്പബ്ലിക് ഓഫ് കോംഗോയിലെ ബ്രസാവില്ലെ വിമാനത്താവളത്തിന് സമീപം കാർഗോ വിമാനം തകർന്ന് 32 പേർ മരിച്ചു. ശക്തമായ കാറ്റിൽ വിമാനം റൺവേയിൽ നിന്ന് തെന്നിമാറിയതാണ് അപകട കാരണം. നിരവധി വീടുകൾ തകർത്തു. മരിച്ചവരിൽ പ്രദേശവാസികളും ഉൾപ്പെട്ടു.
- 2012 ജൂൺ 03: നൈജീരിയയിലെ ഏറ്റവും വലിയ നഗരമായ ലാഗോസിൽ ഉണ്ടായ അപകടത്തിൽ ആറ് പ്രദേശവാസികൾ ഉൾപ്പെടെ 159 പേർ മരിച്ചു. നഗരത്തിന്റെ വടക്കുഭാഗത്തുള്ള ഒരു അയൽ‌പ്രദേശത്താണ് പാസഞ്ചർ ജെറ്റ് ഇറങ്ങിയത്. ഇതിനെ "മെയ്ഡേ" എന്ന് വിളിക്കുന്നു. വിമാനത്തിന്‍റെ രണ്ട് എഞ്ചിനുകളും തരാറിലായിരുന്നതാണ് അപകട കാരണം.
- 2011 മാർച്ച് 21: റിപ്പബ്ലിക് ഓഫ് കോംഗോയുടെ സാമ്പത്തിക തലസ്ഥാനമായ പോയിന്‍റ്-നോയിറിലെ ഒരു റെസിഡൻഷ്യൽ ഏരിയയിൽ കാർഗോ വിമാനം തകർന്ന് 14 പ്രദേശവാസികൾ ഉൾപ്പെടെ 23 പേർ മരിച്ചു.
- 2005 സെപ്റ്റംബർ 05: ഇന്തോനേഷ്യയിലെ മേദാനിലെ പോളോണിയ അന്താരാഷ്ട്ര വിമാനത്താവളത്തിൽ നിന്ന് ജക്കാർത്തയിലെ സോക്കർനോ-ഹത്ത അന്താരാഷ്ട്ര വിമാനത്താവളത്തിലേക്ക് ഷെഡ്യൂൾഡ് ചെയ്ത ആഭ്യന്തര സർവീസ് നടത്തുന്ന വിമാനമാണ് മണ്ടാല എയർലൈൻസ് ഫ്ലൈറ്റ് 91. മേദാനിൽ നിന്ന് പറന്നുയർന്ന് നിമിഷങ്ങൾക്കകം വിമാനം ജനവാസ മേഖലയിൽ തകർന്ന് വീണു. അപകടത്തിൽ 149 പേർ മരിച്ചു.
- 2001 നവംബർ 12: ഡൊമിനിക്കൻ റിപ്പബ്ലിക്കിലേക്ക് പുറപ്പെട്ട അമേരിക്കൻ എയർലൈൻസ് എ -300 ന്യൂയോർക്കിലെ ക്വീൻസ് നഗരത്തിലെ ജനവാസ മേഖലയിലേക്ക് ടേക്ക് ഓഫ് ചെയ്ത് മിനിറ്റുകൾക്ക് ശേഷം തകർന്നുവീണു. പ്രദേശവാസികളായ അഞ്ച് പേർ അടക്കം 260 പേർ മരിച്ചു.
- 1992 ഒക്ടോബർ 04: സർക്കാർ ഉടമസ്ഥതയിലുള്ള ഇസ്രായേലി വിമാനക്കമ്പനിയായ എൽ അലിന്‍റെ ബോയിംഗ് 747 ചരക്ക് വിമാനം എൽ അൽ ഫ്ലൈറ്റ് 1862 നെതർലാൻഡിലെ ആംസ്റ്റർഡാമിലെ ബിജ്‌മെർമീർ പരിസരത്തുള്ള ഗ്രോനെവീൻ ആന്‍റ് ക്ലീൻ-ക്രൂട്ട്ബെർഗ് ഫ്ലാറ്റുകളിൽ തകർന്നു. വിമാനത്തിലെ മൂന്ന് ക്രൂ അംഗങ്ങളും ഒരു യാത്രക്കാരനും, 39 പ്രദേശവാസികളും ഉൾപ്പെടെ 43 പേർ കൊല്ലപ്പെട്ടു.
- 1989 സെപ്റ്റംബർ 03: മോശം കാലാവസ്ഥയിൽ ജോസ് മാർട്ടി അന്താരാഷ്ട്ര വിമാനത്താവളത്തിൽ നിന്ന് ടേക്ക് ഓഫ് ചെയ്തതിന് തൊട്ടുപിന്നാലെ ക്യൂബാന ഡി അവിയാസിയൻ ഇല്യുഷിൻ ഇൽ -62 എം വിമാനം തകർന്നു. ജനവാസ മേഖലയിലാണ് വിമാനം തകർന്നത്. വിമാനത്തിലുണ്ടായിരുന്ന 126 പേരും പ്രദേശവാസികളായ 45 പേരും കൊല്ലപ്പെട്ടു.
