ഭുവനേശ്വർ: സംസ്ഥാനത്ത് 1480 പേര്‍ക്ക് കൂടി കൊവിഡ് സ്ഥിരീകരിച്ചു. ഇതോടെ സംസ്ഥാനത്തെ കൊവിഡ് ബാധിതരുടെ എണ്ണം 2,82,695 ആയി. കഴിഞ്ഞ 24 മണിക്കൂറിൽ 2071 പേരാണ് കൊവിഡ് മുക്തരായത്. 14 പേര്‍ കൂടി കൊവിഡ് ബാധിച്ച് മരിച്ചതോടെ സംസ്ഥാനത്തെ കൊവിഡ് മരണനിരക്ക് 1259 ആയി. ഒഡിഷയില്‍ നിലവില്‍ 17,281 പേരാണ് ചികില്‍സയില്‍ കഴിയുന്നത്. അതേസമയം 2,64,102 പേര്‍ ഇതുവരെ രോഗമുക്തി നേടി.
45,149 പേർക്ക് കൂടി കൊവിഡ് സ്ഥിരീകരിച്ചതോടെ ഇന്ത്യയിലെ ആകെ കൊവിഡ് ബാധിതരുടെ എണ്ണം 79,09,960 ആയി. 480 മരണങ്ങളാണ് കഴിഞ്ഞ 24 മണിക്കൂറിൽ ഇന്ത്യയിൽ റിപ്പോർട്ട് ചെയ്‌തത്. ഇതോടെ ആകെ മരണസംഖ്യ 1,19,014 ആയി ഉയർന്നു. ഇന്ത്യയിൽ നിലവിലുള്ള സജീവ കൊവിഡ് കേസുകളുടെ എണ്ണം 6,53,717 ആണ്. കഴിഞ്ഞ 24 മണിക്കൂറിൽ 59,105 പേർ കൂടി രോഗമുക്തരായതോടെ ആകെ രോഗമുക്തരായവരുടെ എണ്ണം 71,37,229 ആയി.
