ന്യൂഡൽഹി: ജാമിഅ മില്ലിയയിലുണ്ടായ അക്രമത്തിൽ നടപടി ആവശ്യപ്പെട്ട് വൈസ് ചാൻസിലർ നജ്മ അക്തറിനെ വിദ്യാർഥികൾ ഘരാവോ ചെയ്തു. ഡൽഹി പൊലീസിനെതിരെ എഫ്ഐആർ രജിസ്റ്റർ ചെയ്യണമെന്നാവശ്യപ്പെട്ടായിരുന്നു പ്രതിഷേധം. പൂട്ട് തകർത്ത് ഓഫീസിനുള്ളില്‍ കയറിയ വിദ്യാർഥികൾ വിസിക്കെതിരെ മുദ്രാവാക്യം വിളിക്കുകയായിരുന്നു.
ജാമിഅ മില്ലിയ അക്രമം; നടപടി ആവശ്യപ്പെട്ട് വിദ്യാർഥികൾ
വി.സി യോട് ചർച്ച ആവശ്യപ്പെട്ട വിദ്യാർഥികൾ ഓഫീസിന് മുന്നിൽ പ്രതിഷേധം നടത്തി. പൗരത്വ നിയമ ഭേദഗതിക്കെതിരെ നടന്ന സമരത്തിൽ നാല് പബ്ലിക് ബസുകളും രണ്ട് പൊലീസ് വാഹനങ്ങളും കത്തിച്ചിരുന്നു. 31 വിദ്യാർഥികൾക്കാണ് ജാമിഅ മില്ലിയയിലുണ്ടായ അക്രമത്തിൽ പരിക്കേറ്റത്.
