ജയ്‌പൂര്‍: സംസ്ഥാനത്ത് ബി.ജെ.പി കോണ്‍ഗ്രസ് സര്‍ക്കാരിനെ അട്ടിമറിക്കാന്‍ ശ്രമിച്ചുവെന്ന പരാതിയില്‍ മുഖ്യമന്ത്രി അശോക് ഗെഹ്‌ലോട്ടിന്‍റെയും സച്ചിന്‍ പൈലറ്റിന്‍റെയും മൊഴി രാജസ്ഥാന്‍ പൊലീസ് ഓപ്പറേഷന്‍ ഗ്രൂപ്പ് (എസ്ഒജി) രേഖപ്പെടുത്തും.
അശോക് ഗെഹ്‌ലോട്ടിന്‍റെ കോണ്‍ഗ്രസ് സര്‍ക്കാരിനെ അട്ടിമറിക്കാനായി കുതിരക്കച്ചവടം നടത്തിയെന്ന രണ്ട് ബി.ജെ.പിക്കാര്‍ക്കെതിരെ എസ്ഒജി വെള്ളിയാഴ്‌ച എഫ്ഐആര്‍ തയ്യാറാക്കിയിരുന്നു. ഭരണകക്ഷി എംഎല്‍എമാര്‍ക്കെതിരെയുള്ള നീക്കങ്ങള്‍ നടക്കുന്നുണ്ടെന്ന് വ്യക്തമാക്കുന്ന രണ്ട് മൊബൈല്‍ നമ്പറുകള്‍ വഴി ലഭിച്ച വസ്‌തുതകളുടെ അടിസ്ഥാനത്തിലാണ് പൊലീസ് എഫ്ഐആര്‍ രജിസ്റ്റര്‍ ചെയ്‌തത്.
നേരത്തെ രാജ്യസഭ തെരഞ്ഞെടുപ്പിന് മുന്നോടിയായി കോണ്‍ഗ്രസിനെ അട്ടിമറിക്കാന്‍ ബി.ജെ.പി ശ്രമിക്കുന്നുവെന്ന് അശോക് ഗെഹ്‌ലോട്ട് ആരോപിച്ചിരുന്നു. വിഷയത്തില്‍ അന്വേഷണം ആവശ്യപ്പെട്ട് ചീഫ് വിപ്പ് എസ്ഒജിക്കും എസിബിക്കും പരാതി നല്‍കിയിരുന്നു.
