ന്യൂഡൽഹി: പൊതു ഓഫീസുകളിൽ വൈഎസ്ആർസി പാർട്ടി നിറം വരയ്ക്കണം എന്നാവശ്യപ്പെട്ട് ആന്ധ്ര സർക്കാർ സമർപ്പിച്ച ഹർജി സുപ്രീം കോടതി തള്ളി. സർക്കാർ കെട്ടിടങ്ങളിൽ വരച്ച നിറങ്ങൾ നാല് ആഴ്ചയ്ക്കുള്ളിൽ നീക്കംചെയ്യാൻ സുപ്രീം കോടതി ഉത്തരവിട്ടു.
പഞ്ചായത്ത് ഓഫീസുകളിലും സർക്കാർ കെട്ടിടങ്ങളിലും ജി.ഒ.എം.എസ് നിറങ്ങൾ ഉപയോഗിക്കാനുള്ള ഹൈക്കോടതി ഉത്തരവിനെ തുടർന്നാണ് ഇതേ വിഷയത്തിൽ ആന്ധ്രാ മുഖ്യമന്ത്രി ജഗൻ മോഹൻ റെഡ്ഡി സുപ്രീം കോടതിയെ സമീപിച്ചത്. വിഷയത്തിൽ ചീഫ് സെക്രട്ടറിയിൽ നിന്ന് ഹൈക്കോടതി വിശദീകരണം തേടിയിരുന്നു. ചീഫ് സെക്രട്ടറി നിലം സാഹ്‌നി, പഞ്ചായത്ത് രാജ് സെക്രട്ടറി ഗിരി ശങ്കർ എന്നിവർ ഹൈക്കോടതിയിൽ ഹാജരായി കോടതിയലക്ഷ്യത്തെക്കുറിച്ച് വിശദീകരണം നൽകി.
സർക്കാർ കെട്ടിടങ്ങളിൽ വൈ എസ് ആർ സിപാർട്ടി നിറങ്ങൾ വരയ്ക്കാൻ എപി സർക്കാർ കോടിക്കണക്കിന് രൂപ ചെലവഴിച്ചിരുന്നു. എന്നാൽ പഞ്ചായത്ത് ഓഫീസും മറ്റ് സർക്കാർ കെട്ടിടങ്ങളും സർക്കാർ സ്വത്തുക്കളാണെന്നും സർക്കാർ കെട്ടിടങ്ങൾക്ക് പാർട്ടി നിറങ്ങൾ അനുവദനീയമല്ലെന്നും സുപ്രീം കോടതി പറഞ്ഞു.
