ലക്‌നൗ: യു.പിയിലെ സോന്‍ഭദ്രയില്‍ കരിങ്കല്‍ ക്വാറിയിലുണ്ടായ അപകടത്തില്‍ മൂന്ന് പേരെ കാണാതായി. വെള്ളിയാഴ്ച രാത്രിയാണ് ക്വാറിയുടെ ഒരു ഭാഗം തകര്‍ന്ന് വീണത്. അവശിഷ്ടങ്ങള്‍ക്കിടയില്‍ കുടുങ്ങി പോയ ആറ് തൊഴിലാളികളികളില്‍ മൂന്ന് പേരെ രക്ഷപെടുത്തി. ഇതില്‍ രണ്ട് പേരെ ഗുരുതര പരിക്കുകളോടെ ഒബ്ര ആശുപത്രിയില്‍ പ്രവേശിപ്പിച്ചു.
ദേശീയ ദുരന്ത നിവാരണ സേനയുടെ നേതൃത്വത്തില്‍ രക്ഷാ പ്രവര്‍ത്തനം തുടരുകയാണ്. മുഖ്യമന്ത്രി യോഗി ആദിത്യനാഥിന്‍റെ നിര്‍ദേശ പ്രകാരം മുതിര്‍ന്ന ഉദ്യോഗസ്ഥര്‍ സംഭവസ്ഥലത്തെത്തി. പരിക്കേറ്റ തൊഴിലാളികള്‍ക്ക് മികച്ച ചികിത്സ നല്‍കാനും അദ്ദേഹം നിര്‍ദേശിച്ചിട്ടുണ്ട്.
