ലഖ്‌നൗ: മാസ്ക് ധരിക്കാത്തയാള്‍ക്ക് നേരെ വെടിയുതിർത്ത് ബാങ്കിലെ സെക്യൂരിറ്റി ഉദ്യോഗസ്ഥൻ. ബറേലിയിലെ ബാങ്ക് ഓഫ് ബറോഡയുടെ സ്റ്റേഷൻ റോഡ് ശാഖയിലാണ് സംഭവം. കാലിന് വെടിയേറ്റ രാജേഷ് കുമാർ എന്നയാളെ ആശുപത്രിയില്‍ പ്രവേശിപ്പിച്ചു.
also read: കുട്ടികള്‍ക്കുള്ള വാക്‌സിൻ; അന്തിമ തീരുമാനമായിട്ടില്ലെന്ന് ഐസിഎംആർ
പണം പിൻവലിക്കുന്നതിനായാണ് രാജേഷ് കുമാർ ബാങ്കിലെത്തിയത്. എന്നാൽ മാസ്ക് ധരിക്കാത്തതിനാൽ സെക്യൂരിറ്റി രാജേഷിനെ ബാങ്കിലേക്ക് കടത്തിവിട്ടില്ല. തുടര്‍ന്ന് ഇരുവരും തമ്മില്‍ തർക്കമായി. പിന്നാലെയാണ് വെടിവയ്‌പ്പുണ്ടായത്. സംഭവത്തില്‍ അന്വേഷണം ആരംഭിച്ച പൊലീസ് സെക്യൂരിറ്റി ജീവനക്കാരനെ കസ്റ്റഡിയിലെടുത്തിട്ടുണ്ട്.
