മുംബൈ: ഡ്യുവല്‍ ചാനല്‍ എബിഎസ് ബ്രേക്കിംഗ് (anti-lock braking system) സിസ്‌റ്റത്തോടെ അവതരിപ്പിക്കുന്ന ബജാജിന്‍റെ പള്‍സര്‍ 250യുടെ എല്ലാ മോഡലുകളും പുറത്തിറക്കി. പൾസർ എൻ 250 (നേക്കഡ് സ്ട്രീറ്റ് ഫൈറ്റർ), പൾസർ എഫ് 250 (സെമി ഫെയർഡ് സ്ട്രീറ്റ് റേസർ) എന്നിവയാണ് പുറത്തിറക്കിയത്.
1.50 ലക്ഷം രൂപയാണ് (എക്സ്-ഷോറൂം ഡൽഹി) വില. കറുപ്പ് നിറത്തിലാകും വാഹനം എത്തുക. എന്നാല്‍ മോഡലിന്‍റെ സിംഗിൾ-ചാനൽ എബിഎസ് വേരിയന്‍റ് നിലവിലുള്ള എല്ലാ നിറങ്ങളിലും വിൽപ്പന തുടരും. പള്‍സറിന്‍റെ എൻ സീരീസ് പുറത്തിറക്കി ആറ് മാസത്തിനുള്ളിൽ 10,000 യൂണിറ്റുകൾ വിറ്റതായും കമ്പനി അവകാശപ്പെട്ടു.
ബിഎസ് 6ന് ശേഷമുള്ള 250 വാഹന സീരീസിലെ ഏറ്റവും വലിയ വില്‍പ്പനയാണ് ഇതെന്നും കമ്പനി അറിയിച്ചു. പൾസർ 250-ൽ 300 എംഎം ഫ്രണ്ട്, 230 എംഎം റിയർ ഡിസ്‌ക് ബ്രേക്കുകളും വലിയ ടയറുകളുമാണ് ഉള്ളത്. ഇത് സുരക്ഷയും ഗ്രിപ്പും നല്‍കും. രാജ്യത്തുടനീളമുള്ള റൈഡർമാരിൽ നിന്ന് ബജാജ് പൾസർ 250 മികച്ച പ്രതികരണം നേടിയെന്നും കമ്പനി അറിയിച്ചു.
Also Read: ഹീറോ മോട്ടോഴ്‌സിന്‍റെ പുതിയ പാഷൻ 'എക്‌സ്‌ടെക്' വിപണിയിലേക്ക്
