ചെന്നൈ : വണ്ടലൂര്‍ അരിഗ്‌നര്‍ അണ്ണ മൃഗശാലയില്‍ നിന്നും അണ്ണാൻ കുരങ്ങുകളെ (Squirrel Monkeys) മോഷ്‌ടിച്ച സംഭവത്തില്‍ ജീവനക്കാരനുള്‍പ്പടെ നാല് പേര്‍ പിടിയില്‍. ഫെബ്രുവരി എട്ടിനാണ് അപൂർവയിനം കുരങ്ങുകളെ മൃഗശാലയില്‍ നിന്നും കാണാതായത്. ജീവനക്കാർ നല്‍കിയ പരാതിയെ തുടര്‍ന്നാണ് പൊലീസ് നടപടി.
ALSO READ: ഉഡുപ്പിയില്‍ സ്‌കൂള്‍ പരിസരങ്ങളില്‍ നിരോധനാജ്ഞ; പ്രതിഷേധങ്ങള്‍ നിരോധിച്ചു
സംശയം തോന്നിയതിനെ തുടര്‍ന്ന് മൃഗശാലയിലെ ആംബുലൻസ് ഡ്രൈവറെ പൊലീസ് ചോദ്യം ചെയ്യുകയുണ്ടായി. തുടര്‍ന്ന്, മോഷണം ഇയാളുടെ പദ്ധതിയായിരുന്നുവെന്ന് വ്യക്തമാവുകയായിരുന്നു. പ്രതികള്‍ കുരങ്ങുകളെ നാലുലക്ഷം രൂപയ്ക്ക് വിറ്റതായും കണ്ടെത്തി. മോഷ്‌ടാക്കളുടെ വ്യക്തിഗത വിവരങ്ങള്‍ പൊലീസ് പുറത്തുവിട്ടിട്ടില്ല.
