ന്യൂഡല്‍ഹി : അന്വേഷണ ഏജന്‍സിയുടെ പരിധിയിലുള്ളവര്‍ ഒളിവില്‍ പോയാല്‍ കോടതി ഇളവുകള്‍ക്ക് അര്‍ഹതയില്ലെന്ന് സുപ്രീം കോടതി. എന്നാല്‍ കുറ്റാരോപിതനായി പ്രഖ്യാപിക്കപ്പെട്ട ഒരാളാണ് ഒളിവില്‍ കഴിയുന്നതെങ്കില്‍ സി ആര്‍ പി സി 438 പ്രകാരം അയാള്‍ക്ക് ജാമ്യം അനുവദിക്കുന്നതിന് തടസമില്ലെന്നും ജസ്റ്റിസുമാരായ ദിനേഷ് മഹേശ്വരി, അനിരുദ്ധ ബോസ് എന്നിവരടങ്ങിയ ബഞ്ച് വ്യക്തമാക്കി.
കുറ്റാരോപിതന്‍റെ മൗലികാവകാശങ്ങളെ തടസപ്പെടുത്തുന്ന കർശനമായ വകുപ്പുകൾ പ്രയോഗിച്ചതിന്‍റെ പേരിൽ ആ വ്യക്തിയുടെ കുറ്റകരമായ പെരുമാറ്റത്തിന്‍റെ ആഘാതം ഇല്ലാതാകുന്നില്ലെന്നും സുപ്രീം കോടതി നിരീക്ഷിച്ചു. നിയമ നടപടികള്‍ പാലിക്കാതെയും അതിന് വിധേയനാകാതെയുമിരിക്കുന്നതിന് ന്യായീകരണമില്ലെന്നും കോടതി കൂട്ടിച്ചേര്‍ത്തു.
also read: ഗ്യാൻവാപി മസ്ജിദ്: കേസ് വാരാണസി ജില്ല കോടതിയിലേക്ക് മാറ്റി; ഇടക്കാല ഉത്തരവ് തുടരും
സെക്ഷൻ 23(2) പ്രകാരം അഡീഷണൽ ഡയറക്ടർ ജനറൽ ഓഫ് പോലീസ്, നാഗ്പൂർ സിറ്റി പോലീസ് കമ്മീഷണർ എന്നിവര്‍ ചോദ്യം ചെയ്യണമെന്ന് ചൂണ്ടിക്കാട്ടിയ പ്രതി അതിനെതിരെ ബോംബെ ഹൈക്കോടതിയെ സമീപിക്കുകയും ഇയാളുടെ ഹര്‍ജി കോടതി തള്ളുകയും ചെയ്തിരുന്നു.
അത് ചോദ്യം ചെയ്‌ത് ഇയാള്‍ സുപ്രീം കോടതിയെയും സമീപിച്ചു. പ്രസ്‌തുത അപ്പീല്‍ തള്ളുന്നതിനിടെയാണ് പരമോന്നത കോടതിയുടെ നിരീക്ഷണം.
