ജയ്പുർ: കൊവിഡ് കേസുകൾ വര്‍ദിക്കുന്ന സാഹചര്യത്തിൽ സംസ്ഥാനത്തെ എല്ലാ നഗരങ്ങളിലും 12 മണിക്കൂർ കർഫ്യു പ്രഖ്യാപിച്ച് രാജസ്ഥാൻ സർക്കാർ. വൈകീട്ട് ആറ് മുതൽ രാവിലെ ആറ് വരെയാണ് കർഫ്യു. വെള്ളിയാഴ്ച ആരംഭിക്കുന്ന കർഫ്യു ഈ മാസം അവസാനം വരെ നീണ്ടുനിൽക്കും.
കൂടുതല്‍ വായിക്കുക.....കൊവിഡിന് സാമൂഹ്യ പ്രതിരോധമൊരുക്കാന്‍ ഗവര്‍ണര്‍മാര്‍ മുന്നിട്ടിറങ്ങണം: പ്രധാനമന്ത്രി
കച്ചവട കേന്ദ്രങ്ങൾ വൈകീട്ട് അഞ്ചു മണിക്ക് അടക്കണമെന്നും സർക്കാർ ഉത്തരവിട്ടിട്ടുണ്ട്. എല്ലാവിധ വിദ്യാഭ്യാസ സ്ഥാപനങ്ങളും അടഞ്ഞു കിടക്കും. അതേസമയം, ഫാക്ടറികളെയും ബസ് സ്റ്റാന്‍റുകളെയും ഉത്തരവിൽ നിന്നും ഒഴിവാക്കിയിട്ടുണ്ട്. പൊതു ചടങ്ങുകളോ കായിക മത്സരങ്ങളോ അനുവദിക്കുകയില്ല. വിവാഹ ചടങ്ങുകളിൽ പരമാവധി 50 പേരെ വരെ പങ്കെടുപ്പിക്കാമെന്നും സംസ്ഥാന വിദ്യാഭ്യാസ മന്ത്രി ഗോവിന്ദ് സിങ് ധോതശ്രയ അറിയിച്ചു.
കൂടുതല്‍ വായിക്കുക.....ഇന്ത്യയില്‍ നിലവിലുള്ളതും വരാൻ പോകുന്നതുമായ കൊവിഡ് വാക്സിനുകള്‍
6,200 പുതിയ കൊവിഡ് കേസുകളാണ് രാജസ്ഥാനിൽ കഴിഞ്ഞദിവസം റിപ്പോർട്ട് ചെയ്തത്. തലസ്ഥാന നഗരമായ ജയ്‌പൂരിൽ മാത്രം 1,325 കേസുകളും റിപ്പോർട്ട് ചെയ്തു. ടെസ്റ്റ് പോസിറ്റിവിറ്റി നിരക്ക് കഴിഞ്ഞ മാസത്തെ രണ്ട് ശതമാനത്തിൽ നിന്ന് ഇപ്പോള്‍ എട്ട് ശതമാനത്തിലേക്ക് കുതിച്ചുയർന്നു. കൊവിഡ് കേസുകൾ കുതിച്ചുയരുന്ന സാഹചര്യത്തിൽ സംസ്ഥാനത്തെ പത്ത്, പന്ത്രണ്ട് ക്ലാസ്സുകളിലെ പരീക്ഷകളും റദ്ദാക്കിയിട്ടുണ്ട്.
