Watch.. ಮೆಮೊರಿಯಲ್​ ಹಾಲ್​ನಲ್ಲಿ ಕಾಣಿಸಿಕೊಂಡ ಹೆಬ್ಬಾವು: ರಕ್ಷಿಸಿ ಕಾಡಿಗೆ ಬಿಟ್ಟ ಸ್ನೇಕ್‌ ಶ್ಯಾಮ್

ಮೈಸೂರು: ವಿಜಯನಗರ 2ನೇ ಹಂತದ ಮೆಮೋರಿಯಲ್‌ ಹಾಲ್‌ ಒಂದರಲ್ಲಿ ಮಂಗಳವಾರ ರಾತ್ರಿ ಕಾಣಿಸಿಕೊಂಡ ಹೆಬ್ಬಾವವನ್ನು ಉರಗತಜ್ಞ ಸ್ನೇಕ್​ ಶ್ಯಾಮ್ ಸುರಕ್ಷಿತವಾಗಿ ಸೆರೆಹಿಡಿದು, ಕಾಡಿಗೆ ಬಿಟ್ಟಿದ್ದಾರೆ.

ಸುಮಾರು 8 ಅಡ್ಡಿ ಉದ್ದದ 15 ಕೆಜಿಗೂ ಹೆಚ್ಚು ತೂಕದ ಹೆಬ್ಬಾವೊಂದು ಕಾಣಿಸಿಕೊಂಡಿದೆ. ತಕ್ಷಣ ಸ್ಥಳೀಯರು ಉರಗತಜ್ಞ ಸ್ನೇಕ್‌ ಶ್ಯಾಮ್ ಅವರಿಗೆ ಕರೆ ಮಾಡಿ ಮಾಹಿತಿ ನೀಡಿದ್ದು, ಸ್ಥಳಕ್ಕೆ ಆಗಮಿಸಿದ ಅವರು, ಹೆಬ್ಬಾವು ಹಾಲ್​ನಿಂದ ರಸ್ತೆ ಕಡೆ ಬಂದಾಗ ಸುರಕ್ಷಿತವಾಗಿ ಸೆರೆಹಿಡಿದು ಕಾಡಿಗೆ ಬಿಟ್ಟಿದ್ದಾರೆ. ಬೃಹತ್‌ ಆಕಾರದ ಹೆಬ್ಬಾವನ್ನು ನೋಡಲು ಸೇರಿದ ಸುತ್ತಮುತ್ತಲ ಜನರು ತಮ್ಮ ಮೊಬೈಲ್​ಗಳಲ್ಲಿ ವಿಡಿಯೋ ಸೆರೆ ಹಿಡಿದರು.

"ನಗರದಲ್ಲಿ ಈ ರೀತಿ ಹೆಬ್ಬಾವುಗಳು ಕಾಣಿಸಿಕೊಳ್ಳುವುದು ಅಪರೂಪ. ಆದರೂ ಆಹಾರ ಅರಸಿ ಚರಂಡಿ ಪಕ್ಕದಲ್ಲಿ ಓಡಾಡುವ, ಇಲಿ, ಹೆಗ್ಗಣ ಸೇರಿದಂತೆ ಇತರ ಆಹಾರಗಳನ್ನು ಹುಡಿಕಿಕೊಂಡು ಬಂದಿದೆ ಅಷ್ಟೇ. ಈ ಹೆಬ್ಬಾವನ್ನು ಸುರಕ್ಷಿತವಾಗಿ ಸೆರೆ ಹಿಡಿದು, ಕಾಡಿಗೆ ಬಿಡಲಾಯಿತು" ಎಂದು ಉರಗತಜ್ಞ ಸ್ನೇಕ್‌ ಶ್ಯಾಮ್‌ ಈಟಿವಿ ಭಾರತ್​ಗೆ ಮಾಹಿತಿ ನೀಡಿದರು.

ಇದನ್ನೂ ನೋಡಿ: Watch.. ಜನ ಶತಾಬ್ದಿ ರೈಲಿನ ಎಸಿ ಕೋಚ್‌ನಲ್ಲಿ ಹಾವು ಪ್ರತ್ಯಕ್ಷ: ಬೆಚ್ಚಿಬಿದ್ದ ಪ್ರಯಾಣಿಕರು