ಎಲೋನ್ ಮಸ್ಕ್ ಅವರ X (ಟ್ವಿಟರ್) ಪ್ಲಾಟ್‌ಫಾರ್ಮ್ ಕೆಲವು ಬಳಕೆದಾರರಿಗೆ ಉಚಿತವಾಗಿ 'ಬ್ಲೂ ಟಿಕ್' ನೀಡುತ್ತಿದೆ. ಇದರಿಂದ ಅನೇಕರು ಗೊಂದಲಕ್ಕೆ ಒಳಗಾಗುತ್ತಿದ್ದಾರೆ. ಏಕೆಂದರೆ, ಎಲೋನ್ ಮಸ್ಕ್ 2022ರಲ್ಲಿ ಟ್ವಿಟರ್ ಅನ್ನು ಖರೀದಿಸಿದ ನಂತರ, ಅವರು ಬಳಕೆದಾರರಿಗೆ ತಿಂಗಳಿಗೆ 8 ಡಾಲರ್ ಶುಲ್ಕ ವಿಧಿಸಿ, ಬ್ಲೂ ಟಿಕ್ ನೀಡಲು ಪ್ರಾರಂಭಿಸಿದ್ದರು.
ಬ್ಲೂ ಟಿಕ್ ವಿಶೇಷತೆ ಏನು?: ಹೆಚ್ಚು ಫಾಲೋವರ್ಸ್ ಹೊಂದಿರುವವರಿಗೆ ಟ್ವಿಟರ್ ಪರಿಶೀಲನೆ ಬ್ಯಾಡ್ಜ್ ಅಡಿ ಬ್ಲೂ ಟಿಕ್‌ಗಳನ್ನು ನೀಡಲಾಗುತ್ತದೆ. ಇದು ಸಂಪೂರ್ಣವಾಗಿ ಉಚಿತವಾಗಿದೆ. ಇದರೊಂದಿಗೆ ಸೆಲೆಬ್ರಿಟಿಗಳು, ಪ್ರಭಾವಿಗಳು ಮತ್ತು ರಾಜಕಾರಣಿಗಳ ಖಾತೆಗಳು ಬ್ಲೂಟಿಕ್ ಮಾರ್ಕ್‌ಗಳನ್ನು ಹೊಂದಿದ್ದವು. ಬಳಕೆದಾರರು ನೈಜ ಖಾತೆಗಳನ್ನು ಅನುಸರಿಸಬಹುದು. ಆದರೆ, 2022ರಲ್ಲಿ ಎಲೋನ್ ಮಸ್ಕ್ ಟ್ವಿಟರ್ ಅನ್ನು 44 ಬಿಲಿಯನ್ ಡಾಲರ್‌ಗಳಿಗೆ ಖರೀದಿಸಿದರು. ನಂತರ ಅವರು ಉಚಿತ ಬ್ಲೂ ಟಿಕ್ ನೀಡುವುದನ್ನು ನಿಲ್ಲಿಸಿದರು. ಬ್ಲೂ ಟಿಕ್ ಅನ್ನು ಬಯಸುವವರು ತಿಂಗಳಿಗೆ ಆರಂಭಿಕ ಶುಲ್ಕವಾಗಿ 8 ಡಾಲರ್ ಪಾವತಿಸಬೇಕು ಎಂದು ತಿಳಿಸಲಾಗಿತ್ತು.
ಇದರೊಂದಿಗೆ, ಅನೇಕ ಸೆಲೆಬ್ರಿಟಿಗಳ ಬ್ಲೂಟಿಕ್ಸ್ ಮತ್ತು ಹೈ - ಪ್ರೊಫೈಲ್ ಖಾತೆಗಳು ಕಳೆದುಹೋಗಿವೆ. ಈ ಅವಕಾಶದಿಂದಾಗಿ ಸಾಕಷ್ಟು ನಕಲಿ ಎಕ್ಸ್ ಖಾತೆಗಳು ಹುಟ್ಟಿಕೊಂಡಿವೆ. ಈ ನಕಲಿ ಖಾತೆಗಳನ್ನು ಸೃಷ್ಟಿಸಿದವರು ಹಣ ಪಾವತಿಸಿ ಬ್ಲೂ ಟಿಕ್ ಖರೀದಿಸಿದ್ದರು. ಇದರೊಂದಿಗೆ, ಬಳಕೆದಾರರು ನೈಜ ಮತ್ತು ನಕಲಿ ಖಾತೆಗಳ ನಡುವೆ ವ್ಯತ್ಯಾಸ ಕಂಡುಹಿಡಿಯಲು ಸಾಧ್ಯವಾಗದೇ ಗೊಂದಲಕ್ಕೊಳಗಾಗಲು ಪ್ರಾರಂಭಿಸಿದರು.
ಉಚಿತ ಬ್ಲೂ ಟಿಕ್: ಪರಿಸ್ಥಿತಿ ಕೈ ಮೀರುತ್ತಿರುವ ಕಾರಣ ಎಲೋನ್ ಮಸ್ಕ್ ಯು - ಟರ್ನ್ ಹೊಡೆದಿದ್ದಾರೆ. 2,500 ಕ್ಕಿಂತ ಹೆಚ್ಚು ಫಾಲೋವರ್ಸ್ ಹೊಂದಿರುವ ಬಳಕೆದಾರರಿಗೆ ಉಚಿತ ಬ್ಲೂ ಟಿಕ್ ನೀಡಲಾಗುವುದು ಎಂದು ಸ್ಪಷ್ಟಪಡಿಸಲಾಗಿದೆ. ಇದಲ್ಲದೇ, ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಸಹ ಅವರಿಗೆ ಉಚಿತವಾಗಿ ನೀಡಲಾಗುವುದು ಎಂದರು. ಕಳೆದ ವಾರ ಅವರು 5,000ಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿರುವ ಖಾತೆಗಳಿಗೆ ಪ್ರೀಮಿಯಂ ಜೊತೆಗೆ ಸೌಲಭ್ಯಗಳನ್ನು ಸಂಪೂರ್ಣವಾಗಿ ಉಚಿತವಾಗಿ ನೀಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.
ಇದರೊಂದಿಗೆ, ಬುಧವಾರ ಮಧ್ಯರಾತ್ರಿಯಿಂದ ಅನೇಕ ಮಾಜಿ ಬಳಕೆದಾರರ ಖಾತೆಗಳಿಗೆ ಬ್ಲೂ ಟಿಕ್‌ಗಳನ್ನು ಮರುಸ್ಥಾಪಿಸಲಾಗಿದೆ. ಅನೇಕ ಬಳಕೆದಾರರು ಅದರ ಬಗ್ಗೆ ತುಂಬಾ ಸಂತೋಷಪಟ್ಟಿದ್ದಾರೆ. ಬ್ಲೂ ಟಿಕ್ ಮಾರ್ಕ್ಗೆ ಹಣ ಪಾವತಿಸಿದವರು ಹತಾಶೆ ಎದುರಿಸುತ್ತಿದ್ದಾರೆ. ಆದರೆ, ಈ ಇತ್ತೀಚಿನ ಬೆಳವಣಿಗೆಯ ಬಗ್ಗೆ ಎಲೋನ್ ಮಸ್ಕ್ ಅಥವಾ ಅವರ ಅಧಿಕೃತ ಪ್ರತಿನಿಧಿಗಳು ಯಾವುದೇ ಹೇಳಿಕೆ ನೀಡಿಲ್ಲ ಎಂಬುದು ಗಮನಾರ್ಹ.
ಇದನ್ನೂ ಓದಿ: ಫೆಬ್ರವರಿಯಲ್ಲಿ ಫೇಸ್ಬುಕ್ & ಇನ್ಸ್ಟಾದಲ್ಲಿನ 18 ಮಿಲಿಯನ್ ಪೋಸ್ಟ್ ತೆಗೆದು ಹಾಕಿದ ಮೆಟಾ - Meta
