CQB ಕಾರ್ಬೈನ್ ರೈಫಲ್​ನ ಕೊನೆಯ ಪರೀಕ್ಷೆಯೊಂದೇ ಬಾಕಿ: ಮುಂದಿನ ವರ್ಷದಿಂದ ಸೇನೆಯ ಬಲ ಹೆಚ್ಚಿಸಲಿರುವ ಸ್ವದೇಶಿ ಅಸ್ತ್ರ - KANPUR SAF CQB CARBINE RIFALS

ಕಾನ್ಪುರದ ಸಣ್ಣ ಶಸ್ತ್ರಾಸ್ತ್ರ ಕಾರ್ಖಾನೆಯು ಭಾರತೀಯ ಸೈನಿಕರಿಗಾಗಿ CQB ಕಾರ್ಬೈನ್ ರೈಫಲ್​ ಅನ್ನು ಸಿದ್ಧಪಡಿಸಿದೆ. ಅದರ ಮೂರು ಪರೀಕ್ಷೆಗಳು ಸಂಪೂರ್ಣ ಯಶಸ್ವಿಯಾಗಿವೆ. ಈಗ ಒಂದೇ ಒಂದು ಪರೀಕ್ಷೆ ಬಾಕಿಯಿದೆ. ಇದಾದ ಬಳಿಕ ಸೇನೆಗೆ ನೀಡಲಾಗುವುದು. ಹಲವು ರಾಜ್ಯಗಳ ಪೊಲೀಸರು ಕೂಡ ಈ ವಿಶೇಷ ಅಸ್ತ್ರಕ್ಕೆ ಬೇಡಿಕೆ ಇಟ್ಟಿದ್ದಾರೆ.

ಕಾನ್ಪುರ (ಉತ್ತರ ಪ್ರದೇಶ): ಕಾನ್ಪುರದ ಸಣ್ಣ ಶಸ್ತ್ರಾಸ್ತ್ರ ಕಾರ್ಖಾನೆಯಿಂದ ಭಾರತೀಯ ಸೈನಿಕರಿಗಾಗಿ ಗುಡ್​ ನ್ಯೂಸ್​ ಬಂದಿದೆ. ಕೆಲವು ತಿಂಗಳ ಹಿಂದೆ, SAF (ಕಾನ್ಪುರದ ಸಣ್ಣ ಶಸ್ತ್ರಾಸ್ತ್ರ ಕಾರ್ಖಾನೆ) ನಲ್ಲಿ CQB ಕಾರ್ಬೈನ್ ರೈಫಲ್​ ಸಿದ್ಧಪಡಿಸಲಾಯಿತು. ಈ ಕಾರ್ಬೈನ್ ರೈಫಲ್​ ಅನ್ನು ಪರೀಕ್ಷಿಸುವ ಯೋಜನೆಯನ್ನು ಒಟ್ಟು ನಾಲ್ಕು ಹಂತಗಳಲ್ಲಿ ಸಿದ್ಧಪಡಿಸಲಾಗಿದೆ.

ಇದುವರೆಗೆ 3 ಹಂತಗಳಲ್ಲಿ ಇದರ ಪರೀಕ್ಷೆ ಯಶಸ್ವಿಯಾಗಿದೆ. ಈಗ ಒಂದು ಹಂತದ ಪರೀಕ್ಷೆ ಮಾತ್ರ ಬಾಕಿ ಇದೆ. ಒಟ್ಟಾರೆ ಕಾರ್ಯಕ್ಷಮತೆ ಗಮನದಲ್ಲಿಟ್ಟುಕೊಂಡು ಮುಂದಿನ ವರ್ಷದಿಂದ ಭಾರತೀಯ ಸೇನೆಯ ಬಲವನ್ನು ಹೆಚ್ಚಿಸಲು ಸಾಧ್ಯವಾಗುತ್ತದೆ. ಈ ಸ್ವಯಂ ಚಾಲಿತ ಕಾರ್ಬೈನ್‌ ರೈಫಲ್​​ನಿಂದ ಸೈನಿಕರು ಶತ್ರುಗಳನ್ನು ಹಿಮ್ಮೆಟ್ಟಿಸಲು ಸಾಧ್ಯವಾಗಲಿದೆ.

ರೈಫಲ್​ನ ಟಾರ್ಗಟ್​ ವ್ಯಾಪ್ತಿ 200 ಮೀಟರ್, ತೂಕ 3 ಕೆಜಿ: ಎಸ್‌ಎಎಫ್ ಕಾರ್ಯನಿರ್ವಾಹಕ ನಿರ್ದೇಶಕ ರಾಜೀವ್ ಶರ್ಮಾ ಈಟಿವಿ ಭಾರತ ಜೊತೆಗಿನ ವಿಶೇಷ ಸಂವಾದದಲ್ಲಿ ಮಾತನಾಡಿ, ''ಇದುವರೆಗೆ 5.56 x 45 ಎಂಎಂ ಕ್ಯಾಲಿಬರ್‌ನ ಮಷಿನ್ ರೈಫಲ್ ಸೇರಿದಂತೆ ಇತರ ಶಸ್ತ್ರಾಸ್ತ್ರಗಳು ಲಭ್ಯವಿವೆ. ಈಗ ಮೊದಲ ಬಾರಿಗೆ CQB ಕಾರ್ಬೈನ್ ರೈಫಲ್ ತಯಾರಿಸಲಾಗಿದೆ ಎಂದು ಹೇಳಿದ್ದಾರೆ.

ಸೇನೆಗೆ ಒಟ್ಟು 4 ಲಕ್ಷಕ್ಕೂ ಹೆಚ್ಚು ಇಂತಹ ಕಾರ್ಬೈನ್‌ ರೈಫಲ್​ಗಳ ಅಗತ್ಯವಿದೆ. ಈ ಆರ್ಡರ್​​ ನಮಗೆ ಸಿಗುತ್ತದೆ ಎಂಬ ಸಂಪೂರ್ಣ ಭರವಸೆ ನಮಗಿದೆ. ಇಲ್ಲಿಯವರೆಗೆ ಸುಮಾರು 20 ಕಾರ್ಬೈನ್​ಗಳನ್ನು ಸಿದ್ಧಪಡಿಸಲಾಗಿದೆ. ಇದು ಮೂರು ಹಂತದ ಪ್ರಯೋಗಗಳಲ್ಲಿ ಯಶಸ್ವಿಯಾಗಿದೆ. ಇನ್ನು ಒಂದು ಹಂತದ ಪರೀಕ್ಷೆ ಮಾತ್ರ ಬಾಕಿ ಇದೆ. ಇದರ ನಂತರ, ಶೀಘ್ರದಲ್ಲೇ ನಾವು ಈ ಕಾರ್ಬೈನ್ ರೈಫಲ್ ಅನ್ನು ಸೈನಿಕರಿಗೆ ಹಸ್ತಾಂತರಿಸುತ್ತೇವೆ. ಸೇನೆಯಲ್ಲದೇ ಹಲವು ರಾಜ್ಯಗಳ ಪೊಲೀಸರೂ ನಮ್ಮಿಂದ ಕಾರ್ಬೈನ್ ರೈಫಲ್ ಕೇಳುತ್ತಿದ್ದಾರೆ. ಅವರಿಗೂ ನಿಯಮಾನುಸಾರ ನೀಡಲಾಗುವುದು ಎಂದು ರಾಜೀವ್​ ಶರ್ಮಾ ಹೇಳಿದ್ದಾರೆ.

CQB ಕಾರ್ಬೈನ್‌ ರೈಫಲ್​​ನ ವೈಶಿಷ್ಟ್ಯಗಳೇನು?: ಕ್ಯಾಲಿಬರ್- 5.56 ಬೈ 45 ಎಂಎಂ, ಉದ್ದ- 790 ಎಂಎಂ (ಬಟ್ ವಿಸ್ತೃತ) 560 ಎಂಎಂ (ಬಟ್ ಫೋಲ್ಡ್), ಪರಿಣಾಮಕಾರಿ ಶ್ರೇಣಿ- 200 ಮೀಟರ್, ಪೈರಿಂಗ್​ ರೇಟ್​- ನಿಮಿಷಕ್ಕೆ 700 ಸುತ್ತುಗಳು, ಮೋಡ್ ಆಫ್ ಫೈರ್- ಸಿಂಗಲ್ ಅಂತ್ಯ, ಸುರಕ್ಷತೆ-ಅನ್ವಯಿಕ ಮತ್ತು ಮೆಕ್ಯಾನಿಕಲ್ ಸುರಕ್ಷತೆ, ಸ್ಲಿಂಗ್- 3 ಪಾಯಿಂಟ್ ಸ್ಲಿಂಗ್, ಆಪರೇಟಿವ್ ತಾಪಮಾನ- 20 ಡಿಗ್ರಿ ಸೆಲ್ಸಿಯಸ್‌ನಿಂದ 45 ಡಿಗ್ರಿ ಸೆಲ್ಸಿಯಸ್. ಹೀಗೆ ಈ ರೈಪಲ್​ಗಳು ಹಲವು ವಿಶೇಷತೆಗಳನ್ನು ಹೊಂದಿವೆ.

CQB ಇತರ ಶಸ್ತ್ರಾಸ್ತ್ರಗಳಿಗಿಂತ ಭಿನ್ನ: ಇಲ್ಲಿಯವರೆಗೆ ಸೈನಿಕರು AK-47, ಮಷಿನ್ ಗನ್, INSAS ಇತ್ಯಾದಿಗಳನ್ನು ಆಕ್ರಮಣಕಾರಿ ರೈಫಲ್‌ಗಳಲ್ಲಿ ಬಳಸುತ್ತಿದ್ದರು. ನಿಕಟ ಯುದ್ಧದಲ್ಲಿ ಅವರನ್ನು ಉತ್ತಮವೆಂದು ಪರಿಗಣಿಸಲಾಗುವುದಿಲ್ಲ. ಇದನ್ನು ನೋಡಿದ ಸೈನಿಕರಿಗೆ ಸಿಕ್ಯೂಬಿ ಕಾರ್ಬೈನ್ ರೈಪಲ್​ ಬೇಕು ಎಂದು ಅನಿಸತೊಡಗುತ್ತದೆ. ಹೀಗಾಗಿ ಭಾರತೀಯ ಸೇನೆ ಈ ಬೇಡಿಕೆ ಇಟ್ಟಿದೆ. ಇದರ ನಂತರ, ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಯ (DRDO) ಘಟಕವು CQB ಕಾರ್ಬೈನ್ ವಿನ್ಯಾಸವನ್ನು ರಕ್ಷಣಾ ಸಚಿವಾಲಯದ PSU ಅಡ್ವಾನ್ಸಡ್ ವೆಪನ್ಸ್ ಅಂಡ್ ಇಕ್ವಿಪ್ಮೆಂಟ್ ಇಂಡಿಯಾ ಲಿಮಿಟೆಡ್ ಕಂಪನಿಗೆ ನೀಡಿತು. ಇದಾದ ಬಳಿಕ ಅದನ್ನು ತಯಾರಿಸುವ ಕಾರ್ಯ ಆರಂಭವಾಯಿತು ಎಂದು ಸಂಸ್ಥೆಯ ನಿರ್ದೇಶಕ ಶರ್ಮಾ ಹೇಳಿದ್ದಾರೆ.

ಇದನ್ನೂ ಓದಿ: ಅಧಿಕಾರಕ್ಕೆ ಬಂದರೆ ಒಂದು ಗಂಟೆಯೊಳಗೆ ಮದ್ಯ ನಿಷೇಧ ತೆಗೆದುಹಾಕುತ್ತೇನೆ: ಪ್ರಶಾಂತ್​ ಕಿಶೋರ್​​ ಸ್ಫೋಟಕ ಘೋಷಣೆ - LIQUOR BAN WILL END IN BIHAR KISHOR