IND vs SA 2nd T20: ಭಾರತ ವಿರುದ್ಧ ಎದ್ದುಬಿದ್ದು ಗೆದ್ದ ದಕ್ಷಿಣ ಆಫ್ರಿಕಾ; 17 ವರ್ಷದ ದಾಖಲೆ ಸೇಫ್​!

Ind vs SA T20 Series: ಭಾರತದ ವಿರುದ್ಧ ನಡೆದ 2ನೇ ಟಿ20 ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ 3 ವಿಕೆಟ್​ಗಳಿಂದ ಗೆಲುವು ಸಾಧಿಸಿದೆ.

IND vs SA 2nd T20: ಟೀಂ ಇಂಡಿಯಾ (Team India) ವಿರುದ್ಧ ನಡೆದ T20 ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ (South Africa) ಭರ್ಜರಿ ಗೆಲುವು ಸಾಧಿಸಿದೆ. ಭಾನುವಾರ ಸೇಂಟ್​ ಜಾರ್ಜಸ್​ ಕ್ರೀಡಾಂಗಣದಲ್ಲಿ ನಡೆದ ನಾಲ್ಕು ಪಂದ್ಯಗಳ ಟಿ20 ಸರಣಿಯ (T20 Series) ಎರಡನೇ ಪಂದ್ಯದಲ್ಲಿ ಹರಿಣ ಪಡೆ 3 ವಿಕೆಟ್​ಗಳಿಂದ ರೋಚಕ ಗೆಲುವು ಸಾಧಿಸಿತು. ಈ ಗೆಲುವಿನೊಂದಿಗೆ ಸರಣಿಯಲ್ಲಿ 1-1 ಸಮಬಲ ಸಾಧಿಸಿತು.

ಈ ಪಂದ್ಯದಲ್ಲಿ ಟಾಸ್​ ಸೋತು ಬ್ಯಾಟ್​ ಮಾಡಿದ್ದ ಭಾರತ ಪವರ್ ​ಪ್ಲೇನಲ್ಲೇ ಪ್ರಮುಖ ಮೂರು ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಮೊದಲ ಪಂದ್ಯದಲ್ಲಿ ಶತಕ ಸಿಡಿಸಿ ಘರ್ಜಿಸಿದ್ದ ಸಂಜು ಸ್ಯಾಮ್ಸನ್​ ಈ ಪಂದ್ಯದಲ್ಲಿ ಖಾತೆ ತೆರೆಯದೆ ಶೂನ್ಯಕ್ಕೆ ನಿರ್ಗಮಿಸಿದರು. ಮತ್ತೊಂದೆಡೆ, ಸತತ ವೈಫಲ್ಯ ಅನುಭವಿಸುತ್ತಿರುವ ಓಪನರ್​ ಅಭಿಷೇಕ್​ ಶರ್ಮಾ ಈ ಪಂದ್ಯದಲ್ಲೂ ಹೇಳಿಕೊಳ್ಳುವ ಪ್ರದರ್ಶನ ನೀಡಲಿಲ್ಲ. ಹಾರ್ದಿಕ್​ ಪಾಂಡ್ಯ (39) ಹೊರತುಪಡಿಸಿ ಉಳಿದ ಬ್ಯಾಟರ್​ಗಳು ಹರಿಣ ಪಡೆಯ ಬೌಲಿಂಗ್​ ದಾಳಿಗೆ ಸಿಲುಕಿ ಕನಿಷ್ಠ 30ರ ಗಡಿ ತಲುಪಲು ಸಾಧ್ಯವಾಗಲಿಲ್ಲ. ತಿಲಕ್​ ವರ್ಮಾ (20), ಅಕ್ಷರ್​ ಪಟೇಲ್​ (27), ರಿಂಕು ಸಿಂಗ್​ (9), ಅರ್ಷದೀಪ್​ (7) ಅಲ್ಪಮೊತ್ತಕ್ಕೆ ಪೆವಿಲಿಯನ್​ ಸೇರಿದರು.

A thriller in Gqeberha as South Africa win the 2nd T20I by 3 wickets to level the series 1-1#TeamIndia will aim to bounce back in the next match

Scorecard - https://t.co/ojROEpNVp6#SAvIND pic.twitter.com/Cjw0ik0m4q

— BCCI (@BCCI) November 10, 2024

ಬ್ಯಾಟಿಂಗ್​ ಲೈನ್​ಅಪ್​ ಕುಸಿತದಿಂದಾಗಿ ಟೀಂ ಇಂಡಿಯಾ ನಿಗದಿತ 20 ಓವರ್​ಗಳಲ್ಲಿ 6 ವಿಕೆಟ್​ ಕಳೆದುಕೊಂಡು 124 ರನ್​ ಗಳಿಸಲಷ್ಟೇ ಶಕ್ತವಾಯಿತು.

ಆಪತ್ಪಾಂಧವ ಸ್ಟಬ್ಸ್​: ಈ ಗುರಿಯನ್ನು ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ಎದ್ದು ಬಿದ್ದು ಗೆಲುವಿನ ದಡ ಸೇರಿತು. ಟ್ರಿಸ್ಟನ್​ ಸ್ಟಬ್ಸ್​ (47), ಹೆಂಡ್ರಿಕ್ (27) ಬ್ಯಾಟಿಂಗ್​ ನೆರವಿನಿಂದ 1 ಓವರ್​ ಬಾಕಿ ಇರುವಂತೆಯೇ ಪಂದ್ಯ ಗೆದ್ದುಕೊಂಡಿತು. ಇವರಿಬ್ಬರನ್ನು ಹೊರತುಪಡಿಸಿ ಉಳಿದ ಯಾವುದೇ ಬ್ಯಾಟ್ಸ್​ಮನ್ ಎರಡಂಕಿ​ ದಾಟಲು ಸಾಧ್ಯವಾಗಲಿಲ್ಲ.

🟢🟡Match Result

Superb Cricket from our Proteas!😃🥳🏏

🇿🇦South Africa win by 3 wickets

The series is now level at 1-1.
Next stop, Centurion😉#WozaNawe #BePartOfIt #SAvIND pic.twitter.com/du7zjYW2KZ

— Proteas Men (@ProteasMenCSA) November 10, 2024

ಚಕ್ರವರ್ತಿ ಹೋರಾಟ ವ್ಯರ್ಥ: ಬೌಲಿಂಗ್​ನಲ್ಲಿ ಭಾರತದ ಪರ ಕನ್ನಡಿಗ ವರುಣ್​ ಚಕ್ರವರ್ತಿ ಭರ್ಜರಿ ಪ್ರದರ್ಶನ ತೋರಿದರು. ನಾಲ್ಕು ಓವರ್​ಗಳಲ್ಲಿ 17 ರನ್​ ನೀಡಿ 5 ವಿಕೆಟ್​ ಉರುಳಿಸಿದರು. ಉಳಿದಂತೆ ರವಿ ಬಿಷ್ಟೋಯ್​ ಮತ್ತು ಅರ್ಷದೀಪ್​ ಸಿಂಗ್​ ತಲಾ 1 ವಿಕೆಟ್​ ಪಡೆದರು.

17 ವರ್ಷದ ದಾಖಲೆ ಸೇಫ್​: ನಿನ್ನೆ ಸೇಂಟ್ ಜಾರ್ಜ್ ಓವಲ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಗೆಲುವು ಸಾಧಿಸಿದ ದಕ್ಷಿಣ ಆಫ್ರಿಕಾ ತನ್ನ ಹೆಸರಲ್ಲಿರುವ 17 ವರ್ಷಗಳ ದಾಖಲೆಯನ್ನು ಹಾಗೆಯೇ ಉಳಿಸಿಕೊಂಡಿದೆ. ಹೌದು, ಕಳೆದ ಹದಿನೇಳು ವರ್ಷಗಳಿಂದ ಈ ಮೈದಾನದಲ್ಲಿ ನಡೆದಿರುವ ಟಿ20 ಪಂದ್ಯಗಳಲ್ಲಿ ದಕ್ಷಿಣ ಆಫ್ರಿಕಾ ಒಂದೇ ಒಂದು ಬಾರಿಯೂ ಸೋಲನುಭವಿಸಿಲ್ಲ. ಕೊನೆಯದಾಗಿ 2007ರಲ್ಲಿ ವೆಸ್ಟ್​ ಇಂಡೀಸ್​ ವಿರುದ್ಧ ಸೋಲನುಭವಿಸಿತ್ತು. ಇದುವರೆಗೂ ಈ ಮೈದಾನದಲ್ಲಿ ಒಟ್ಟು 5 ಬಾರಿ ಟಿ20 ಪಂದ್ಯವನ್ನು ಆಡಿರುವ ದಕ್ಷಿಣ ಆಫ್ರಿಕಾ 4 ರಲ್ಲಿ ಗೆಲುವು ಸಾಧಿಸಿದೆ. ಆದ್ರೆ ಈ ಮೈದಾನದಲ್ಲಿ ಅತಿ ಹೆಚ್ಚು ಸ್ಕೋರ್​ ಗಳಿಸಿದ ದಾಖಲೆ ಭಾರತದ ಹೆಸರಲ್ಲಿದೆ.

ಕಳೆದ ವರ್ಷ ಡಿಸೆಂಬರ್​ ತಿಂಗಳಲ್ಲಿ ನಡೆದಿದ್ದ ಟಿ20 ಪಂದ್ಯದಲ್ಲಿ ಭಾರತ 180 ರನ್​ ಕಲೆಹಾಕಿತ್ತು. ಇದು ಈ ವರೆಗಿನ ಹೈಸ್ಕೋರ್. ಆದ್ರೆ ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಡೆಕ್ವರ್ತ್​ ಲೂಯಿಸ್​ ನಿಯಮದಿಂದಾಗಿ ಗೆಲುವು ಸಾಧಿಸಿತ್ತು. ಈ ಹಿನ್ನೆಲೆಯಲ್ಲಿ ಸೇಂಟ್ ಜಾರ್ಜ್ ಓವಲ್ ಮೈದಾನ ದಕ್ಷಿಣ ಆಫ್ರಿಕಾಕ್ಕೆ ಫೇವರಿಟ್​ ಆಗಿದೆ.

ಇದನ್ನೂ ಓದಿ: IND vs SA 2nd T20: ಮೊದಲ ಪಂದ್ಯ ಗೆದ್ದರೂ ಟೀಂ ಇಂಡಿಯಾಗೆ ಕಡಿಮೆ ಆಗಿಲ್ಲ ಟೆನ್ಶನ್: ಕಾರಣ ಏನು ಗೊತ್ತಾ?