ಲ್ಯಾಂಡಿಂಗ್​ ವೇಳೆ ರನ್​ವೇಯಲ್ಲಿ ಜಾರಿ ಪಲ್ಟಿಯಾದ ವಿಮಾನ; ಮಗು ಸೇರಿ 18 ಮಂದಿಗೆ ಗಂಭೀರ ಗಾಯ

ವೇಗವಾಗಿ ಬೀಸುತ್ತಿದ್ದ ಗಾಳಿಯ ಜೊತೆಗೆ ರನ್​ವೇಯಲ್ಲಿ ಹಿಮವೂ ಇದ್ದ ಕಾರಣ ವಿಮಾನ ತಲೆಕೆಳಗಾಗಿ ಉರುಳಿ ಬಿದ್ದಿದೆ. ತಕ್ಷಣವೇ ನಿಲ್ದಾಣದ ತುರ್ತು ಸೇವಾ ಸಿಬ್ಬಂದಿ ಕಾರ್ಯಾಚರಣೆ ಕೈಗೊಂಡು ಭಾರೀ ಅನಾಹುತವನ್ನು ತಪ್ಪಿಸಿದ್ದಾರೆ ಎಂದು ತಿಳಿದು ಬಂದಿದೆ.

ಟೊರೊಂಟೊ(ಕೆನಡಾ): 80 ಜನರಿದ್ದ ಡೆಲ್ಟಾ ಏರ್​ಲೈನ್ಸ್‌ ವಿಮಾನ​ ಟೊರೊಂಟೊದ ಪಿಯರ್ಸನ್ ವಿಮಾನ ನಿಲ್ದಾಣದಲ್ಲಿ ಲ್ಯಾಡಿಂಗ್​ ವೇಳೆ ರನ್​ವೇಯಲ್ಲಿ ಪಲ್ಟಿಯಾಗಿ, ತಲೆಕೆಳಗಾಗಿ ಬಿದ್ದ ಘಟನೆ ಸೋಮವಾರ ನಡೆದಿದೆ. ಈ ಘಟನೆಯಲ್ಲಿ 18 ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಈ ಕುರಿತು ಎಕ್ಸ್​ ಜಾಲತಾಣದಲ್ಲಿ ಪೋಸ್ಟ್ ಮಾಡಿರುವ ವಿಮಾನ ನಿಲ್ದಾಣದ ಅಧಿಕಾರಿಗಳು, "ಡೆಲ್ಟಾ ಏರ್​ಲೈನ್ಸ್​ಗೆ ಸೇರಿದ 4819 ಸಂಖ್ಯೆಯ ವಿಮಾನದಲ್ಲಿ 76 ಮಂದಿ ಪ್ರಯಾಣಿಕರು ಮತ್ತು 4 ಮಂದಿ ಸಿಬ್ಬಂದಿ ಇದ್ದರು. ನಿಲ್ದಾಣದಲ್ಲಿ ವಿಮಾನ ಮಧ್ಯಾಹ್ನ 2.15ಕ್ಕೆ ಲ್ಯಾಂಡಿಂಗ್​ ಆಗುತ್ತಿದ್ದಂತೆ ಈ ಅಪಘಾತ ಸಂಭವಿಸಿದೆ. ಮಗು ಸೇರಿದಂತೆ 18 ಮಂದಿಯ ಸ್ಥಿತಿ ಗಂಭೀರವಾಗಿದೆ. ಆದರೆ, ಅವರಿಗೆ ಯಾವುದೇ ಜೀವ ಭಯವಿಲ್ಲ" ಎಂದು ತಿಳಿಸಿದೆ.

The left is trying to blame this #planecrash on Trump. 😂

A brilliant Delta Airlines pilot was hit by 70mph winds and yet he saved the lives of everyone on board.

Miraculously, only 8 people were injured in Toronto.pic.twitter.com/kFvfQnJje6

— JackReacher (@DCjusticeseeker) February 18, 2025

ಅಮೆರಿಕದ ಮಿನ್ನೆಪೊಲಿಸ್​​ನಿಂದ ಆಗಮಿಸಿದ ಈ ವಿಮಾನ ಲ್ಯಾಂಡಿಂಗ್​ ಆಗುತ್ತಿದ್ದಂತೆ ಏರ್​ಪೋರ್ಟ್‌ನಲ್ಲಿ ಬಲವಾಗಿ ಗಾಳಿ ಬೀಸುತ್ತಿತ್ತು. ಜೊತೆಗೆ, ಹಿಮವೂ ಇದ್ದ ಹಿನ್ನೆಲೆಯಲ್ಲಿ ರನ್​ವೇಯಲ್ಲಿ ಜಾರಿದೆ. ತಕ್ಷಣವೇ ತುರ್ತು ಸೇವಾ ಸಿಬ್ಬಂದಿ ರಕ್ಷಣೆಗೆ ಧಾವಿಸಿದ್ದಾರೆ. ಅಗ್ನಿ ಅನಾಹುತ ಸಂಭವಿಸದಂತೆ ಸುತ್ತಮುತ್ತಲ ಪ್ರದೇಶಕ್ಕೆ ಸೂಕ್ತ ವ್ಯವಸ್ಥೆ​ ಮಾಡಿದ್ದರು ಎಂದು ನಿಲ್ದಾಣದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಕೆನಡಾ ನಿರ್ಮಿತ ಎಂಬ್ರೇರ್ ಸಿಆರ್​ಜೆ-900 ಜೆಟ್ ಅನ್ನು ಡೆಲ್ಟಾ ಅಂಗಸಂಸ್ಥೆ ಎಂಡೀವರ್ ಏರ್ ನಿರ್ವಹಿಸುತ್ತಿದೆ. ಈ ಅನಾಹುತದ ಕುರಿತು ಕೆನಡಾದ ಸಾರಿಗೆ ಭದ್ರತಾ ಮಂಡಳಿ ತನಿಖೆ ನಡೆಸಲಿದೆ. ದೊಡ್ಡ ಪ್ರಮಾಣದಲ್ಲಿ ಪ್ರಯಾಣಿಕರು ಇರುವಾಗ ಜೆಟ್​ ಜಾರಿರುವುದು ಸಾಮಾನ್ಯ ಅಪಘಾತವಲ್ಲ ಎಂದು ತಿಳಿಸಿದ್ದು, ತನಿಖೆಗೆ ಅಮೆರಿಕ ಫೆಡರಲ್​ ವೈಮಾನಿಕ ಆಡಳಿತ ಮತ್ತು ರಾಷ್ಟ್ರೀಯ ಸಾರಿಗೆ ಭದ್ರತಾ ಮಂಡಳಿ ನೆರವು ನೀಡಲಿದೆ ಎಂದು ಫ್ಲೋರಿಡಾದ ಸೇಂಟ್ ಪಿಟರ್​ಬರ್ಗ್​ನಲ್ಲಿರುವ ವೈಮಾನಿಕ ಸುರಕ್ಷಾ ಸಮಾಲೋಚನ ಘಟಕದ ಸಿಇಒ ಜಾನ್​ ಕಾಗ್ಸ್​ ತಿಳಿಸಿದ್ದಾರೆ.

ಲ್ಯಾಂಡಿಂಗ್​ ವೇಳೆ ಗಂಟೆಗೆ 61 ಕಿಲೋ ಮೀಟರ್ ವೇಗದಲ್ಲಿ ಗಾಳಿ ಬೀಸುತ್ತಿತ್ತು. ಇಂತಹ ಗಾಳಿಯನ್ನು ನಿರ್ವಹಿಸುವಂತೆ ವಿಮಾನವನ್ನು ವಿನ್ಯಾಸ ಮಾಡಲಾಗಿದೆ. ಪೈಲಟ್​ ಕೂಡ ಸಾಕಷ್ಟು ತರಬೇತಿ ಹೊಂದಿದವರು. ಹೀಗಿದ್ದೂ ಅಪಘಾತ ಪ್ರಶ್ನೆ ಮೂಡಿಸಿದೆ ಎಂದಿದ್ದಾರೆ.

ತಲೆಕೆಳಗಾದ ವಿಮಾನ (ಎಪಿ)

ಡೆಲ್ಟಾ ಸಿಒಒ ಎಡ್​ ಬ್ಯಾಸ್ಟಿನ್​ ಅವರು ಅಪಘಾತಕ್ಕೆ ವಿಷಾದ ವ್ಯಕ್ತಪಡಿಸಿ, ಘಟನೆಯ ವಿವರಗಳನ್ನು ದೃಢಪಡಿಸುವ ಕೆಲಸ ನಿರ್ವಹಿಸುತ್ತಿದ್ದೇವೆ. ಶೀಘ್ರದಲ್ಲೇ ಸಂಸ್ಥೆಯ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಳ್ಳುತ್ತೇವೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಅಮೆರಿಕದಿಂದ ಇಸ್ರೇಲ್​​ಗೆ 907 ಕೆಜಿ ತೂಕದ ಎಂಕೆ-84 ಬಾಂಬ್​​ಗಳ ಪೂರೈಕೆ ಪುನಾರಂಭ

ಇದನ್ನೂ ಓದಿ: ಡೇಟೋನಾ 500 ಮೋಟಾರ್ ರೇಸ್​ಗೆ ಜೀವಕಳೆ ತುಂಬಿದ ಟ್ರಂಪ್ ಕಾರ್​​; ಬುಲೆಟ್​-ಬಾಂಬ್​ಗೂ ಜಗ್ಗಲ್ಲ, ಬಗ್ಗಲ್ಲ ದೀ ಬೀಸ್ಟ್​