ಲಾಸ್ ಏಂಜಲೀಸ್, ಅಮೆರಿಕ: ಅಮೆರಿದ ಅಧ್ಯಕ್ಷೀಯ ಚುನಾವಣೆ ಕಾವಿನ ನಡುವೆಯೇ ಡೋನಾಲ್ಡ್ ಟ್ರಂಪ್ ಅವರ ವಿವಾದಾತ್ಮಕ ಚಿತ್ರ ತೆರೆಗೆ ಬರಲು ಸಜ್ಜಾಗಿದೆ. ಚುನಾವಣೆಗೆ ಮುನ್ನವೇ ಬಿಡುಗಡೆಯಾಗಲಿರುವ ಚಿತ್ರದಲ್ಲಿ, ಅಮೆರಿಕ ಮಾಜಿ ಅಧ್ಯಕ್ಷ ತಮ್ಮ ಪತ್ನಿ ಮೇಲೆ ಎಸಗಿದ ಅತ್ಯಾಚಾರ ಸೇರಿದಂತೆ ಅನೇಕ ಆಘಾತಕಾರಿ ಅಂಶಗಳನ್ನು ಒಳಗೊಂಡಿದೆ.
'ದಿ ಅಪ್ರೆಂಟಿಸ್' ಎಂಬ ಶೀರ್ಷಿಕೆಯಲ್ಲಿ ಮೂಡಿ ಬರುತ್ತಿರುವ ಚಿತ್ರದ ಬಿಡುಗಡೆ ಟಿನಿ ಇಂಡೇ ಸ್ಟುಡಿಯೋ ಬ್ರಿಯಾರ್ಕ್ಲಿಫ್ ಎಂಟರ್ಟೈನ್ಮೆಂಟ್ ಸಿದ್ಧತೆ ನಡೆಸಿದೆ. ಕಮಲಾ ಹ್ಯಾರಿಸ್ - ಟ್ರಂಪ್ ನಡುವಿನ ಪ್ರಬಲ ಸ್ಪರ್ಧೆ ನಡುವ ಚಿತ್ರ ಅಕ್ಟೋಬರ್ನಲ್ಲಿ ತೆರೆ ಕಾಣಲಿದೆ ಎಂದು ಹಾಲಿವುಡ್ ವರದಿಗಳು ತಿಳಿಸಿದೆ. ಆದರೆ, ಈ ಕುರಿತು ಎಎಫ್ಪಿ ಪ್ರಶ್ನೆಗಳಿಗೆ ಬ್ರಿಯಾರ್ಕ್ಲಿಫ್ ಪ್ರತಿನಿಧಿಗಳು ಯಾವುದೇ ಪ್ರತಿಕ್ರಿಯೆ ತೋರಿಲ್ಲ.
ಟ್ರಂಪ್ ಯೌವನ ಕಾಲದ ಕೆಲವು ಕೆಲವು ಸ್ಪೋಟಕ ಮಾಹಿತಿಯನ್ನು ಚಿತ್ರ ಹೊಂದಿದ್ದು, ಮೇಯಲ್ಲಿ ಕೇನ್ಸ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಪ್ರದರ್ಶಿತವಾದ ಚಿತ್ರ ನೋಡಿದ ಮಂದಿ ಆಘಾತ ವ್ಯಕ್ತಪಡಿಸಿದ್ದರು. ಟ್ರಂಪ್ ತಮ್ಮ ಮೊದಲ ಪತ್ನಿ ಇವನಾ ಮೇಲೆ ಅತ್ಯಾಚಾರ ಎಸಗಿದ ದೃಶ್ಯ ಹೆಚ್ಚು ಚರ್ಚಿತವಾಯಿತು. ನಿಜ ಜೀವನದಲ್ಲೂ ಕೂಡ ಇವನಾ ವಿಚ್ಛೇದನ ಸಂದರ್ಭದಲ್ಲಿ ಟ್ರಂಪ್ ಅತ್ಯಾಚಾರ ಘಟನೆ ಉಲ್ಲೇಖಿಸಿದ್ದರು. ಆದರೆ, ಬಳಿಕ ಈ ಹೇಳಿಕೆಯನ್ನು ಹಿಂಪಡೆದವರು. ಆಕೆ 2022ರಲ್ಲಿ ಸಾವನ್ನಪ್ಪಿದ್ದರು.
ಸಿನಿಮಾದಲ್ಲಿ ಟ್ರಂಪ್ ಎರೆಕ್ಟಿಲೆ ಡಿಸ್ಫಂಕ್ಷನ್ ಸಮಸ್ಯೆಯಿಂದ ಬಳಲುತ್ತಿರುವುದು ಹಾಗೂ ಕೂದಲು ಉದುರುವಿಕೆಗೆ ಶಸ್ತ್ರಚಿಕಿತ್ಸೆ ಒಳಗಾಗಿದ್ದನ್ನು ತೋರಿಸಲಾಗಿದೆ. ಮೇಯಲ್ಲಿ ಚಿತ್ರ ಪ್ರದರ್ಶನವಾದ ಕೆಲವೇ ಗಂಟೆಗಳಲ್ಲಿ ಟ್ರಂಪ್ ವಕೀಲರು ನಿರ್ಮಾಪಕ ವಿರುದ್ಧ ಮೊಕದ್ಧಮೆ ಹೂಡಿದ್ದರು. ಅಲ್ಲದೇ, ಈ ಚಿತ್ರವನ್ನು ಕಸವಾಗಿದ್ದು, ಮಾನಹಾನಿಯ ದುರುದ್ದೇಶದಿಂದ ಕೂಡಿದೆ ಎಂದು ಆರೋಪಿಸಿದರು.
ಅಮೆರಿಕದಲ್ಲಿ ಚಿತ್ರ ಬಿಡುಗಡೆ ಹೆಚ್ಚು ಕ್ಲಿಷ್ಟಕರ ಪರಿಸ್ಥಿತಿಯಿಂದ ಕೂಡಿದೆ. ಚಿತ್ರಕ್ಕೆ ಆರಂಭದಲ್ಲಿ ಟ್ರಂಪ್ ಪರ ಬಿಲಿಯನೇರ್ ಡಾನ್ ಸ್ನೈಡರ್ ಬಂಡವಾಳ ಹೂಡಿದ್ದರು. ವರದಿಗಳ ಪ್ರಕಾರ, ಈ ಚಿತ್ರದ ಬಗ್ಗೆ ಟ್ರಂಪ್ ಅಸಮಾಧಾನ ಹೊಂದಿದ್ದು, ಇದನ್ನು ನಿರ್ಬಂಧಿಸಲು ಕೋರಿದ್ದಾರೆ. ಚಿತ್ರದಿಂದ ತಮ್ಮ ಹಣಕಾಸಿನ ಪಾಲನ್ನು ಅವರು ಹಿಂಪಡೆದಿದ್ದಾರೆ ಎಂದು ಹಾಲಿವುಡ್ ವರದಿಗಳು ತಿಳಿಸಿವೆ.
ಚಿತ್ರ ಅಕ್ಟೋಬರ್ 11ರಂದು ಬಿಡುಗಡೆ ಆಗುತ್ತಿದೆ ಎಂದು ಲಾಸ್ ಏಂಜಲೀಸ್ ಟೈಮ್ಸ್ ತಿಳಿಸಿದೆ. ಟ್ರಂಪ್ ಪಾತ್ರದಲ್ಲಿ ಸೆಬಾಸ್ಟಿಯನ್ ಸ್ಟಾನ್ ಬಣ್ಣ ಹಚ್ಚಿದ್ದು, ಕೇನ್ಸ್ನಲ್ಲಿ ಅವರ ಅಭಿಯನಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಗ್ಯಾಬ್ರಿಯಲ್ ಶೆರ್ಮಾನ್ ಚಿತ್ರಕಥೆ ಬರೆದಿದ್ದಾರೆ. ಸಣ್ಣ ಉದ್ಯೋಗ ನಿರ್ವಹಿಸುತ್ತಿದ್ದ ಟ್ರಂಪ್ ಮಹಾತ್ವಕಾಂಕ್ಷೆಯೊಂದಿಗೆ ರಾಜಕೀಯ ಪ್ರವೇಶದವರೆಗಿನ ಕಥೆ ಇದು ಹೊಂದಿದೆ.
