Stress Relief Techniques: ನಮ್ಮ ದೈನಂದಿನ ಜೀವನದಲ್ಲಿ ಅನೇಕ ಸಮಸ್ಯೆಗಳು ಹಾಗೂ ಸವಾಲುಗಳನ್ನು ಎದುರಿಸುವ ಸಮಯದಲ್ಲಿ ನಾವು ಒತ್ತಡ, ಆತಂಕ, ಚಿಂತೆಗೆ ಒಳಗಾಗುತ್ತೇವೆ. ಅವುಗಳನ್ನು ಹೇಗೆ ನಿಯಂತ್ರಿಸುವುದು ಎಂಬುದರ ಬಗ್ಗೆ ತಜ್ಞರು ಹಲವು ಸಲಹೆಗಳನ್ನು ನೀಡುತ್ತಾರೆ. ಒತ್ತಡ ಮತ್ತು ಆತಂಕದಿಂದ ದೂರವಾಗಲು 3-3-3 ನಿಯಮವು ಹೆಚ್ಚಿನ ಜನರಿಗೆ ಉಪಯುಕ್ತವಾಗಿದೆ ಎಂದು ಸಂಶೋಧಕರು ಬಹಿರಂಗಪಡಿಸುತ್ತಾರೆ. 2020ರಲ್ಲಿ ಜರ್ನಲ್ ಆಫ್ ಕ್ಲಿನಿಕಲ್ ಸೈಕಾಲಜಿಯಲ್ಲಿ (Journal Of Clinical Psychology) ಪ್ರಕಟವಾದ 'ಗ್ರೌಂಡಿಂಗ್ ಟೆಕ್ನಿಕ್ಸ್ ಫಾರ್ ಆ್ಯಂಗ್ಸೈಟಿ ಆ್ಯಂಡ್ ಸ್ಟ್ರೆಸ್: ಎ ಸಿಸ್ಟಮ್ಯಾಟಿಕ್ ರಿವ್ಯೂ'ನಲ್ಲಿ (Grounding techniques For Anxiety And Stress: A Systematic Review) ಈ ನಿಯಮದ ಸಂಪೂರ್ಣವಾಗಿ ವಿವರಿಸಲಾಗಿದೆ.
ನಾವು ತುಂಬಾ ಒತ್ತಡದಲ್ಲಿದ್ದರೂ ಅಥವಾ ಯಾವುದೋ ವಿಷಯದ ಬಗ್ಗೆ ಚಿಂತೆ ಮಾಡುತ್ತಿದ್ದರೂ, ನಮ್ಮ ಸುತ್ತಲಿನ ಮೂರು ವಿಷಯಗಳನ್ನು ನಾವು ಗಮನಿಸಬೇಕು. ನಿದ್ದೆಯಲ್ಲಿದ್ದರೂ ಅದು ಏನು? ಯಾವ ಬಣ್ಣ? ಮತ್ತು ಅದು ಹೇಗಿದೆ? ಎಂದು ಕೇಳಿದರೆ ತದೇಕಚಿತ್ತದಿಂದ ಗಮನಿಸಿಬೇಕು. ಅಂದ್ರೆ, ಒಂದು ವಿಷಯದ ಮೇಲೆ ಏಕಾಗ್ರತೆ ವಹಿಸಿದರೆ, ನಾವು ಆತಂಕವನ್ನು ತೊಡೆದುಹಾಕುತ್ತೇವೆ ಎಂದು ಸಂಶೋಕದರು ಹೇಳುತ್ತಾರೆ.
ಇದರ ಜೊತೆಗೆ ಸುತ್ತಮುತ್ತಲಿನ ಮೂರು ಶಬ್ದಗಳನ್ನು ಗಮನಿಸಬೇಕು. ಅದು ಗಂಟೆಯಾಗಿರಲಿ, ಸೈರನ್ ಆಗಿರಲಿ ಅಥವಾ ಅಂತಿಮವಾಗಿ ಎಸಿಯ ಸದ್ದು ಆಗಿರಲಿ. ಅದು ಹೇಗೆ? ಏಕೆ ಬರುತ್ತಿದೆ ಎಂಬುದು ಗಮನವಿರಲಿ ಎಂದು ತಜ್ಞರು ತಿಳಿಸುತ್ತಾರೆ.
ಅಂತಿಮವಾಗಿ, ತಜ್ಞರು ಹೇಳುವ ಪ್ರಕಾರ, ದೇಹದ ಮೂರು ಭಾಗಗಳನ್ನು ತಿರುಗಿಸಬೇಕಾಗುತ್ತದೆ. ಭುಜಗಳು, ಕಾಲ್ಬೆರಳುಗಳು ಮತ್ತು ತಲೆ ಒಂದೇ ಲಯದಲ್ಲಿ ತಿರುಗಿಸಬೇಕು. ಇದರಿಂದ ಉಂಟಾಗುವ ಚಲನವಲನಗಳತ್ತ ಗಮನಹರಿಸಿದರೆ ಯಾವುದೇ ತೊಂದರೆಯಿಲ್ಲದೆ ಆತಂಕದಿಂದ ಮುಕ್ತಿ ಪಡೆಯಬಹುದು ಎಂದು ತಜ್ಞರು ಸಲಹೆ ನೀಡುತ್ತಾರೆ.
ಒತ್ತಡ & ಆತಂಕ ತಪ್ಪಿಸುವುದು ಹೇಗೆ?:
- ಮಾನಸಿಕ ನೆಮ್ಮದಿಯನ್ನು ಹೆಚ್ಚಿಸಲು ಯೋಗ, ಧ್ಯಾನ, ಪ್ರಾಣಾಯಾಮ ಮಾಡಬೇಕು.
- ದೇಹದ ಆರೈಕೆಯತ್ತ ಗಮನ ಹರಿಸಬೇಕಾಗುತ್ತದೆ. ಒಳ್ಳೆಯ ಆಹಾರ ಸೇವಿಸಿ ಹಾಗೂ ಉತ್ತಮ ನಿದ್ರೆ ಮಾಡಬೇಕಾಗುತ್ತದೆ.
- ಒತ್ತಡದ ಲಕ್ಷಣಗಳು ಕಾಣಿಸಿಕೊಂಡಾಗ, ವ್ಯಾಯಾಮ, ಕನಿಷ್ಠ ಒಂದು ಸಣ್ಣ ವಾಕ್ ಮಾಡಿದರೂ ಮನಸ್ಥಿತಿ ಸುಧಾರಿಸಬಹುದು ಎಂದು ತಜ್ಞರು ತಿಳಿಸುತ್ತಾರೆ.
- ಮನಸ್ಸಿಗೆ ಶಾಂತಿ ಹಾಗೂ ಸಂತೋಷವನ್ನು ತಂದುಕೊಳ್ಳುವ ಮೂಲಕ ದುಃಖದಲ್ಲಿ ಸಹಚರರು ಹಾಗೂ ಸಹಾಯ ಮಾಡುವವರೊಂದಿಗೆ ನಿಕಟ ಸಂಬಂಧ ಹೊಂದಿರಬೇಕಾಗುತ್ತದೆ. ಕುಟುಂಬದ ಸದಸ್ಯರು, ವಿಶ್ವಾಸಾರ್ಹ ಸ್ನೇಹಿತರು, ನೆರೆಹೊರೆಯವರೊಂದಿಗೆ ನಿಮಗೆ ತೊಂದರೆ ಕೊಡುವ ವಿಷಯಗಳ ಬಗ್ಗೆ ಮಾತನಾಡುವುದರಿಂದ ಮನಸ್ಸು ನಿರಾಳವಾಗುತ್ತದೆ. ಜೊತೆಗೆ, ಒತ್ತಡ ನಿವಾರಣೆಯಾಗುತ್ತದೆ ಎಂದು ತಜ್ಞರು ವಿವರಿಸುತ್ತಾರೆ.
- ನೀವು ಇನ್ನೂ ಒತ್ತಡದಿಂದ ಹೊರಬರುತ್ತಿಲ್ಲ ಎಂದು ನಿಮಗೆ ಅನಿಸಿದರೆ, ವೃತ್ತಿಪರರ ಸಹಾಯವನ್ನು ತೆಗೆದುಕೊಳ್ಳಲು ಸೂಚಿಸಲಾಗುತ್ತದೆ.
ಹೆಚ್ಚಿನ ಮಾಹಿತಿಗೆ ಈ ವೆಬ್ಸೈಟ್ ಅನ್ನು ವೀಕ್ಷಿಸಬಹುದು: https://meridianuniversity.edu/content/grounding-techniques-for-anxiety
ಓದುಗರಿಗೆ ಸೂಚನೆ: ಈ ಲೇಖನದಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ, ಸಲಹೆಗಳು ನಿಮ್ಮ ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ಒದಗಿಸುತ್ತಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣತ ವೈದ್ಯರ ಸಲಹೆಗಳನ್ನು ತೆಗೆದುಕೊಳ್ಳುವುದು ಉತ್ತಮ.
ಇದನ್ನೂ ಓದಿ: ನಿಮ್ಮ ಪ್ರೀತಿಪಾತ್ರರು ಒತ್ತಡ, ದುಃಖದಲ್ಲಿದ್ದಾರಾ? ಇದೊಂದು ಸಿಂಪಲ್ ಟ್ರೀಟ್ಮೆಂಟ್ ಸಾಕು, ತಕ್ಷಣವೇ ಅವರು ನಿರಾಳ!
