ಹೈದರಾಬಾದ್: ಋತುಚಕ್ರದ ಸಮಯದಲ್ಲಿ ಸ್ಯಾನಿಟರಿ ಪ್ಯಾಡ್ಸ್ಗೆ ಬದಲಾಗಿ ಬಳಕೆ ಮಾಡುವ ಮುಟ್ಟಿನ ಕಪ್ಗಳು ಆರಾಮದಾಯಕವಾಗಿದ್ದು, ಆರೋಗ್ಯ ಪ್ರಯೋಜನ ಹೊಂದಿದೆ. ಈ ಮುಟ್ಟಿನ ಕಪ್ ಅನ್ನು ಬಿಹಾರ ರಾಜ್ಯಕ್ಕೆ ಹೊಸದಾಗಿದೆ. ದೇಶದ ಕೆಲವು ಅಭಿವೃದ್ಧಿ ಹೊಂದಿದ ರಾಜ್ಯಗಳಲ್ಲಿ ಈಗಾಗಲೇ ಚಾಲ್ತಿಯಲ್ಲಿರುವ ಈ ಮುಟ್ಟಿನ ಕಪ್ ಬಳಕೆ ಕುರಿತು ಇದೀಗ ಬಿಹಾರದ ಮಹಿಳೆಯರಲ್ಲಿ ಅರಿವು ಮೂಡಿಸುವ ಕಾರ್ಯ ನಡೆಸಲಾಗುತ್ತಿದೆ.
ಈ ಕುರಿತು ಮಾತನಾಡಿರುವ ವೈದ್ಯರಾದ ಡಾ ವಿವೇಕಾನಂದ ಮಿಶ್ರಾ, ಮುಟ್ಟಿನ ಕಪ್ ಬಳಕೆ ಅನೇಕ ವಿಧದಲ್ಲಿ ಪ್ರಯೋಜನಕಾರಿಯಾಗಿದೆ. ಇದನ್ನು ಮಹಿಳೆಯರು ಸುಲಭವಾಗಿ ಬಳಕೆ ಮಾಡಬಹುದು. ಇದರ ಬಹು ಮುಖ್ಯ ಪ್ರಯೋಜನ ಎಂದರೆ ಇದು ಸೋಂಕು ತಗ್ಗಿಸುತ್ತದೆ. ಯಾವುದೇ ರೀತಿಯ ಮಹಿಳಾ ಕಾರ್ಮಿಕರು ಇದನ್ನು ಆರಾಮದಾಯಕವಾಗಿ ಬಳಸಬಹುದು.
ಮುಟ್ಟಿನ ಕಪ್ ಪ್ರಯೋಜನ: ಇದರ ಬಳಕೆಯಿಂದ ಹಲವು ಪ್ರಯೋಜವಿದೆ. 300 ರಿಂದ 400 ರೂನಲ್ಲಿ ಇದು ಲಭ್ಯವಿದೆ. ಇದನ್ನು 10 ವರ್ಷಗಳ ಕಾಲ ಬಳಕೆ ಮಾಡಬಹುದು. ಇದರಿಂದ ದುಬಾರಿ ಸ್ಯಾನಿಟರಿ ಪ್ಯಾಡ್ ಕೊಳ್ಳುವ ಹಣ ಉಳಿಯಲಿದೆ. ಜೊತೆಗೆ ಪದೇ ಪದೆ ಸ್ಯಾನಿಟರಿ ಪ್ಯಾಡ್ ಬದಲಾಯಿಸುವ ಕಿರಿ ಕಿರಿ ತಪ್ಪಲಿದೆ. ಸಿಲಿಕಾನ್ನಿಂದ ಮಾಡಲಾದ ಈ ಕಪ್ಗಳು ಮೃದುವಾಗಿದ್ದು, ಋತುಚಕ್ರ ಸಮಯದಲ್ಲಿ ಬಳಕೆ ಮಾಡುವಾಗ ಯಾವುದೇ ಕಿರಿಕಿರಿ ಉಂಟು ಮಾಡುವುದಿಲ್ಲ.
ಸಂಪೂರ್ಣವಾಗಿ ತಿಳಿದು ಬಳಸಿ: ಋತುಚಕ್ರದ ಸಮಯದಲ್ಲಿ ಇದನ್ನು ಹೇಗೆ ಬಳಕೆ ಮಾಡಬೇಕು. ಎಂಬ ಮಾಹಿತಿ ತಿಳಿಯುವುದು ಅವಶ್ಯವಾಗಿದೆ. ಇದರ ಬಳಕೆಯು ಋತುಚಕ್ರ ಸಮಯದಲ್ಲಿ ಉಂಟಾಗುವ ಸೋಂಕಿನಂತ ಅಪಾಯವನ್ನು ಕಡಿಮೆ ಮಾಡುತ್ತದೆ. ಜೊತೆಗೆ ಇದು ಅನೇಕ ಸಮಸ್ಯೆಗಳಿಂದ ಪರಿಹಾರ ನೀಡುತ್ತದೆ. ಪ್ಯಾಡ್ ತ್ಯಾಜ್ಯಗಳ ವಿಲೇವಾರಿ ಸಮಸ್ಯೆಯನ್ನು ಇದು ತಪ್ಪಿಸುತ್ತದೆ. ಈ ಮುಟ್ಟಿನ ಕಪ್ ಅನ್ನು ಚೆನ್ನಾಗಿ ಸ್ಟಿರೆಲೈಜ್ ಮಾಡಿದ ಬಳಿಕವೇ ಮಾಡುವುದು ಅವಶ್ಯ.
ಜಾಗೃತಿ ಅಭಿಯಾನ: ದೇಶದ ಅನೇಕ ಪ್ರದೇಶದಲ್ಲಿ ಮುಟ್ಟಿನ ಕಪ್ ಬಳಕೆ ಕುರಿತು ನಿರಂತರ ಜಾಗೃತಿ ಅಭಿಯಾನ ನಡೆಸಲಾಗುತ್ತಿದೆ. ಇಂತಹ ಅಭಿಯಾನದಿಂದ ಮಹಿಳೆಯರು ಸಾಕಷ್ಟು ತಿಳಿಯಬಹುದು. ಇದಾದ ಬಳಿಕ ಇದರ ಬಳಕೆಗೆ ಮುಂದಾಗಬಹುದು. ನಿಧಾನವಾಗಿ ಇದಕ್ಕೆ ಮಹಿಳೆಯರು ತೆರೆದುಕೊಂಡರೂ ಗ್ರಾಮಾಂತರ ಪ್ರದೇಶದಲ್ಲಿ ಇಂದಿಗೂ ಸ್ಯಾನಿಟರಿ ಪ್ಯಾಡ್ ಬಳಕೆ ಮಾಡುವ ಬದಲಾಗಿ ಬಟ್ಟೆ ಬಳಕೆ ಮಾಡುತ್ತಿದ್ದಾರೆ. ಇದರಿಂದ ಅನೇಕ ಸಮಸ್ಯೆಗಳು ಉಂಟಾಗುತ್ತದೆ.
ಮಹಿಳಾ ಕಾರ್ಮಿಕರು ಬಳಕೆ ಮಾಡಬಹುದು: ರೈತಾಪಿ ಮತ್ತು ಉದ್ಯೋಗ ನಿರತ ಮಹಿಳೆಯರು ಇದನ್ನು ಬಳಕೆ ಮಾಡಬಹುದು. ಕೆಲಸದ ಸಮಯದಲ್ಲಿ ಬಳಕೆ ಮಾಡುವುದರಿಂದ ಯಾವುದೇ ಸಮಸ್ಯೆ ಇರುವುದಿಲ್ಲ. ಇದರಿಂದ ಯಾವುದೇ ಸಮಸ್ಯೆಯನ್ನು ಎದುರಿಸುವುದಿಲ್ಲ.
ಪರಿಹಾರ ಸಮತೋಲನ: ಬಹುತೇಕರು ಸ್ಯಾನಿಟರಿ ಪ್ಯಾಡ್ಸ್ ಬಳಕೆ ಮಾಡುತ್ತಾರೆ. ಈ ಸ್ಯಾನಿಟರಿ ಪ್ಯಾಡ್ಗಳ ತ್ಯಾಜ್ಯ ಗಳು ಪರಿಸರಕ್ಕೆ ಬೆದರಿಕೆ ಒಡ್ಡುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ, ಮುಟ್ಟಿನ ಕಪ್ಗಳು ಪರಿಸರದ ಮೇಲಿನ ತ್ಯಾಜ್ಯದ ಹೊರೆಯನ್ನು ಕಡಿಮೆ ಮಾಡುತ್ತದೆ. ಮಹಿಳೆಯರ ಈ ಉಪಕ್ರಮಗಳು ಕೂಡ ಹವಾಮಾನ ಬದಲಾವಣೆ ತಡೆಯುವ ನಿಟ್ಟಿನಲ್ಲಿ ಸಹಾಯವಾಗುತ್ತದೆ. ಕಾರಣ ಹವಾಮಾನ ಬದಲಾವಣೆಯು ಇಂತಹ ಸಣ್ಣ ಸಣ್ಣ ಅಂಶವನ್ನು ಹೊಂದಿದೆ.
10 ವರ್ಷಗಳ ಕಾಲ ಬಳಕೆ: ಈ ಮುಟ್ಟಿನ ಕಪ್ ಅನ್ನು 10 ವರ್ಷಗಳ ಕಾಲ ನಿರಂತರವಾಗಿ ಬಳಕೆ ಮಾಡಬಹುದಾಗಿದೆ. ಮುಟ್ಟಿನ ಕಪ್ ಬಳಕೆ ವಿಚಾರದಲ್ಲಿ ಇದೀಗ ಅನೇಕ ಸಂಘಟನೆಗಳು ಮಹಿಳೆಯರಿಗೆ ಜಾಗೃತಿ ಮೂಡಿಸುವ ಕ್ರಮಕ್ಕೆ ಮುಂದಾಗಿದೆ. ಈ ಸಂಘಟನೆಗಳಿಂದ ಕಡಿಮೆ ದರಕ್ಕೆ ಕೂಡ ಮಹಿಳೆಯರಿಗೆ ಈ ಮುಟ್ಟಿನ ಕಪ್ ಲಭ್ಯವಾಗುವಂತೆ ಮಾಡಲಾಗುತ್ತದೆ.
ಇದನ್ನೂ ಓದಿ: ಪೀರಿಯಡ್ ಸಮಸ್ಯೆಗೆ ಹೇಳಿ ಗುಡ್ ಬೈ: 2,500 ಪ್ಯಾಡ್ಗೆ ಸಮವಿದು; ಮುಟ್ಟಿನ ಕಪ್ ಪ್ರಯೋಜನಗಳಿವು!
