ಸ್ಯಾಂಡಲ್ವುಡ್ನ ಅಭಿನಯ ಚಕ್ರವರ್ತಿ ಖ್ಯಾತಿಯ ಸುದೀಪ್ ಮುಖ್ಯಭೂಮಿಕೆಯ ಬಹುನಿರೀಕ್ಷಿತ ಚಿತ್ರ 'ಮ್ಯಾಕ್ಸ್' ತೆರೆಕಂಡು ಇಂದಿಗೆ ಒಂದು ವಾರವಾಗಲಿದೆ. ಕಳೆದ ಬುಧವಾರ ತೆರೆಕಂಡ ಚಿತ್ರ ವಾರದೊಳಗೆ 30 ಕೋಟಿ ರೂಪಾಯಿ ದಾಟುವಲ್ಲಿ ಯಶಸ್ವಿಯಾಗಿದೆ. ಸಿನಿಪ್ರಿಯರಿಂದ ಬಹುತೇಕ ಮೆಚ್ಚುಗೆಯನ್ನೇ ಗಳಿಸಿರುವ ಸಿನಿಮಾ ಬಾಕ್ಸ್ ಆಫೀಸ್ನಲ್ಲೂ ಕಮಾಲ್ ಮಾಡಿದೆ. ತನ್ನ ಮೊದಲ ದಿನ ಚಿತ್ರ 2.50 ಕೋಟಿ ರೂಪಾಯಿಯ ವ್ಯವಹಾರ ನಡೆಸಿದೆ.
ಮ್ಯಾಕ್ಸ್ ಬಾಕ್ಸ್ ಆಫೀಸ್ ಕಲೆಕ್ಷನ್ ಡೇ 6: ವಿಜಯ್ ಕಾರ್ತಿಕೇಯ ನಿರ್ದೇಶನದ 'ಮ್ಯಾಕ್ಸ್' ಡಿಸೆಂಬರ್ 25ರಂದು ತೆರೆಗಪ್ಪಳಿಸಿತು. ಕ್ರಿಸ್ಮಸ್ ರಜಾದಿನವನ್ನು ಸದುಪಯೋಗಪಡಿಸಿಕೊಂಡ ಚಿತ್ರ ತನ್ನ ಮೊದಲ ದಿನ ಬರೋಬ್ಬರಿ 8.7 ಕೋಟಿ ರೂಪಾಯಿ ಕಲೆಕ್ಷನ್ ಮಾಡೋ ಮೂಲಕ ಬಾಕ್ಸ್ ಆಫೀಸ್ ಪ್ರಯಾಣ ಪ್ರಾರಂಭಿಸಿತು. ಅದ್ಧೂರಿ ಸ್ವಾಗತ ಸ್ವೀಕರಿಸಿದ್ದ ಸಿನಿಮಾ ತನ್ನ ಎರಡನೇ ದಿನ 3.85 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು.
ಇದನ್ನೂ ಓದಿ: ದರ್ಶನ್ಗೂ ನಂಗೂ ಯಾವುದೇ ಸಮಸ್ಯೆಯಿಲ್ಲ: 'ಬಾಸಿಸಮ್ ಕೇಕ್' ವಿವಾದದ ಬಗ್ಗೆ ಸುದೀಪ್ ಸ್ಪಷ್ಟನೆ
ಶುಕ್ರವಾರದಂದು ಸಿನಿಮಾದ ಗಳಿಕೆ ಏರಿಕೆ ಕಂಡಿತು. ಹೌದು, ತನ್ನ ಮೂರನೇ ದಿನ 4.7 ಕೋಟಿ ರೂಪಾಯಿಯ ವ್ಯವಹಾರ ನಡೆಸಿತ್ತು. ವಾರದ ದಿನದ ಗಳಿಕೆಯಲ್ಲಿ ಕೊಂಚ ಏರಿಳಿತ ಕಂಡುಬಂತಾದರೂ, ವಾರಾಂತ್ಯದಲ್ಲಿ ಕಲೆಕ್ಷನ್ ಅತ್ಯುತ್ತಮವಾಗಿತ್ತು. ಹೌದು, ಚಿತ್ರ ತನ್ನ ನಾಲ್ಕನೇ ದಿನ, ಮೊದಲ ಶನಿವಾರದಂದು 4.75 ಕೋಟಿ ರೂಪಾಯಿಯ ವ್ಯವಹಾರ ನಡೆಸಿತ್ತು. ಭಾನುವಾರ ಮತ್ತಷ್ಟು ಏರಿಕೆ ಕಂಡ ಗಳಿಕೆ, 5.65 ಕೋಟಿ ರೂಪಾಯಿಯ ವ್ಯವಹಾರ ನಡೆಸಿತ್ತು. ಫೈನಲಿ ಚಿತ್ರ ತನ್ನ ಮೊದಲ ಸೋಮವಾರದಂದು 2.50 ಕೋಟಿ ರೂಪಾಯಿಯ ವ್ಯವಹಾರ ನಡೆಸಿದೆ. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ವರದಿ ಪ್ರಕಾರ, ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಚಿತ್ರ ತನ್ನ 6 ದಿನಗಳಲ್ಲಿ 30.15 ಕೋಟಿ ರೂಪಾಯಿಯ ವ್ಯವಹಾರ ನಡೆಸಿದೆ.
| ದಿನ | ಕಲೆಕ್ಷನ್ |
| ಮೊದಲ ದಿನ (ಬುಧವಾರ) | 8.7 ಕೋಟಿ ರೂಪಾಯಿ. |
| ಎರಡನೇ ದಿನ (ಗುರುವಾರ) | 3.85 ಕೋಟಿ ರೂಪಾಯಿ. |
| ಮೂರನೇ ದಿನ (ಶುಕ್ರವಾರ) | 4.7 ಕೋಟಿ ರೂಪಾಯಿ. |
| ನಾಲ್ಕನೇ ದಿನ (ಶನಿವಾರ) | 4.75 ಕೋಟಿ ರೂಪಾಯಿ. |
| ಐದನೇ ದಿನ (ಭಾನುವಾರ) | 5.65 ಕೋಟಿ ರೂಪಾಯಿ. |
| ಆರನೇ ದಿನ (ಸೋಮವಾರ) | 2.50 ಕೋಟಿ ರೂಪಾಯಿ. |
| ಒಟ್ಟು | 30.15 ಕೋಟಿ ರೂಪಾಯಿ. |
(ಡಾಟಾ ಮೂಲ: ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್)..
'Bossism ಕಾಲ ಮುಗೀತು, Maximum Mass ಕಾಲ ಶುರುವಾಯ್ತು': ಅಭಿನಯ ಚಕ್ರವರ್ತಿಯ 'ಮ್ಯಾಕ್ಸ್' ಸಿನಿಮಾ ಬಹುತೇಕ ಮೆಚ್ಚುಗೆ ಸ್ವೀಕರಿಸಿದ್ದಲ್ಲದೇ, ಬಾಕ್ಸ್ ಆಫಿಸ್ನಲ್ಲೂ ಕಮಾಲ್ ಮಾಡಿದೆ. ಈ ಹಿನ್ನೆಲೆ, ಚಿತ್ರತಂಡ ತಮ್ಮವರೊಂದಿಗೆ ಸೇರಿ ಸಂಭ್ರಮಾಚರಿಸಿದ್ದರು. ಕೇಕ್ ಮೇಲೆ 'Bossism ಕಾಲ ಮುಗೀತು, Maximum Mass ಕಾಲ ಶುರುವಾಯ್ತು' ಎಂದು ಬರೆದಿದ್ದ ಹಿನ್ನೆಲೆ ಹಲವು ಅಂತೆಕಂತೆಗಳು ಹರಡಿತು. ಇದೀಗ ಮಾಧ್ಯಮದವರೊಂದಿಗಿನ ಸಂವಾದದಲ್ಲಿ ಸ್ವತಃ ಸುದೀಪ್ ಅವರೇ ಈ ಬಗ್ಗೆ ಸ್ಪಷ್ಟಪಡಿಸಿ ವದಂತಿಗಳಿಗೆ ಫುಲ್ ಸ್ಟಾಪ್ ಇಟ್ಟಿದ್ದಾರೆ.
ಇದನ್ನೂ ಓದಿ: ಕಳೆದ ಜನ್ಮದಿನದಂದು ನಡೆದಿತ್ತು ದುರಂತ!: 'ಈ ಬಾರಿ ನನ್ನ ಮನಸ್ಸಿಗೆ ನೋವು ಕೊಡಬೇಡಿ' ಎಂದ್ರು ಯಶ್
ಹೆಚ್ಚಿನ ಸಂಖ್ಯೆಯ ಅಭಿಮಾನಿಗಳು ತಮ್ಮ ಮೆಚ್ಚಿನ ನಟರಿಗೆ ಬಾಸ್ ಅಂತಾನೆ ಕರೆಯೋದು. ದರ್ಶನ್ ಅವರಿಗೂ ನನಗೂ ಏನೂ ಇಲ್ಲ ಸರ್. ಅವರು ಬಹಳ ಕಷ್ಟಪಟ್ಟು ಅವರು ಮೇಲೆ ಬಂದಿದ್ದಾರೆ. ಎಲ್ಲರೂ ಸೇರಿ ಕನ್ನಡ ಚಿತ್ರರಂಗ ಆಗಿರೋದು. ಅವರು ಬೆಳೆಯಬೇಕು. ಇಂಥ ಸಮಸ್ಯೆಗಳು, ವದಂತಿಗಳು ಬೇಡ. ನಮ್ಮ ಹುಡುಗ ಸಿನಿಮಾ ಬಿಡುಗಡೆಯಾದಾಗ, ಇವತ್ತಿಂದ ಕಿಚ್ಚ ಬಾಸ್ ಅಂತಾ ಕರೆಯೋದನ್ನು ನಿಲ್ಲಿಸಿ, ಕಿಚ್ಚ ಮಾಸ್ ಅನ್ನೋಣ ಅಂತಾನೆ. ಅದನ್ನೇ ಕೇಕ್ ಮೇಲೆ ಬರೆಸಿಕೊಂಡು ಬಂದ. ಆದ್ರೆ ಇಲ್ಲಸಲ್ಲದ ವದಂತಿ ಹಬ್ಬಿಸಲಾಯಿತು ಎಂದು ತಿಳಿಸಿದ್ರು.
