ಜನಪ್ರಿಯ ಕಿರುತೆರೆ ತಾರೆ ಹೀನಾ ಖಾನ್ ಮೂರನೇ ಹಂತದ ಸ್ತನ ಕ್ಯಾನ್ಸರ್ನಿಂದ ಬಳಲುತ್ತಿದ್ದಾರೆ. ಚಿಕಿತ್ಸೆ ಪ್ರಾರಂಭವಾಗಿದ್ದು, ಉತ್ತಮವಾಗಿದ್ದೇನೆ ಎಂದು ಅಭಿಮಾನಿಗಳಿಗೆ ತಿಳಿಸಿದ್ದಾರೆ. ಈ ಸವಾಲನ್ನು ಜಯಿಸುವ ಸಂಕಲ್ಪ ತೊಟ್ಟಿದ್ದು, ಅಭಿಮಾನಿಗಳಿಂದ ಪ್ರಾರ್ಥನೆ ಮತ್ತು ಬೆಂಬಲವನ್ನು ಅಪೇಕ್ಷಿಸಿದ್ದಾರೆ.
ತಾಹಿರಾ ಕಶ್ಯಪ್: 2018ರಲ್ಲಿ ಬಾಲಿವುಡ್ ನಟ ಆಯುಷ್ಮಾನ್ ಖುರಾನಾ ಅವರ ಬಾಳ ಸಂಗಾತಿ, ಲೇಖಕಿ - ನಿರ್ದೇಶಕಿ ತಾಹಿರಾ ಕಶ್ಯಪ್ ಸ್ತನ ಕ್ಯಾನ್ಸರ್ನಿಂದ ಬಳಲಿದ್ದರು. ಆದರೀಗ ಅವರು ಚಿಕಿತ್ಸೆ ಪಡೆದು ಗುಣಮುಖರಾಗಿದ್ದಾರೆ. ಆದರೆ ತಮ್ಮ ಈ ಕಠಿಣ ಹೋರಾಟವನ್ನು ಪ್ರಪಂಚದಿಂದ ಮರೆಮಾಚಲಿಲ್ಲ. ಬದಲಾಗಿ ಎಲ್ಲರೊಂದಿಗೂ ಹಂಚಿಕೊಳ್ಳುವ ಮೂಲಕ, ಮಹಿಳೆಯರಲ್ಲಿ ಧೈರ್ಯ ತುಂಬಿದರು. ಬೋಳು ತಲೆಯ ಚಿತ್ರಗಳಿಂದ ಹಿಡಿದು ಕ್ಯಾನ್ಸರ್ನ ಕಠಿಣ ಕ್ಷಣಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು, ಈ ಕಾಯಿಲೆ ವಿರುದ್ಧ ಹೋರಾಡುತ್ತಿರುವ ಇತರ ಮಹಿಳೆಯರಲ್ಲಿ ಗುಣಮುಖರಾಗುವ ಭರವಸೆ ಮೂಡಿಸಿದ್ದರು. 2019ರಲ್ಲಿ ಚಿಕಿತ್ಸೆ ಪೂರ್ಣಗೊಂಡು, ಕ್ಯಾನ್ಸರ್ ಮುಕ್ತರಾದರು. ಮೈ-ಎಕ್ಸ್ ಬ್ರೆಸ್ಟ್ ಎಂಬ ಪಾಡ್ಕಾಸ್ಟ್ ಮೂಲಕ ತಮ್ಮ ಕ್ಯಾನ್ಸರ್ ವಿರುದ್ಧದ ಹೋರಾಟದ ದಿನಗಳ ಬಗ್ಗೆ ಮತ್ತು ಅವರ ಮಾನಸಿಕ ಯೋಗಕ್ಷೇಮ ಮತ್ತು ಕುಟುಂಬದ ಮೇಲೆ ಪರಿಣಾಮ ಬೀರುವ ಬಗ್ಗೆ ಮಾತನಾಡಿದ್ದರು.
ಬಾರ್ಬರಾ ಮೋರಿ: ತಮ್ಮ ಚೊಚ್ಚಲ ಚಿತ್ರ ಕೈಟ್ಸ್‌ನಲ್ಲಿ ಹೃತಿಕ್ ರೋಷನ್ ಜೊತೆ ತೆರೆಹಂಚಿಕೊಂಡು ಗಮನ ಸೆಳೆದ ಮೆಕ್ಸಿಕನ್ ನಟಿ ಕ್ಯಾನ್ಸರ್ ವಿರುದ್ಧ ಹೋರಾಡಿ ಗೆದ್ದಿದ್ದಾರೆ. ತಮ್ಮ 29ನೇ ವಯಸ್ಸಿನಲ್ಲಿ, ವೃತ್ತಿಜೀವನದ ಆರಂಭದಲ್ಲಿಯೇ ಸ್ತನ ಕ್ಯಾನ್ಸರ್ಗೆ ಇವರು ತುತ್ತಾಗಿದ್ದರು. ಆರಂಭಿಕ ಹಂತದಲ್ಲೇ ಪತ್ತೆಯಾದ ರೋಗವನ್ನು ಸಂಪೂರ್ಣವಾಗಿ ಗುಣಪಡಿಸಲಾಗಿದೆ. ಅಂದಿನಿಂದ, ತಮ್ಮ ಬಗ್ಗೆ ಸರಿಯಾದ ಕಾಳಜಿ ವಹಿಸಲು ಮತ್ತು ವೈದ್ಯಕೀಯ ಪರೀಕ್ಷೆಗಳನ್ನು ಮಾಡಿಸಿಕೊಳ್ಳಲು ಮಹಿಳೆಯರಲ್ಲಿ ಜಾಗೃತಿ ಮೂಡಿಸುವಲ್ಲಿ ಇವರು ಸಕ್ರಿಯರಾಗಿದ್ದಾರೆ.
"1 ಎ ಮಿನಿಟ್" (1 a minute) ಎಂಬ ಸಾಕ್ಷ್ಯಚಿತ್ರದ ಭಾಗವಾಗಿದ್ದಾರೆ. ಭಾರತೀಯ - ಅಮೇರಿಕನ್ ನಟಿ ನಮ್ರತಾ ಸಿಂಗ್ ಗುಜ್ರಾಲ್ ನಿರ್ದೇಶಿಸಿದ ಅಮೆರಿಕನ್ ಡಾಕ್ಯುಡ್ರಾಮಾ ಚಿತ್ರವಾಗಿದ್ದು, ಇದು ಸಾಮಾನ್ಯ ಸ್ತನ ಕ್ಯಾನ್ಸರ್ ರೋಗಿಯ ಜೀವನ, ರೋಗನಿರ್ಣಯದಿಂದ ಹಿಡಿದು ಚಿಕಿತ್ಸೆವರೆಗಿನ ಅನೇಕ ಸಂದರ್ಭಗಳ ಸುತ್ತ ಸುತ್ತುತ್ತದೆ.
ಮುಮ್ತಾಜ್: ಹಿರಿಯ ನಟಿ ಮುಮ್ತಾಜ್ ಅಸ್ಕರಿ ಮಾಧ್ವಾನಿ 2002ರಲ್ಲಿ ತಮ್ಮ 54ರ ಹರೆಯದಲ್ಲಿ ಸ್ತನ ಕ್ಯಾನ್ಸರ್ಗೆ ಒಳಗಾಗಿದ್ದರು. 6 ಕಿಮೊಥೆರಪಿಗಳು ಮತ್ತು 35 ರೇಡಿಯೇಶನ್ ಚಿಕಿತ್ಸೆಗಳ ನಂತರ ಸ್ತನ ಕ್ಯಾನ್ಸರ್ನಿಂದ ಇವರು ಮುಕ್ತರಾಗಿದ್ದರು. ಮುಮ್ತಾಜ್ ಜನಪ್ರಿಯ ಸುದ್ದಿ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ, ತಾನು ಹೋರಾಟಗಾರ್ತಿ ಮತ್ತು ಸೋಲನ್ನು ಸುಲಭವಾಗಿ ಒಪ್ಪಿಕೊಳ್ಳುವುದಿಲ್ಲ ಎಂದು ಉಲ್ಲೇಖಿಸಿದ್ದರು. ಚಿಕಿತ್ಸೆ ನಂತರ, ಸೂಕ್ತ ಆರೋಗ್ಯಕರ ಜೀವನ ಶೈಲಿಯನ್ನು ಅನುಸರಿಸಿದ್ದರು. 2010ರ ಸಾಕ್ಷ್ಯಚಿತ್ರ 1 ಎ ಮಿನಿಟ್‌ನಲ್ಲಿ ಸ್ತನ ಕ್ಯಾನ್ಸರ್ ವಿರುದ್ಧ ಹೊರಾಡಿ ಬದುಕುಳಿದ ಇತರೆ ನಟಿಯರೊಂದಿಗೆ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಡಿಎಂಕೆ ಸರ್ಕಾರದ ವಿರುದ್ಧ ದಳಪತಿ ವಿಜಯ್ ವಾಗ್ದಾಳಿ.. ಯಾವ ಕಾರಣಕ್ಕೆ ಟೀಕೆ ಗೊತ್ತಾ? - Vijay Slams DMK govt
ಛವಿ ಮಿತ್ತಲ್: 2022ರಲ್ಲಿ ಸ್ತನ ಕ್ಯಾನ್ಸರ್ಗೊಳಗಾದ ನಟಿ-ನಿರ್ಮಾಪಕಿ ಛವಿ ಮಿತ್ತಲ್, ಲಂಪೆಕ್ಟಮಿ ಚಿಕಿತ್ಸೆ ನಂತರ ಕ್ಯಾನ್ಸರ್ ಮುಕ್ತರಾದರು. ಸೋಷಿಯಲ್ ಮೀಡಿಯಾ ಮೂಲಕ ಇತರರಿಗೂ ಸ್ಫೂರ್ತಿಯಾಗಿದ್ದಾರೆ.
