ಹೈದರಾಬಾದ್: ಸಿದ್ದಾರ್ಥ್ ಆನಂದ್ ನಿರ್ದೇಶನದ 'ಫೈಟರ್' ಸಿನಿಮಾದ ಎರಡನೇ ದಿನದ ಬುಕ್ಕಿಂಗ್ನಲ್ಲಿ 1.84 ಲಕ್ಷ ಟಿಕೆಟ್ ಮಾರಾಟವಾಗಿದ್ದು, 5.94 ಕೋಟಿ ಗಳಿಕೆ ಮಾಡಿದೆ. ಗಣರಾಜ್ಯೋತ್ಸವಕ್ಕೂ ಮುನ್ನಾ ದಿನ ಅಂದರೆ ಇಂದು ಚಿತ್ರ ಅದ್ದೂರಿಯಾಗಿ ಬಿಡುಗಡೆಯಾಗಿದೆ. ಜನವರಿ 26ರಿಂದ ದೀರ್ಘ ವಾರಾಂತ್ಯ ಆರಂಭವಾಗಲಿದ್ದು, ಇದರಿಂದ ಟಿಕೆಟ್ ಮಾರಾಟ ಪ್ರಕ್ರಿಯೆ ಕೂಡ ಹೆಚ್ಚಾಗಿದೆ.
ನಟ ಹೃತಿಕ್ ರೋಷನ್, ದೀಪಿಕಾ ಪಡುಕೋಣೆ ಮತ್ತು ಅನಿಲ್ ಕಪೂರ್ ನಟನೆಯಲ್ಲಿ ಮೂಡಿ ಬಂದಿರುವ ಈ ವರ್ಷದ ಸಖತ್ ಆ್ಯಕ್ಷನ್ ಚಿತ್ರ ಇದಾಗಿದೆ. ಆನಂದ್ ಅವರ ಈ ಹಿಂದಿನ 'ವಾರ್' ಮತ್ತು 'ಪಠಾಣ್' ಚಿತ್ರಗಳಿಗಿಂತ ಈ ಚಿತ್ರ ಸಿಕ್ಕಾಪಟ್ಟೆ ನಿರೀಕ್ಷೆ ಮೂಡಿಸಿದೆ. ದೊಡ್ಡ ತಾರಾ ಬಳಗ ಮತ್ತು ನಿರ್ದೇಶನದ ನಡುವೆಯೂ ಚಿತ್ರ ಸಿನಿ ಪ್ರೇಕ್ಷಕರ ವರ್ಗದಲ್ಲಿ ಹೇಳಿಕೊಳ್ಳುವಂತಹ ಉತ್ಸಾಹ ಕಂಡು ಬಂದಿಲ್ಲ ಎಂಬ ಮಾತು ಕೂಡ ಕೇಳಿ ಬಂದಿದೆ.
ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ವರದಿ ಪ್ರಕಾರ, ಚಿತ್ರ ಬಿಡುಗಡೆಯಾದ ಮೊದಲ ದಿನ ಅಂದರೆ ಜನವರಿ 25ರಂದು ಚಿತ್ರವೂ ಕೇವಲ 1,85,547 ಲಕ್ಷ ಸೀಟುಗಳು ಭರ್ತಿಯಾಗಿದ್ದು, 5.94 ಕೋಟಿಯನ್ನು ಎರಡು ದಿನದ ಅಡ್ವಾನ್ಸ್ ಬುಕ್ಕಿಂಗ್ ಮೂಲಕ ಪಡೆದಿದೆ. ಚಿತ್ರವೂ 3ಡಿಯಲ್ಲಿ ಮೂಡಿ ಬಂದಿದ್ದು, ಈ ಹಿನ್ನೆಲೆಯಲ್ಲಿ ಬುಕ್ಕಿಂಗ್ ಕಲೆಕ್ಷನ್ ಕೂಡ ಉತ್ತಮವಾಗಿದೆ. ಆದರೆ, ಅಂತಿಮವಾಗಿ ಚಿತ್ರವು ಗುರುವಾರ ಸಿನಿಮಾದ ವಿಶ್ಲೇಷಣೆ ಬಳಿಕ ಹೇಗೆ ಪ್ರದರ್ಶನ ಕಾಣಲಿದೆ ಎಂಬುದು ತಿಳಿಯಲಿದೆ.
ಗುರುವಾರ ಚಿತ್ರ ಬಿಡುಗಡೆಗೆ ಮುನ್ನ ಮುಂಬೈನಲ್ಲಿ ಸಿನಿ ಉದ್ಯಮದ ಮಂದಿಗೆ ಚಿತ್ರ ನಿರ್ದೇಶಕ ಸಿದ್ಧಾರ್ಥ್ ಆನಂದ್ ವಿಶೇಷ ಪ್ರದರ್ಶನ ಏರ್ಪಡಿಸಿದ್ದರು. ಜಯೇದ್ ಖಾನ್, ಸಬಾ ಅಜಾದ್, ಸೂಸೆನ್ ಖಾನ್, ರಾಕೇಶ್ ರೋಷನ್ ಮತ್ತು ಶಾರುಖ್ ಖಾನ್ ಸೇರಿದಂತೆ ಹಲವು ಮಂದಿ ಸಿನಿಮಾ ವೀಕ್ಷಣೆ ಮಾಡಿದರು.
ಚಿತ್ರದಲ್ಲಿ ನಟ ಹೃತಿಕ್ ರೋಷನ್ ಮತ್ತು ದೀಪಿಕಾ ಪಡುಕೋಣೆ ಹೊರತಾಗಿ ಅಕ್ಷಯ್ ಒಬೆರಾಯ್, ಕರಣ್ ಸಿಂಗ್ ಗ್ರೋವರ್ ಮತ್ತು ಅನಿಲ್ ಕಪೂರ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರವನ್ನು ವಯೋಕಾಮ್ 18 ಸ್ಟುಡಿಯೋದಿಂದ ನಿರ್ಮಿಸಲಾಗಿದ್ದು, ಇದಕ್ಕೆ ಮಾರ್ಫ್ಲಿಕ್ಸ್ ಪಿಕ್ಚರ್ ಸಾಥ್ ನೀಡಿದೆ. ಚಿತ್ರದಲ್ಲಿ ಭಾರತೀಯ ಸೇನಾ ಸಿಬ್ಬಂದಿಯ ಶೌರ್ಯ, ನಿಸ್ವಾರ್ಥತೆ ಮತ್ತು ರಾಷ್ಟ್ರೀಯತೆ ಎತ್ತಿ ಹಿಡಿಯಲಾಗಿದೆ. ಆನಂದ್ ಮತ್ತು ರಾಮೊನ್ ಚಿಬ್ ಜಂಟಿಯಾಗಿ ಚಿತ್ರ ಕಥೆ ಬರೆದಿದ್ದು, ಸಿನಿಮಾದಲ್ಲಿ ದೇಶಭಕ್ತಿ, ಹಾಸ್ಯ, ಸಾಹಸ, ಭಾವನಾತ್ಮಕತೆ ಮತ್ತು ಕೊಂಚ ರೋಮಾನ್ಸ್ ಕೂಡ ಪ್ರೇಕ್ಷಕರು ಆನಂದಿಸಬಹುದಾಗಿದೆ.
ಇದನ್ನೂ ಓದಿ: ಮಣಿರತ್ನಂ - ಕಮಲ್ ಹಾಸನ್ ಜೋಡಿಯ 'ಥಗ್ ಲೈಫ್' ಶೂಟಿಂಗ್ ಪ್ರಾರಂಭ
