ಬಾಲಿವುಡ್ ಬಹುಬೇಡಿಕೆ ಕಲಾವಿದರಾದ ಅಕ್ಷಯ್ ಕುಮಾರ್ ಮತ್ತು ಟೈಗರ್ ಶ್ರಾಫ್ ಅಭಿನಯದ ಮುಂಬರುವ ಬಹುನಿರೀಕ್ಷಿತ ಚಿತ್ರ 'ಬಡೇ ಮಿಯಾ ಛೋಟೆ ಮಿಯಾ'. ಬಿಡುಗಡೆ ಹೊಸ್ತಿಲಲ್ಲಿರುವ ಸಿನಿಮಾದ ಟ್ರೇಲರ್ಗೆ ಸಿನಿಪ್ರಿಯರು ಕಾದು ಕುಳಿತಿದ್ದರು.
ಟ್ರೇಲರ್ಗೆ ಬಹುತೇಕ ಸಕಾರಾತ್ಮಕ ಸ್ಪಂದನೆ: ಅಂತಿಮವಾಗಿ 'ಬಡೇ ಮಿಯಾ ಛೋಟೆ ಮಿಯಾ' ಟ್ರೇಲರ್ ಇಂದು ಅನಾವರಣಗೊಂಡಿದೆ. ಅಕ್ಷಯ್ ಮತ್ತು ಟೈಗರ್ ಜೊತೆಗೆ ಚಿತ್ರದಲ್ಲಿ ಮಾನುಷಿ ಛಿಲ್ಲರ್ ಮತ್ತು ಅಲಯಾ ಎಫ್ ಕೂಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂದು ರಿಲೀಸ್ ಆಗಿರೋ ಟ್ರೇಲರ್ಗೆ ಬಹುತೇಕ ಸಕಾರಾತ್ಮಕ ಸ್ಪಂದನೆ ಸ್ವೀಕರಿಸಿದೆ. ಕೆಲವರಷ್ಟೇ ಸಾಧಾರಣವಾಗಿದೆ ಎಂಬರ್ಥದಲ್ಲಿ ಟ್ವೀಟ್ ಮಾಡಿದ್ದಾರೆ. ಹಲವರು ಸಿನಿಮಾ ವೀಕ್ಷಿಸುವ ಕಾತರ ವ್ಯಕ್ತಪಡಿಸಿದ್ದಾರೆ. ಮುಂದಿನ ತಿಂಗಳು ಚಿತ್ರ ಬಿಡುಗಡೆ ಆಗಲಿದೆ.
ಟ್ರೇಲರ್ ವಿಮರ್ಶೆ : ಈ ಹಿಂದೆ ಟ್ವಿಟರ್ ಎಂದು ಕರೆಯಲ್ಪಡುತ್ತಿದ್ದ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್ ಬಳಕೆದಾರರೊಬ್ಬರು ಪ್ರತಿಕ್ರಿಯಿಸಿ, 'ಬಡೇ ಮಿಯಾ ಛೋಟೆ ಮಿಯಾ'ನ ಎಂಟ್ರಿ 'ಬಾಪ್ ಲೆವೆಲ್' ಎಂದು ವರ್ಣಿಸಿದ್ದಾರೆ. ಜೊತೆಗೆ, ಪವರ್ಫುಲ್ ಟ್ರೆಲರ್ ವೀಕ್ಷಿಸಲು ಇತರರನ್ನು ಒತ್ತಾಯಿಸಿದ್ದಾರೆ.
ಮತ್ತೊರ್ವ ಬಳಕೆದಾರ ಪ್ರತಿಕ್ರಿಯಿಸಿ, ಟ್ರೇಲರ್ ಅನ್ನು ಈ ಹಿಂದಿನ ಬ್ಲಾಕ್ಬಸ್ಟರ್ ಚಿತ್ರಗಳಿಗೆ ಹೋಲಿಸಿದ್ದಾರೆ. ಪಠಾಣ್ ಮತ್ತು ವಾರ್ನಂತಹ ಚಿತ್ರಗಳ ಟ್ರೇಲರ್‌ಗಳನ್ನು ಮೀರಿಸುತ್ತದೆ ಎಂದು ಹೇಳಿದ್ದಾರೆ. ಮೊದಲ ದಿನದ ಮೊದಲ ಶೋ ನೋಡುವ ಉತ್ಸಾಹ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಮುಂದಿನ ವರ್ಷ ಸೆಟ್ಟೇರಲಿದೆ ಜೂ. ಎನ್ಟಿಆರ್ - ಪ್ರಶಾಂತ್ ನೀಲ್ ಸಿನಿಮಾ: 2 ಭಾಗಗಳಲ್ಲಿ ನಿರ್ಮಾಣ - JR NTR
ಎಕ್ಸ್ ಬಳಕೆದಾರರೊಬ್ಬರು ಪ್ರತಿಕ್ರಿಯಿಸಿ, "ನಾವು ಬಹಳ ಹಳೇ ಸ್ನೇಹಿತರು. ಒಬ್ಬರು ಇನ್ನೊಬ್ಬರಿಗಾಗಿ ಜೀವ ಕೊಡಬಹುದು ಜೊತೆಗೆ ಒಬ್ಬರು ಇನ್ನೊಬ್ಬರ ಪ್ರಾಣವನ್ನೂ ತೆಗೆಯಬಹುದು. ಬಡೇ ಮಿಯಾ ಛೋಟೆ ಮಿಯಾ ಮುಖಾಮುಖಿ" ಎಂದು ಬರೆದಿದ್ದಾರೆ. ಮತ್ತೋರ್ವ ನೆಟ್ಟಿಗ ಕಾಮೆಂಟ್ ಮಾಡಿ, "ಬಡೇ ಮಿಯಾ ಛೋಟೆ ಮಿಯಾ ಟ್ರೇಲರ್. ಅಕ್ಷಯ್ ಕುಮಾರ್, ಟೈಗರ್ ಶ್ರಾಫ್ ಮತ್ತು ಪೃಥ್ವಿರಾಜ್ ಸುಕುಮಾರನ್ ನಟಿಸಿರೋ ಹಿನ್ನೆಲೆ ಆಕರ್ಷಕವಾಗಿದೆ. ಬ್ಲಾಕ್ಬಸ್ಟರ್ ಸಿನಿಮಾಗಾಗಿ ಎದುರು ನೋಡುತ್ತಿದ್ದೇನೆ'' ಎಂದು ಬರೆದಿದ್ದಾರೆ.
ಇದನ್ನೂ ಓದಿ: ಬಣ್ಣದೋಕುಳಿಯಲ್ಲಿ ಮಿಂದೆದ್ದ ಭಾರತ: ಫೋಟೋಗಳಲ್ಲಿ ನೋಡಿ ಕಲರ್ಫುಲ್ ಹೋಳಿ - Holi 2024
ಅಲಿ ಅಬ್ಬಾಸ್ ಜಾಫರ್ ನಿರ್ದೇಶನದ ಬಡೇ ಮಿಯಾ ಛೋಟೆ ಮಿಯಾ ಏಪ್ರಿಲ್ 10 ರಂದು ಚಿತ್ರಮಂದಿರ ಪ್ರವೇಶಿಸಲಿದೆ. ಜಾಕಿ ಭಗ್ನಾನಿ ನಿರ್ಮಾಣದ ಈ ಚಿತ್ರ ಹಿಂದಿ, ತಮಿಳು, ತೆಲುಗು, ಮಲಯಾಳಂ ಮತ್ತು ಕನ್ನಡ ಭಾಷೆಗಳಲ್ಲಿ ತೆರೆಗಪ್ಪಳಿಸಲಿದೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ತೆರೆಗಪ್ಪಳಿಸುತ್ತಿರೋ ಈ ಚಿತ್ರ ಗೆಲ್ಲುವ ಸೂಚನೆ ಕೊಟ್ಟಿದೆ.
