ನವದೆಹಲಿ: ಯುಪಿಐ ಬಂದ ಬಳಿಕ ಬಹುತೇಕ ಡಿಜಿಟಲ್ ಬ್ಯಾಂಕಿಂಗ್ ಮೂಲಕವೇ ವಹಿವಾಟು ನಡೆಸಲಾಗುತ್ತಿದೆ. ಸಣ್ಣ ಮೊತ್ತವಿರಲಿ, ದೊಡ್ಡ ಮೊತ್ತವಿರಲಿ ಸುಲಭವಾಗಿ ಆನ್ಲೈನ್ ಪಾವತಿಗೆ ಮುಂದಾಗುತ್ತಿದ್ದಾರೆ. ಸದ್ಯ ದೇಶದಲ್ಲಿ ಡಿಜಿಟಲ್ ಪಾವತಿ ಸಿಕ್ಕಾಪಟ್ಟೆ ಯಶಸ್ಸು ಕಾಣುತ್ತಿದ್ದು, ಜನರನ್ನು ಸೆಳೆಯುತ್ತಿದೆ. ಸಣ್ಣ ಅಂಗಡಿಗಳಿಂದ ಬ್ಯಾಂಕಿಂಗ್ ವಹಿವಾಟಿನವರೆಗೆ ಕ್ಷಣಮಾತ್ರದಲ್ಲಿ ಯುಪಿಐ ಪಾವತಿ ನಡೆಸಲಾಗುತ್ತಿದೆ. ಇದೇ ಕಾರಣದಿಂದ ಇತ್ತೀಚೆಗೆ ಆರ್ಬಿಐ ಡಿಜಿಟಲ್ ಪಾವತಿ ಹೆಚ್ಚಿಸಲು ಯುಪಿಐ ಲೈಟ್ ಎಂದು ಬದಲಾಯಿಸಿದೆ. ಆದರೆ, ಆರ್ಬಿಐ ಬ್ಯಾಂಕ್‌ಗಳಿಗೆ ನಿತ್ಯ ಪಾವತಿ ಮಾಡಲು ನಿರ್ಬಂಧಗಳನ್ನು ವಿಧಿಸಿದೆ. ಹಾಗಾದರೆ ಬ್ಯಾಂಕ್ಗಳಿಂದ ಒಂದು ದಿನದ ವಾಹಿವಾಟುಗಳಿಗೆ ವಿಧಿಸಿರುವ ಮಿತಿ ಎಷ್ಟು ತಿಳಿದಿದ್ಯಾ?
- ಎಚ್ಡಿಎಫ್ಸಿ: ಬ್ಯಾಂಕಿಂಗ್ ದೈತ್ಯ ಎಚ್ಡಿಎಫ್ಸಿಯಲ್ಲಿ ಒಂದು ದಿನ ಅಂದರೆ 24 ಗಂಟೆಯಲ್ಲಿ ಮಾಡಬಹುದಾದ ಗರಿಷ್ಠ ಯುಪಿಐ ವಹಿವಾಟಿನ ಮೊತ್ತವು 1 ಲಕ್ಷ ರೂ. ಆಗಿದ್ದು, ಕೇವಲ 20 ವಹಿವಾಟಿಗೆ ಅನುಮತಿ ನೀಡಲಾಗಿದೆ.
- ಎಸ್ಬಿಐ: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಒಂದು ದಿನದ ಪಾವತಿ ಮಿತಿಯನ್ನು 1,00,000 ರೂ. ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ಯೆಸ್ ಬ್ಯಾಂಕ್, ಡಿಸಿಬಿ ಬ್ಯಾಂಕ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಮತ್ತು ಇಂಡಸ್‌ಇಂಡ್ ಬ್ಯಾಂಕ್ ಕೂಡ ಇದೇ ಮಿತಿಯನ್ನು ಅನುಸರಿಸುತ್ತಿವೆ.
- ಐಸಿಐಸಿಐ ಬ್ಯಾಂಕ್: ಈ ಬ್ಯಾಂಕ್ನಲ್ಲಿ ಗರಿಷ್ಠ ವಹಿವಾಟಿನ ಮಿತಿಯನ್ನು 1,00,000 ರೂ. ಆಗಿದ್ದು, ಗರಿಷ್ಠ ವಹಿವಾಟು 10ಕ್ಕೆ ಮಾತ್ರ ಸಿಮಿತಗೊಳಿಸಿದೆ.
- ಕೆನರಾ ಬ್ಯಾಂಕ್: ಕೆನರಾ ಬ್ಯಾಂಕ್ನಲ್ಲೂ ಕೂಡ 1 ಲಕ್ಷ ರೂ ನಿಗದಿಸಲಾಗಿದೆ. ದಿನಕ್ಕೆ 20 ವಹಿವಾಟು ನಡೆಸಬಹುದಾಗಿದೆ.
- ಬ್ಯಾಂಕ್ ಆಫ್ ಬರೋಡಾ: ಬ್ಯಾಂಕ್ ಆಫ್ ಬರೋಡಾ ಕೂಡ ದಿನಕ್ಕೆ 1 ಲಕ್ಷ ಮಿತಿ ವಹಿವಾಟಿಗೆ ಅನುಮತಿ ಹೊಂದಿದ್ದು, ದಿನಕ್ಕೆ 20 ವಹಿವಾಟು ನಡೆಸಬಹುದು.
- ಆಕ್ಸಿಸ್ ಬ್ಯಾಂಕ್: ಈ ಬ್ಯಾಂಕ್ನಲ್ಲಿ ಕೂಡ ವೈಯಕ್ತಿಕ ಪಾವತಿ ಮಿತಿ 1 ಲಕ್ಷ ಮಿತಿ ವಿಧಿಸಲಾಗಿದೆ.
- ಕೋಟಾಕ್ ಮಹೀಂದ್ರ ಬ್ಯಾಂಕ್: ಈ ಬ್ಯಾಂಕ್ನಲ್ಲಿ ಕೂಡ ವೈಯಕ್ತಿಕ ಪಾವತಿ ಮಿತಿ 1 ಲಕ್ಷ ಮಿತಿ ವಿಧಿಸಲಾಗಿದೆ. ಬೇಕಾದಲ್ಲಿ ಕ್ಯೂಆರ್ ಕೋಡ್ ಮೂಲಕ 2,000 ರೂ ಪಾವತಿ ಮಾಡಬಹುದು.
ವಹಿವಾಟು ಹೆಚ್ಚಿಸಲು ಇರುವ ಮಾರ್ಗ: ಇತ್ತೀಚೆಗೆ, ಆರ್ಬಿ ಯುಪಿಐ ಮೂಲಕ ಮಾಡಿದ ವಹಿವಾಟುಗಳ ಮೇಲಿನ ತೆರಿಗೆ ಪಾವತಿಯ ಮಿತಿಯನ್ನು ಹೆಚ್ಚಿಸಿದೆ. ಈ ಮೊತ್ತವನ್ನು 1 ಲಕ್ಷದಿಂದ 5 ಲಕ್ಷಕ್ಕೆ ಹೆಚ್ಚಿಸಲಾಗಿದೆ. ಈ ಮೂಲಕ ಆಸ್ತಿ ತೆರಿಗೆ, ಮುಂಗಡ ತೆರಿಗೆ ಮತ್ತು ವೈಯಕ್ತಿಕ ಆದಾಯ ತೆರಿಗೆ ಪಾವತಿದಾರರು ಒಂದೇ ವಹಿವಾಟಿನಲ್ಲಿ 5 ಲಕ್ಷ ರೂ ಹೆಚ್ಚಿಸಬಹುದು. ಬಂಡವಾಳ ಮಾರುಕಟ್ಟೆ, ವಿಮೆ, ಪ್ಯಾರಿನ್ ಇನ್ವರ್ಡ್ ರವಾನೆಗೆ 2 ಲಕ್ಷದವರೆಗೆ ಪಾವತಿಸಬಹುದು.
ಇದನ್ನೂ ಓದಿ: ನಿಯಂತ್ರಣದಲ್ಲಿ ಚಿಲ್ಲರೆ ಹಣದುಬ್ಬರ: ಬಡ್ಡಿದರ ಕಡಿಮೆ ಮಾಡುತ್ತಾ ಆರ್ಬಿಐ?
