ವಾರಣಾಸಿ ವಿಮಾನ ನಿಲ್ದಾಣದ ಆಗಮನ ದ್ವಾರದ ಕೀ ನಾಪತ್ತೆ! ಪ್ರಯಾಣಿಕರು ಕಾದು ಸುಸ್ತು

ಇದು ಅಚ್ಚರಿಯಾದರೂ ನಿಜ. ವಿಮಾನ ನಿಲ್ದಾಣದ ಬಾಗಿಲಿನ ಕೀಲಿ ಕೈ ಕಳೆದಿರುವ ಘಟನೆ ವಾರಣಾಸಿ ವಿಮಾನ ನಿಲ್ದಾಣದಲ್ಲಿ ನಡೆದಿದೆ. ಪ್ರಯಾಣಿಕರು ಬಂದ್​​ ಆಗಿದ್ದ ಬಾಗಿಲಿನ ಹಿಂದೆ ಹೊರಬರಲಾಗದೆ ಅರ್ಧ ಗಂಟೆ ಆತಂಕದಿಂದ ಕಾಲ ಕಳೆದಿದ್ದಾರೆ.

ವಾರಣಾಸಿ: ಇಲ್ಲಿನ ಲಾಲ್​ ಬಹದ್ದೂರ್​ ಶಾಸ್ತ್ರಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಆಗಮನ ದ್ವಾರದ ಕೀಲಿಕೈ ಕಳೆದು ಹೋಗಿ ಪ್ರಯಾಣಿಕರು ಕಾದು ಕುಳಿತ ಘಟನೆ ಭಾನುವಾರ ಸಂಜೆ ನಡೆದಿದೆ. ಪ್ರಯಾಣಿಕರೊಬ್ಬರು ಈ ವಿಚಾರವನ್ನು ತಮ್ಮ 'ಎಕ್ಸ್'​ ಜಾಲತಾಣದ ಮೂಲಕ ತಿಳಿಸಿದ್ದಾರೆ.

ಆಗಿದ್ದೇನು?: ಶಾರ್ಜಾದಿಂದ ಏರ್​ ಇಂಡಿಯಾ ಎಕ್ಸ್​​ಪ್ರೆಸ್​ ವಿಮಾನ ಬಬತ್‌ಪುರದಲ್ಲಿರುವ ಲಾಲ್ ಬಹದ್ದೂರ್ ಶಾಸ್ತ್ರಿ ವಿಮಾನ ನಿಲ್ದಾಣದಲ್ಲಿ ಭಾನುವಾರ ಸಂಜೆ 5.30ಕ್ಕೆ ಲ್ಯಾಂಡ್​ ಆಗಿದೆ. ವಿಮಾನದಿಂದ ಇಳಿದ ಪ್ರಯಾಣಿಕರು ಆಗಮನ ಗೇಟ್​​ನತ್ತ ಸಾಗಿದ್ದಾರೆ. ಈ ವೇಳೆ ಗೇಟ್​ ಬಂದ್​ ಆಗಿದ್ದು, ಕಾದು ಕುಳಿತಿದ್ದಾರೆ. ಈ ಕುರಿತು ಅಲ್ಲಿನ ಸಿಬ್ಬಂದಿಯನ್ನು ಪ್ರಶ್ನಿಸಿದಾಗ ಅವರು, ಗೇಟ್​ ಕೀ ಕಳೆದು ಹೋಗಿರುವ ಮಾಹಿತಿ ನೀಡಿದ್ದಾರೆ.

@AAI_Official @AAIVNSAIRPORT @airsewa_MoCA @airsewa_MoCAs

This is the situation at Varanasi airport just before immigration. Reason: Security personnel not able to open lock of gate for immigration hall😝😝. Its since last half n hour pic.twitter.com/j31euqv1UD

— IamGroot (@sverma4) November 3, 2024

ವಿಮಾನ ನಿಲ್ದಾಣದಲ್ಲಿ ಕಾಯುವಿಕೆಗೆ ಒಳಗಾದ ಪ್ರಯಾಣಿಕರು ಎಕ್ಸ್​ ಜಾಲತಾಣದಲ್ಲಿ ಫೋಟೋ ಸಹಿತ ಮಾಹಿತಿ ಹಂಚಿಕೊಂಡಿದ್ದಾರೆ. "ಇದು ವಾರಣಾಸಿ ವಿಮಾನ ನಿಲ್ದಾಣದ ಪರಿಸ್ಥಿತಿ. ಇಮಿಗ್ರೇಷನ್​ ಬಳಿಕ ಇಲ್ಲಿನ ಸಿಬ್ಬಂದಿ ಆಗಮನದ ಗೇಟ್​ ಅನ್ನು ಅರ್ಧ ಗಂಟೆ ತೆರೆಯಲು ಸಾಧ್ಯವಾಗಿಲ್ಲ. ನಾವು ವಿಮಾನ ನಿಲ್ದಾಣದ ನಿರ್ದೇಶಕ ಪುನೀತ್​ ಗುಪ್ತಾ ಅವರೊಂದಿಗೆ ಮಾತನಾಡಿದಾಗ ಕೀ ಕಾಣದಿರುವ ಸಂಗತಿ ಬೆಳಕಿಗೆ ಬಂತು. ಬಳಿಕ ಬೀಗ ಹೊಡೆದು ಬಾಗಿಲು ತೆರೆಯಲಾಯಿತು" ಎಂದು ತಿಳಿಸಿದ್ದಾರೆ.

ಈ ಘಟನೆಯನ್ನು ತನಿಖೆ ನಡೆಸಲಾಗುತ್ತಿದೆ. ತಪ್ಪಿತಸ್ಥರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ನಿಲ್ದಾಣದ ಅಧಿಕಾರಿಗಳು ಹೇಳಿದ್ದಾರೆ.

ಇದನ್ನೂ ಓದಿ: ಚಲಿಸುತ್ತಿದ್ದ ಖಾಸಗಿ ಸ್ಲೀಪರ್ ಬಸ್‌ನಲ್ಲಿ ಬೆಂಕಿ; ಕಿಟಕಿಯಿಂದ ಹಾರಿ ಪ್ರಯಾಣಿಕರು ಬಚಾವ್