ಕಾನ್ಪುರ್ (ಉತ್ತರ ಪ್ರದೇಶ) : ಮಹಾಕುಂಭ ಮೇಳ ಮತ್ತು ಭಾರತೀಯ ಸಂಸ್ಕೃತಿಯ ಪ್ರಾಮುಖ್ಯತೆ ಸಾರುವ ಉದ್ದೇಶದಿಂದ ತಮಿಳುನಾಡು ಮೂಲದ ಬುಲೆಟ್ ರಾಣಿ ಎಂದೇ ಖ್ಯಾತಿ ಪಡೆದಿರುವ ಮಹಿಳೆ ಪ್ರಯಾಗ್ರಾಜ್ವರೆಗೆ ಬುಲೆಟ್ನಲ್ಲಿ ಪ್ರಯಾಣ ಬೆಳೆಸಿದ್ದು, ಭಾನುವಾರ ಅವರು ತಮ್ಮ ರಾಯಲ್ ಎನ್ಫೀಲ್ಡ್ ಬೈಕ್ನಲ್ಲಿ ಕಾನ್ಪುರಕ್ಕೆ ಬಂದು ತಲುಪಿದರು. ಅಲ್ಲಿ ಅವರಿಗೆ ಭವ್ಯ ಸ್ವಾಗತ ಕೋರಲಾಯಿತು.
ಈ ಕುರಿತು ಮಾತನಾಡಿರುವ ಬುಲೆಟ್ ರಾಣಿ ಅಲಿಯಾಸ್ ರಾಜಿಲಕ್ಷ್ಮೀ, ಜನವರಿ 9ರಂದು ಭದೋಹಿಯಿಂದ ಪ್ರಯಾಣವನ್ನು ಆರಂಭಿಸಿದೆ. 22 ದಿನದ ಈ ಪ್ರಯಾಣ ತ್ರಿವೇಣಿ ಸಂಗಮದಲ್ಲಿ ಮುಕ್ತಾಯವಾಗಲಿದೆ. ಈ ಪ್ರಯಾಣ 36 ಜಿಲ್ಲೆಗಳಲ್ಲಿ ಸಾಗಿದ್ದು, 2,000 ಕಿ.ಮೀ ದೂರ ಎಂದಿದ್ದಾರೆ.
ಈ ಐತಿಹಾಸಿಕ ಹಬ್ಬದಲ್ಲಿ ಭಾಗಿಯಾಗಲು ಅತಿ ಹೆಚ್ಚಿನ ಜನರು ಪ್ರಯಾಗ್ರಾಜ್ಗೆ ಆಗಮಿಸಬೇಕು. ಗಂಗಾ, ಯಮುನಾ ಮತ್ತು ಸರಸ್ವತಿಯ ಪವಿತ್ರ ತ್ರಿವೇಣಿ ಸಂಗಮದಲ್ಲಿ ಮುಳುಗೇಳಿ ಶುದ್ಧರಾಗಬೇಕು ಎಂದು ಇಡೀ ದೇಶದ ಜನರಿಗೆ ನಾನು ತಿಳಿಸುತ್ತೇನೆ ಎಂದರು.
ರಾಜಿಲಕ್ಷ್ಮೀ ತಮಿಳುನಾಡಿನ ಮಧುರೈ ಮೂಲದವರಾಗಿದ್ದು, ಭದೋಹಿಯ ಸುಂದರ್ಬನ್ನಲ್ಲಿ ವಾಸವಾಗಿದ್ದಾರೆ. ಇವರು ತನ್ನನ್ನು ಸನ್ಯಾಸಿ ಎಂದು ಕರೆದುಕೊಂಡಿದ್ದು, ಭದೋಹಿಯಲ್ಲಿನ ರಾಮ್ ಜಾನಕಿ ಮಂದಿರ ಆಶ್ರಮದಲ್ಲಿ 180 ಅಡಿ ತಾಮ್ರದ ಶಿವಲಿಂಗ ಸ್ಥಾಪಿಸಿದ್ದಾರೆ.
ಬುಲೆಟ್ ರಾಣಿ ಮಹಾ ಕುಂಭಕ್ಕೆ ಬೈಕ್ನಲ್ಲಿ ಸಾಗಿದ್ದು, ಈ ವೇಳೆ ಅವರು ಜ್ಯೋತಿರ್ಲಿಂಗ ಮತ್ತು ಸನಾತನ ಧರ್ಮದ ಪ್ರಾಮುಖ್ಯತೆ ಕುರಿತು ಪ್ರಚುರ ಪಡಿಸುತ್ತಾರೆ. ವಾರಣಾಸಿ, ಗಾಜಿಪುರ, ಅಯೋಧ್ಯೆ, ಲಕ್ನೋ, ಮೊರದಾಬಾದ್, ದೆಹಲಿ, ಮಥುರಾ, ಇಟಾವಾ ಮತ್ತು ಚಿತ್ರಕೂಟ್ ಮೂಲಕ ಇವರು ಪ್ರಯಾಗ್ರಾಜ್ ತಲುಪಿದ್ದಾರೆ.
ಕಾನ್ಫುರದಲ್ಲಿ ಸಣ್ಣ ವಿರಾಮ ಪಡೆದ ಅವರು ಬಳಿಕ ಚಿತ್ರಕೂಟ್ ತಲುಪಿದರು. ನಾನು ನಂಬಿಕೆ ಮತ್ತು ಸಂಸ್ಕೃತಿ ಉಳಿವಿಗಾಗಿ ಮಹಾ ಕುಂಭಕ್ಕೆ ಹೋಗುತ್ತಿದ್ದೇನೆ, ಪ್ರತಿಯೊಬ್ಬರು ಪ್ರಯಾಗ್ರಾಜ್ಗೆ ಹೋಗಿ ಪವಿತ್ರ ನೀರಿನ ಸ್ನಾನ ಮಾಡಬೇಕು ಎಂದರು.
ಸನಾತನ ಮಂಡಳಿ ಸ್ಥಾಪನೆ ಮಾಡಬೇಕು ಎನ್ನುವ ಬುಲೆಟ್ ರಾಣಿ, ನಮ್ಮ ಸಂಸ್ಕೃತಿ, ದೇಗುಲ ಮತ್ತು ಸನಾತನ ಧರ್ಮ ಉಳಿಸುವುದು ಅತ್ಯಂತ ಅವಶ್ಯಕ. ಇದಕ್ಕೆ ನಾನು ಸಂಪೂರ್ಣ ಬೆಂಬಲ ನೀಡುತ್ತೇನೆ. ಇದಕ್ಕಾಗಿ ಮಂಡಳಿ ರಚಿಸಬೇಕು ಎಂದು ಒತ್ತಾಯಿಸಿದರು.
ಬುಲೆಟ್ ರಾಣಿ ಅನೇಕ ದಾಖಲೆ ಪುಸ್ತಕದಲ್ಲಿ ತಮ್ಮ ಹೆಸರು ಬರೆದಿದ್ದಾರೆ. 2016ರಲ್ಲಿ ಇವರು 9 ಟನ್ ತೂಕದ ಟ್ರಕ್ ಎಳೆದಿದ್ದರು. ಆರು ಟನ್ ತೂಕವನ್ನು ಹಲ್ಲು ಮತ್ತು ಐದು ಟನ್ ತೂಕವನ್ನು ಕೂದಲಿನಿಂದ ಎಳೆಯುವ ಮೂಲಕ ಮೂಲಕ ಗಿನ್ನಿಸ್ ಬುಕ್ನಲ್ಲಿ ದಾಖಲೆ ಬರೆದಿದ್ದಾರೆ.
2022ರಲ್ಲಿ ಕೂಡ ಇವರು 9 ಟನ್ ತೂಕದ 9 ಅಡಿ ಉದ್ದದ ಶಿವಲಿಂಗ ಹೊಂದಿದ ಟ್ರಕ್ ಎಳೆದಿದ್ದರು. ಬಧೋಹಿಯಲ್ಲಿ ಶಿವಲಿಂಗ ಸ್ಥಾಪನೆಗೆ ಮುನ್ನ 12 ಜ್ಯೋತಿರ್ಲಿಂಗಕ್ಕೆ ಭೇಟಿ ನೀಡಿದ್ದರು. 2024ರಲ್ಲಿ 21 ಸಾವಿರ ಕಿ.ಮೀ ಪ್ರಯಾಣಿಸುವ ಮೂಲಕ ಪ್ರಧಾನಿ ಮೋದಿ ಅವರಿಗೆ ಬೆಂಬಲ ವ್ಯಕ್ತಪಡಿಸಿದ್ದರು.
ಇದನ್ನೂ ಓದಿ: ಮಹಾ ಕುಂಭ: 100ಕ್ಕೂ ಹೆಚ್ಚು ನಾಗ ಸನ್ಯಾಸಿನಿಯರಿಗೆ ದೀಕ್ಷೆ ಪ್ರಕ್ರಿಯೆ: 3 ವಿದೇಶಿ ಮಹಿಳೆಯರಿಗೂ ದೀಕ್ಷೆ
