ಹೈದರಾಬಾದ್: ಈ ತಿಂಗಳ ಹುಣ್ಣಿಮೆ ಬಲು ವಿಶೇಷ. ಕಾರಣ ಇದು ಸ್ಟ್ರಾಬೇರಿ ಮೂನ್. ಈ ಹಿನ್ನೆಲೆಯಲ್ಲಿ ಹುಣ್ಣಿಮೆ ಜೂನ್ 21 ಅಥವಾ 22 ಎಂಬ ಬಗ್ಗೆ ಹಲವರಿಗೆ ಅನುಮಾನ ಇದೆ. ಭೂಮಿ ಆಧಾರಿತ ರೇಖಾಂಶದಲ್ಲಿ ಹುಣ್ಣಿಮೆಯು ಜೂನ್ 21ರ ರಾತ್ರಿ 9.08 ನಿಮಿಷದಿಂದ ಆರಂಭವಾದರೆ, ಗ್ರೀನ್‌ಲ್ಯಾಂಡ್, ಆಫ್ರಿಕಾ ಮತ್ತು ಆಸ್ಟ್ರೇಲಿಯಾದಾದ್ಯಂತ ಮಧ್ಯ ಪೆಸಿಫಿಕ್‌ನಲ್ಲಿ ಇದು ಶನಿವಾರ ಆಚರಿಸಲಾಗುತ್ತಿದೆ. ಬಹುತೇಕ ವಾಣಿಜ್ಯ ಕ್ಯಾಲೆಂಡರ್ ಪ್ರಕಾರ ಕೂಡ ಶನಿವಾರ ಅಂದರೆ, ಜೂನ್ 22 ಹುಣ್ಣಿಮೆಯ ದಿನ ಎಂದು ಸೂಚಿಸಲಾಗಿದೆ. ಆದರೆ, ಈ ಹುಣ್ಣಿಮೆಯ ಚಂದ್ರ ಮೂರು ದಿನಗಳ ಕಾಲ ಪೂರ್ಣ ಪ್ರಮಾಣದಲ್ಲಿ ಗುರುವಾರದಿಂದ ಭಾನುವಾರ ಬೆಳಗಿನವರೆಗೆ ಕಾಣಲಿದ್ದಾನೆ.
ದೀರ್ಘವಾಗಿರುವ ಹಗಲು: ನಮಗೆಲ್ಲ ತಿಳಿದಿರುವಂತೆ ಜೂನ್ 21 ಹೆಚ್ಚು ಹಗಲಿರುವ ದಿನ. ಅದರಂತೆ, ಬೇಸಿಗೆ ಆರಂಭ (ಅಮೆರಿಕದಲ್ಲಿ) ವಾಗುತ್ತಿದ್ದಂತೆ ಸೂರ್ಯನ ಬೆಳಕಿನ ಅವಧಿಗಳು ನಿಧಾನವಾಗಿ ಕಡಿಮೆಯಾಗಲು ಶುರುವಾಗುತ್ತದೆ. ಆದರೆ, ಜೂನ್ 21 ರಂದು ಬೇಸಿಗೆ ಆಯನ ಸಂಕ್ರಾಂತಿ ದಿನದಲ್ಲಿ ಬೆಳಕಿನ ಅವಧಿ ಹೆಚ್ಚಿರುತ್ತದೆ. ಇದೇ ಕಾರಣ ಶುಕ್ರವಾರ ಅಂದರೆ ಜೂನ್ 21ರಂದು 4.30ಕ್ಕೆ ಬೆಳಕು ಹರಿದು, ಸೂರ್ಯ 5.43ಕ್ಕೆ ಉದಯಿಸಲಿದ್ದಾನೆ. ಸೂರ್ಯ ತನ್ನ ಗರಿಷ್ಠ ಎತ್ತರ ಅಂದರೆ 74.6 ಡಿಗ್ರಿಯನ್ನು ಮಧ್ಯಾಹ್ನ 1.10ಕ್ಕೆ ತಲುಪಲಿದ್ದಾನೆ. ಸೂರ್ಯಾಸ್ತ ರಾತ್ರಿ 8.37ಕ್ಕೆ ಆದರೆ, ಅದರ ಬೆಳಕು 9.49ರವರೆಗೆ ಇರಲಿದೆ. ಕಳೆದ ಬೇಸಿಗೆಯ ಬೇಸಿಗೆಯ ಆಯನ ಸಂಕ್ರಾಂತಿಗಿಂತ ಈ ವರ್ಷದ ಬೇಸಿಗೆಯ ಅಯನ ಸಂಕ್ರಾಂತಿಗಿಂತ ಹಗಲಿನ ಅವಧಿಯು 1.2 ಸೆಕೆಂಡುಗಳು ಕಡಿಮೆ ಇರಲಿದೆ.
ಸ್ಟ್ರಾಬೇರಿ ಮೂನ್: ಜೂನ್ನಲ್ಲಿ ಸಂಭವಿಸುವ ಹುಣ್ಣಿಮೆಯನ್ನು ಸ್ಟ್ರಾಬೇರಿ ಮೂನ್ ಎಂದು ಕರೆಯಲಾಗುತ್ತದೆ. ಜ್ಯೋತಿಷ್ಯದ ಪ್ರಕಾರ, ಈ ಹುಣ್ಣಿಮೆ ಅತಿ ಹೆಚ್ಚಿನ ಶಕ್ತಿಯೊಂದಿಗೆ ಸಂಯೋಜಿತವಾಗಿದೆ. ಈ ದಿನದಂದು ಪೂರ್ಣ ಚಂದಿರ ಸೂರ್ಯನ ಕಿರಣದಿಂದ ಸಂಪೂರ್ಣವಾಗಿ ಹೊಳೆಯುವುದರಿಂದ ಹೆಚ್ಚು ಪ್ರಕಾಶಮಾನವಾಗಿರುತ್ತಾನೆ.
ಸ್ಟ್ರಾಬೇರಿ ಮೂನ್ ಎಂದು ಕರೆಯಲು ಕಾರಣವೇನು?: 1930ರಲ್ಲಿ ಕೃಷಿಕರು ಜೂನ್ನ ಹುಣ್ಣಿಮೆಗೆ ಈ ಹೆಸರನ್ನು ಇಟ್ಟರು. ಅಮೆರಿಕದ ಸ್ಥಳೀಯ ಜನರು ಈ ಸಂದರ್ಭದಲ್ಲಿ ಸ್ಟ್ರಾಬೇರಿಯ ಸಣ್ಣ ಕೃಷಿಯನ್ನು ಮಾಡುವ ಹಿನ್ನೆಲೆಯಲ್ಲಿ ಜೂನ್ನ ಪೂರ್ಣ ಚಂದಿರನಿಗೆ ಸ್ಟ್ರಾಬೇರಿ ಎಂಬ ಹೆಸರು ಬಂದಿತು. ಇದಕ್ಕೆ ಪರ್ಯಾಯವಾಗಿ ಪ್ರಾಚೀನ ಯುರೋಪಿಯನ್ನರು ಜೂನ್ನ ಹುಣ್ಣಿಮೆಗೆ ಹನಿ ಮೂನ್ ಎಂದು ಕರೆಯುತ್ತಾರೆ. ಕಾರಣ ಈ ವೇಳೆ ಅಲ್ಲಿ ಜೇನಿನ ಕೃಷಿ ಸಾಗುತ್ತದೆ.
ಹನಿಮೂನ್ ಅನ್ನು ಸಾಮಾನ್ಯವಾಗಿ ಮದುವೆಯ ಮೊದಲ ತಿಂಗಳ ರಾತ್ರಿಗಳನ್ನು ವರ್ಣಿಸಲು ಬಳಸುತ್ತಾರೆ. ಕಾರಣ ಜೂನ್ನಲ್ಲಿ ಅತಿ ಹೆಚ್ಚು ಮದುವೆಗಳು ನಡೆಯುವುದರಿಂದ ಈ ಹುಣ್ಣಿಮೆಯನ್ನು ಹನಿಮೂನ್ ಎಂದು ಕರೆಯಲಾಗಿದೆ ಎಂದು ನಾಸಾ ವಿವರಿಸಿದೆ. ಮತ್ತೊಂದು ವಾದದ ಪ್ರಕಾರ, ಹೊಸದಾಗಿ ಮದುವೆಯಾದಾಗ ಆ ತಿಂಗಳಲ್ಲಿ ಸಂಸ್ಕರಿಸಿದ ಜೇನ ಪಾನೀಯವನ್ನು ನೀಡುವುದರಿಂದ ಕೂಡ ಈ ಹೆಸರು ಹುಣ್ಣಿಮೆಯೊಂದಿಗೆ ತಳಕು ಹಾಕಿಕೊಂಡಿದೆ ಎನ್ನಲಾಗಿದೆ.
ಮತ್ತೆ ಕೆಲವು ಮಂದಿ ಇದನ್ನು ಬರ್ತ್ ಮೂನ್ (ಚಂದ್ರನ ಹುಟ್ಟು) ಎಂದು ಕರೆಯುತ್ತಾರೆ. ಹುಣ್ಣಿಮೆಯಲ್ಲಿ ಮೊಟ್ಟೆ ಇಡುವುದು. ಮರಿ ಹೊರಗೆ ಬರುವುದನ್ನು ಜೀವನದ ಹೊಸ ಆರಂಭ ಎಂಬುದಾಗಿ ಹೇಳಲಾಗಿದೆ ಎಂದು ಹಳೆ ಕೃಷಿಕ ಪಂಚಾಂಗ ತಿಳಿಸಿದೆ. ಕಳೆದ 20 ವರ್ಷಗಳಿಂದ ಬೇಸಿಗೆಯ ಆಯಾನ ಹುಣ್ಣಿಮೆಯನ್ನು ಸ್ಟ್ರಾಬೇರಿ ಮೂನ್ ಎಂದು ಕರೆಯಲಾಗುತ್ತಿದ್ದು, 1930ರಿಂದ ಸಾಮಾನ್ಯವಾಗಿ ಈ ಹುಣ್ಣಿಮೆ ಜೂನ್ 20, 21 ಅಥವಾ 22 ಬರತ್ತದೆ. ಭಾರತದಲ್ಲಿ ಇದನ್ನು ಪೂರ್ಣಿಮೆ ಎಂದು ಕರೆಯಲಾಗುವುದು.
ಹಿಂದೂಗಳು ಈ ಪೂರ್ಣಿಮೆಯನ್ನು ವತ್ ಪೂರ್ಣಿಮಾ ಎಂದು ಕರೆಯುತ್ತಾರೆ. ಮೂರು ದಿನ ಈ ಹುಣ್ಣಮೆ ಇರುತ್ತದೆ. ಸಾವಿತ್ರಿ ಮತ್ತು ಸತ್ಯವನ್ ಕಥೆಯು ಈ ದಿನಕ್ಕೆ ತಳುಕು ಹಾಕಿದ್ದು, ಈ ಹಿನ್ನೆಲೆ ಮಹಿಳೆ ಪತಿಯ ಆಯಸ್ಸಿಗಾಗಿ ಅರಳಿಮರಕ್ಕೆ ದಾರವನ್ನು ಕಟ್ಟುವ ಪದ್ಧತಿ ಇದೆ. ಬೌದ್ಧ ಧರ್ಮದಲ್ಲಿ ಈ ಹುಣ್ಣಿಮೆಯನ್ನು ಪೊಸೊನ್ ಪೊಯಾ ಎಂದು ಕರೆಯಲಾಗುತ್ತದೆ.
ಇದನ್ನೂ ಓದಿ: ಹುಣ್ಣಿಮೆ ಬೆಳದಿಂಗಳ ರಾತ್ರಿಯಲ್ಲಿ ತಾಜ್ಮಹಲ್ ವೀಕ್ಷಣೆ
