9 ಕಿಲೋ ಮೀಟರ್ ದೂರು ಗರ್ಭಿಣಿ ಹೊತ್ತು ಸಾಗಿದ ಗ್ರಾಮಸ್ಥರು.. ವಿಡಿಯೋ

ರೋಲಗುಂಟಾ(ಆಂಧ್ರಪ್ರದೇಶ): ಅನಕಪಲ್ಲಿ ಜಿಲ್ಲೆಯ ರೋಲಗುಂಟಾ ಮಂಡಲದಲ್ಲಿ ಗರ್ಭಣಿಯೊಬ್ಬಳನ್ನು ಸುಮಾರು 9 ಕಿಲೋ ಮೀಟರ್ ದೂರು ಡೋಲಿಯಲ್ಲಿ ಹೊತ್ತು ಸಾಗಿರುವ ಘಟನೆ ನಡೆದಿದೆ. ಮುಳಪೇಟ ಪಂಚಾಯಿತಿ ವ್ಯಾಪ್ತಿಯ ಜಾಜುಲಬಂಡ ಗ್ರಾಮದ ನಿವಾಸಿ ಪಾಂಗಿ ಶಾಂತಿ ಎಂಬುವರು ಹೆರಿಗೆ ನೋವಿನಿಂದ ಬಳಲುತ್ತಿದ್ದರು. ಈ ವೇಳೆ, ಸುಮಾರು 9 ಕಿ.ಮೀ ದೂರ ಡೋಲಿಯಲ್ಲಿ ಹೊತ್ತುಕೊಂಡು ರೋಳಗುಂಟಾ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಸಾಗಿಸಲಾಗಿದೆ. ತದನಂತರ ವಿಶಾಖಪಟ್ಟಣದ ಕೆಜಿಎಚ್​​ ಆಸ್ಪತ್ರೆಗೆ ದಾಖಲು ಮಾಡಲಾಗಿದ್ದು, ಇಂದು ಮುಂಜಾನೆ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಸ್ವಾತಂತ್ರ್ಯ ಸಿಕ್ಕು ಇಷ್ಟೊಂದು ವರ್ಷಗಳು ಕಳೆದರೂ ನಮಗೆ ರಸ್ತೆ ಸಂಪರ್ಕವಿಲ್ಲ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.