ಅಂಗಡಿಗೆ ನುಗ್ಗಿ ನಗದು, ಸಾಮಗ್ರಿ ದೋಚಿ ಸಿಸಿಟಿವಿಯೆದುರು ಕಳ್ಳನ ನೃತ್ಯ: ವಿಡಿಯೋ

ಲಖನೌ(ಉತ್ತರ ಪ್ರದೇಶ): ಕಳ್ಳತನ ಮಾಡಲು ಬರುವ ಕಳ್ಳರು, ತಮ್ಮ ಗುರುತು ಯಾರಿಗೂ ಗೊತ್ತಾಗದ ರೀತಿಯಲ್ಲಿ ಸಿಸಿಟಿವಿಯಲ್ಲಿ ಸೆರೆಯಾಗದಂತೆ ಮರೆಮಾಚಿ ಕೃತ್ಯ ಎಸಗುತ್ತಾರೆ. ಆದರೆ, ಉತ್ತರ ಪ್ರದೇಶದಲ್ಲೊಂದು ವಿಭಿನ್ನ ಘಟನೆ ನಡೆದಿದೆ. ಕಳ್ಳತನ ಮಾಡಿದ ಬಳಿಕ ಕಳ್ಳನೋರ್ವ ಡ್ಯಾನ್ಸ್‌ ಮಾಡಿದ್ದಾನೆ. ಹಾರ್ಡ್​ವೇರ್​ ಅಂಗಡಿಯೊಳಗೆ ನುಗ್ಗಿರುವ ಆತ ಕಳ್ಳತನದ ಬಳಿಕ ಅಂಗಡಿಯಲ್ಲಿ ಅಳವಡಿಸಿರುವ ಸಿಸಿಟಿವಿ ಕ್ಯಾಮೆರಾ ಮುಂದೆ ಕುಣಿದಿದ್ದಾನೆ. ಲಭ್ಯವಾಗಿರುವ ಮಾಹಿತಿ ಪ್ರಕಾರ, ಆರು ಸಾವಿರ ನಗದು ಹಾಗೂ ಸಾಮಗ್ರಿಯನ್ನು ಆತ ದೋಚಿದ್ದಾನೆ.