ಭೋರ್ಗರೆವ ನೀರಿನ ಮೇಲೆ ರೋಪ್​ ಹಾಕಿ ಗರ್ಭಿಣಿ ದಾಟಿಸಿದ ಎಸ್​ಡಿಆರ್​ಎಫ್​​: ವಿಡಿಯೋ

ಉತ್ತರಾಖಂಡದಲ್ಲಿ ಸುರಿಯುತ್ತಿರುವ ಧಾರಾಕಾರ ಮಳೆ ಜನಜೀವನವನ್ನು ಕಂಗೆಡಿಸಿದೆ. ರಸ್ತೆಗಳು ನೀರಿಗೆ ಕೊಚ್ಚಿ ಹೋಗಿ ಸಂಪರ್ಕ ಬಂದ್​ ಆಗಿದೆ. ಪ್ರವಾಹದಿಂದ ಎಲ್ಲೆಂದರಲ್ಲಿ ನೀರು ಭೋರ್ಗರೆಯುತ್ತಿದೆ. ಇದರಿಂದ ಚಿಕಿತ್ಸೆಗೆ ತೆರಳಬೇಕಿದ್ದ ಗರ್ಭಿಣಿಯೊಬ್ಬರನ್ನು ರೋಪ್​ ಸಹಾಯದಿಂದ ಭೋರ್ಗರೆವ ನೀರಿನಲ್ಲಿ ದಾಟಿದ ವಿಡಿಯೋವೊಂದು ಹೊರಬಿದ್ದಿದೆ. ಉತ್ತರಾಖಂಡದ ತೆಹ್ರಿಯಲ್ಲಿ ನೀರಿನ ಕೊರೆತದಿಂದ ರಸ್ತೆ ಕೊಚ್ಚಿ ಹೋಗಿದೆ. ಗರ್ಭಿಣಿಯಾಗಿದ್ದ ಆಕೆ ಚಿಕಿತ್ಸೆ ಪಡೆಯಬೇಕಿತ್ತು. ಎಸ್​ಡಿಆರ್​ಎಫ್​ ತಂಡಕ್ಕೆ ಈ ಬಗ್ಗೆ ಮಾಹಿತಿ ನೀಡಿದಾಗ ಸ್ಥಳಕ್ಕೆ ಧಾವಿಸಿ, ಒಂದು ತುದಿಯಿಂದ ಮತ್ತೊಂದು ತುದಿಗೆ ರೋಪ್​ ಸಿದ್ಧ ಮಾಡಿ ಅವರನ್ನು ಅಲ್ಲಿಂದ ಸುರಕ್ಷಿತವಾಗಿ ಕರೆತಂದಿದ್ದಾರೆ. ಬಳಿಕ ರಾಜಧಾನಿ ಡೆಹ್ರಾಡೂನ್​ನಲ್ಲಿ ಮಹಿಳೆಗೆ ಚಿಕಿತ್ಸೆ ಕೊಡಿಸಿದ್ದಾರೆ. ಇದಲ್ಲದೇ, ಪ್ರಹಾಹದಲ್ಲಿ ಸಿಕ್ಕಿಬಿದ್ದಿದ್ದ ಮೂವರನ್ನು ಇದೇ ವೇಳೆ ಎಸ್​​ಡಿಆರ್​ಎಫ್​ ತಂಡ ರಕ್ಷಣೆ ಮಾಡಿದೆ.