ಬ್ಯಾಂಕ್‌ ಕ್ಯಾಶ್‌ ಕೌಂಟರ್‌ನಿಂದ 10 ಲಕ್ಷ ರೂಪಾಯಿ ಎಗರಿಸಿದ ಕಳ್ಳ! ಸಿಸಿಟಿವಿ ವಿಡಿಯೋ

ಮಥುರಾ(ಉತ್ತರ ಪ್ರದೇಶ): ಇಲ್ಲಿನ ಜಿಲ್ಲಾ ಸಹಕಾರಿ ಬ್ಯಾಂಕ್​​​ನಲ್ಲಿ ಹಗಲು ಹೊತ್ತಿನಲ್ಲೇ ಕಳ್ಳತನ ನಡೆದಿದೆ. ಕ್ಯಾಶ್ ಕೌಂಟರ್​​ನಿಂದ 10 ಲಕ್ಷ ರೂಪಾಯಿ ಎಗರಿಸಿರುವ ಖದೀಮ ಸ್ಥಳದಿಂದ ಪರಾರಿಯಾಗಿದ್ದಾನೆ. ಮಥುರಾದ ಜೈಂಟ್​ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ. ಬ್ಯಾಂಕ್​​ನಲ್ಲಿ ಹೆಚ್ಚಿನ ಜನಸಂದಣಿ ಇತ್ತು. ಕ್ಯಾಶಿಯರ್​​ ಹರೀಶ್ ಯಾದವ್​​ ಬಾತ್​​ ರೂಮ್​ಗೆ ಹೋಗಿದ್ದರು. ತಕ್ಷಣವೇ ಕ್ಯಾಶ್ ಕೌಂಟರ್​ಗೆ ಲಗ್ಗೆ ಹಾಕಿರುವ ಕಳ್ಳ ನೋಟಿನ ಬಂಡಲ್​​ ಎತ್ತಿಕೊಂಡು ಕಾಲ್ಕಿತ್ತಿದ್ದಾನೆ. ಕೃತ್ಯದ ದೃಶ್ಯ ಬ್ಯಾಂಕ್‌ನಲ್ಲಿ ಅಳವಡಿಸಲಾಗಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.