ಸಿಎಂ ಸಾಹೇಬ್ರು ಬರುತ್ತಿದ್ದನ್ನು ನೋಡಿ ಗೌರವ ಸಲ್ಲಿಸಿದ ಶ್ವಾನ... ನಕ್ಕು ನಮಸ್ಕರಿಸಿದ ಬಿಎಸ್​ವೈ!

ಮಹಾರಾಷ್ಟ್ರಕ್ಕೆ ಪ್ರವಾಸ ಬೆಳೆಸುವ ಉದ್ದೇಶದಿಂದ ಮುಖ್ಯಮಂತ್ರಿ ಬಿಎಸ್​​ ಯಡಿಯೂರಪ್ಪ ನಿನ್ನೆ ರಾತ್ರಿ ಬೆಳಗಾವಿ ಪ್ರವಾಸಿ ಮಂದಿರ ಸರ್ಕಿಟ್​ ಹೌಸ್​​ನಲ್ಲಿ ವಾಸ್ತವ್ಯ ಹೂಡಿದ್ದು, ಇಂದು ಬೆಳಗ್ಗೆ ವಾಯುವಿಹಾರಕ್ಕಾಗಿ ತೆರಳಿದ್ದ ವೇಳೆ ಅಪರೂಪದ ಘಟನೆವೊಂದು ನಡೆದಿದೆ. ಸರ್ಕಿಟ್​ ಹೌಸ್​ ಮುಂದೆ ನಿಂತಿದ್ದ ಶ್ವಾನದಳದ ಸೋನಿ ಎಂಬ ನಾಯಿ ಮುಖ್ಯಮಂತ್ರಿ ನೋಡಿ ತನ್ನ ಎರಡು ಕಾಲುಗಳನ್ನ ನೆಲಕ್ಕೆ ಊರಿ, ಬಾಲ ಅಲ್ಲಾಡಿಸುತ್ತಾ ಗೌರವ ತೋರಿದೆ. ಈ ದೃಶ್ಯ ನೋಡಿರುವ ಬಿಎಸ್​ವೈ ಮುಗುಳುನಗೆ ನೀಡಿ, ನಮಸ್ಕರಿಸಿ ಮುಂದೆ ಸಾಗಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.