ಬಾಗಲಕೋಟೆಯಲ್ಲಿ ಆರ್​ಎಸ್​ಎಸ್​​ ಪಥಸಂಚಲನ : ಗಮನ ಸೆಳೆದ ಗಣವೇಷಧಾರಿಗಳು

ಬಾಗಲಕೋಟೆ : ನಗರದಲ್ಲಿ ಆರ್​ಎಸ್​ಎಸ್ ಪಥಸಂಚಲನ ಆಕರ್ಷಕವಾಗಿದ್ದು, ಐತಿಹಾಸಿಕ ಹಿನ್ನೆಲೆ ಪಡೆದುಕೊಂಡಿದೆ. ಪ್ರತಿವರ್ಷ ವಿಜಯದಶಮಿ ಆದ ಬಳಿಕ ಬರುವ ಭಾನುವಾರದಂದು ರಾಷ್ಟ್ರೀಯ ಸ್ವಯಂ ಸೇವಾ ಸಂಘಟನೆ ವತಿಯಿಂದ ಪಥಸಂಚಲನ ನಡೆಯುತ್ತದೆ. ಇಂದು ನಡೆದ ಪಥಸಂಚಲನದಲ್ಲಿ ಮಹಾನ್​ ವ್ಯಕ್ತಿಗಳ ವೇಷದಲ್ಲಿ ಪುಟಾಣಿಗಳು ಗಮನ ಸೆಳೆದರು. ಬಸವೇಶ್ವರ ವಿದ್ಯಾವರ್ಧಕ ಸಂಘ ಮೈದಾನದಲ್ಲಿ ಏಕಕಾಲಕ್ಕೆ ಸುಮಾರು 2 ಸಾವಿರ ಗಣವೇಷಧಾರಿಗಳು ಪಥಸಂಚಲನ ಪ್ರಾರಂಭಿಸಿದರು. ಬಸವೇಶ್ವರ ವಿದ್ಯಾವರ್ಧಕ ಸಂಘದ ಮೈದಾನದಲ್ಲಿ ನಡೆದ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಸಂಘದ ಪ್ರಾಂತ ಸಂಚಾಲಕರಾದ ಸಿ. ನರೇಂದ್ರ ಮತ್ತು ತೋಟಗಾರಿಕೆ ವಿಶ್ವವಿದ್ಯಾಲಯ ಕುಲಪತಿ ಇಂದ್ರೇಶ ಸೇರಿದಂತೆ ಇತರ ಗಣ್ಯರು ಉಪಸ್ಥಿತರಿದ್ದರು.