ಆ್ಯಂಬುಲೆನ್ಸ್ ತಲುಪದ ಕುಗ್ರಾಮದಿಂದ ಗರ್ಭಿಣಿಯನ್ನು ಹೀಗೆ ಸಾಗಿಸಿದರು..

ಕೊಂಡಗಾಂವ್ (ಛತ್ತೀಸ್​ಗಢ): ಆ್ಯಂಬುಲೆನ್ಸ್​ಗಳು ತಲುಪದ ಕುಗ್ರಾಮದಲ್ಲಿ ಆರೋಗ್ಯ ಕಾರ್ಯಕರ್ತರು ಗರ್ಭಿಣಿಯನ್ನು ತಾವೇ ತಯಾರಿಸಿದ ಬುಟ್ಟಿಯೊಳಗೆ ಕೂರಿಸಿಕೊಂಡು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಈ ಘಟನೆ ಛತ್ತೀಸ್​ಗಢದ ಕೊಂಡಗಾಂವ್​ ಜಿಲ್ಲೆಯ ಮೋಹನ್​ಬೆಡಾ ಗ್ರಾಮದಲ್ಲಿ ನಡೆದಿದೆ. ಮರದ ಬಡಿಗೆಯ ಮಧ್ಯೆ ಬುಟ್ಟಿಯೊಳಗೆ ಮಹಿಳೆಯನ್ನು ಕೂರಿಸಿದ್ದು ಇಬ್ಬರು ಪುರುಷರು ಆಕೆಯನ್ನು ಎತ್ತಿಕೊಂಡು ವೇಗದ ನಡಿಗೆಯ ಮೂಲಕ ಸಾಗಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಿದ ಅಲ್ಲಿನ ಮುಖ್ಯ ಆರೋಗ್ಯಾಧಿಕಾರಿ ಆ ಕುಗ್ರಾಮಕ್ಕೆ ಆ್ಯಂಬುಲೆನ್ಸ್​​ಗಳು ತಲುಪುವುದಿಲ್ಲ. ಆಸ್ಪತ್ರೆಯಲ್ಲಿ ಹೆರಿಗೆ ಮಾಡಲಾಗಿದ್ದು ತಾಯಿ, ಮಗು ಆರೋಗ್ಯವಾಗಿದ್ದಾರೆ ಎಂದು ತಿಳಿಸಿದ್ದಾರೆ.