ಕಾರಿನ ಡೋರ್​ ತೆಗೆದು ಸ್ಟಂಟ್​​​: ನಿಯಂತ್ರಣ ತಪ್ಪಿ ಪಕ್ಕದ ರಸ್ತೆಗೆ ನುಗ್ಗಿದ ಕಾರು

ಸೊಲಾನ್ (ಹಿಮಾಚಲ ಪ್ರದೇಶ): ಚಲಿಸುತ್ತಿರುವ ಕಾರಿನಲ್ಲಿ ಚಾಲಕನ ಪಕ್ಕದಲ್ಲಿ ಕುಳಿತಿದ್ದ ವ್ಯಕ್ತಿ ಮಾಡಿದ ಹುಚ್ಚಾಟದಿಂದ ಅಪಘಾತವಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಹಂಚಲ್ಪಡುತ್ತಿದ್ದು, ಯುವಕನ ಹುಚ್ಚಾಟಕ್ಕೆ ಜನರು ಹಳಿಯುತ್ತಿದ್ದಾರೆ. ಡ್ರೈವರ್​ ಪಕ್ಕದಲ್ಲಿ ಕುಳಿತಿರುವ ವ್ಯಕ್ತಿ ಬಲ ಬದಿಯ ಬಾಗಿಲು ತೆಗೆದು ಸ್ಟಂಟ್​ ಮಾಡುತ್ತಿದ್ದಾನೆ. ಇದರಿಂದ ಚಾಲಕನಿಗೆ ನಿಯಂತ್ರಣ ತಪ್ಪಿ ಡಿವೈಡರ್​ ಹತ್ತಿ ಪಕ್ಕದ ರಸ್ತೆಗೆ ಕಾರು ಹೋಗಿದೆ. ಪಕ್ಕದ ರಸ್ತೆಯ ಅಂಚಿನ ತೆಡೆ ಗೋಡೆಗೆ ಕಾರು ಗುದ್ದಿದೆ. ಈ ವಿಡಿಯೋವನ್ನು ಹಿಂದೆ ಬರುತ್ತಿದ್ದ ಕಾರಿನವರು ಸೆರೆ ಹಿಡಿದಿದ್ದು, ಸಾಮಾಜಿಕ ಜಾತಾಣದಲ್ಲಿ ಪೋಸ್ಟ್​ ಮಾಡಿದ್ದಾರೆ. ಚಾಲಕನಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ನೋಡಿ ಪೊಲೀಸರು ಪ್ರಕರಣ ದಾಖಲಿಸಿ ಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.