22 ವರ್ಷದಲ್ಲಿ ಇದು 3ನೇ ಸರಳ ದಸರಾ: ನಿವೃತ್ತ ಹೆಡ್ ಕಾನ್ಸ್​​ಟೇಬಲ್​​ನ ಮನದಾಳದ ಮಾತು

ಮೈಸೂರು: ನಾಡಹಬ್ಬ ದಸರಾವನ್ನು ಇಲ್ಲಿಯವರೆಗೆ 3 ಬಾರಿ ಸರಳವಾಗಿ ಆಚರಿಸಲಾಗಿದೆ ಎಂದು ಕಳೆದ 22 ವರ್ಷಗಳಿಂದ ದಸರಾ ಕಾರ್ಯಕ್ರಮದಲ್ಲಿ ನಿರೂಪಣೆ ಮಾಡುತ್ತಿರುವ ನಿವೃತ್ತ ಹೆಡ್ ಕಾನ್ಸ್​​ಟೇಬಲ್ ಬಾಬು ಎಂಬುವವರು ಈಟಿವಿ ಭಾರತ್​​ ಜೊತೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ದಸರಾದ ಹಲವು ಕಾರ್ಯಕ್ರಮಗಳಲ್ಲಿ ನಾನು ಕಳೆದ 22 ವರ್ಷಗಳಿಂದ ನಿರೂಪಣೆ ಮಾಡುತ್ತಿದ್ದೇನೆ. 1980ರಲ್ಲಿ ಗುಂಡೂರಾವ್ ಸಿಎಂ ಆದ ಸಂದರ್ಭ ರಾಜ್ಯದಲ್ಲಿ ಬರ ಇದ್ದ ಕಾರಣ ನಾಡಹಬ್ಬವನ್ನು ಸರಳವಾಗಿ ಆಚರಿಸಲಾಯಿತು. ನಂತರ 2002ರಲ್ಲಿ ರಾಜ್​​​ಕುಮಾರ್ ಅಪಹರಣವಾದ ಹಿನ್ನೆಲೆ ಸರಳ ದಸರಾವನ್ನು ಆಚರಿಸಲಾಯಿತು. ಇದೀಗ 2020ರಲ್ಲಿ ಸರಳ ದಸರಾವನ್ನು ಕೋವಿಡ್ ಕಾರಣದಿಂದಾಗಿ ಆಚರಿಸಲಾಗುತ್ತಿದೆ. ಈ ಮೂರು ಬಾರಿಯೂ ಜಂಬೂ ಸವಾರಿಯನ್ನು ಅರಮನೆ ಆವರಣದಲ್ಲಿ ಸರಳ ರೀತಿಯಲ್ಲಿ ಆಚರಿಸಲಾಗಿದೆ ಎಂದರು.