ನಡುಗಡ್ಡೆಯಲ್ಲಿ ಸಿಲುಕಿದ್ದ ಅಧಿಕಾರಿಗಳ ರಕ್ಷಣೆ ಮಾಡಿದ ಎನ್​.ಡಿ.ಆರ್​.ಎಫ್ ತಂಡ

ರಾಯಚೂರು ಜಿಲ್ಲೆಯ ಲಿಂಗಸೂಗೂರು ತಾಲೂಕಿನ ಜಲದುರ್ಗ, ಶೀಲಹಳ್ಳಿ, ಯರಗೋಡಿ ಸೇತುವೆ ಮುಳುಗಡೆಯಿಂದಾಗಿ ನಡುಗಡ್ಡೆಯಲ್ಲಿ ಸಿಲುಕಿದ ತಹಶೀಲ್ದಾರ್, ಸಿಪಿಐ, ಪಿಎಸ್ಐ, ತಾಲೂಕು ಪಂಚಾಯಿತಿ ಇಒ ಅಧಿಕಾರಿಗಳನ್ನು ಎನ್ ಡಿ ಆರ್ ಎಫ್ ತಂಡ ರಕ್ಷಣೆ ಮಾಡಿದೆ. ಇಂದು ಗೋನವ್ಲಾಟ್ ಗ್ರಾಮದ ಮೂಲಕ ಎನ್ ಡಿ ಆರ್ ಎಫ್ ತಂಡ ಬೋಟ್​ನಿಂದ ಕಡದರಗಡ್ಡಿ ಗ್ರಾಮಕ್ಕೆ ತೆರಳಿ ಸುರಕ್ಷಿತವಾಗಿ ವಾಪಸ್ ಕರೆತಂದರು. ಇದೇ ವೇಳೆ ಜಿಲ್ಲೆಯ ಶಾವಂತಗೇರಾ ಗಂಜಿ ಕೇಂದ್ರದಲ್ಕಿ ಸಂತ್ರಸ್ಥ ಮಕ್ಕಳಿಗೆ ಬಿಸ್ಕಿಟ್ ವಿತರಣೆ ಮಾಡಲಾಯಿತು.