ಟಿಫನ್ ಎಂದಾಕ್ಷಣ ನಮಗೆಲ್ಲ ನೆನಪಾಗುವುದು ಇಡ್ಲಿ, ದೋಸೆ, ವಡೆ ಆದರೆ, ಹಿಂದಿನ ಕಾಲದಲ್ಲಿ ಇಷ್ಟು ಬಗೆಯ ಉಪಹಾರಗಳು ಇರಲಿಲ್ಲ. ಹೀಗಾಗಿ ಬಹುತೇಕ ಮನೆಗಳಲ್ಲಿ ಉದ್ದಿನ ಹಿಟ್ಟಿನಿಂದ ತುಂಬಾ ರುಚಿಕರವಾದ ದಿಬ್ಬರೊಟ್ಟಿ ಮಾಡಿ ತಿನ್ನುತ್ತಿದ್ದರು. ಈ ದಿಬ್ಬರೊಟ್ಟಿ ನೋಡುವುದಕ್ಕೆ ಕೆಂಪಾಗಿ, ಹೊರಭಾಗದಲ್ಲಿ ಗರಿಗರಿಯಾಗಿ ಬಾಯಲ್ಲಿ ನೀರೂರಿಸುವಂತೆ ಇರುತ್ತದೆ. ಮತ್ತೇಕೆ ತಡ ಸಿಂಪಲ್ ಆಗಿ ತುಂಬಾ ರುಚಿಕರವಾದ ದಿಬ್ಬರೊಟ್ಟಿಯನ್ನು ಹೇಗೆ ಮಾಡುವುದೆಂದು ಈ ಸ್ಟೋರಿಯಲ್ಲಿ ತಿಳಿದುಕೊಳ್ಳೋಣ.
ದಿಬ್ಬರೊಟ್ಟೆ ಹಿಟ್ಟನ್ನು ತಯಾರಿಸಿ ಫ್ರಿಡ್ಜ್ ನಲ್ಲಿಟ್ಟು ಮೂರು ದಿನಗಳ ವರೆಗೆ ರುಚಿಕರವಾದ ಮತ್ತು ಆರೋಗ್ಯಕರ ಬ್ರೇಕ್ಫಾಸ್ಟ್ ಮಾಡಬಹುದು. ಈ ರೆಸಿಪಿ ಮಕ್ಕಳ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಜೊತೆಗೆ ಸಕ್ಕರೆ ಕಾಯಿಲೆಯಿಂದ ಬಳಲುತ್ತಿರುವವರು ಕೂಡ ಈ ದಿಬ್ಬರೊಟ್ಟಿಯನ್ನು ಸವಿಯಬಹುದು.
ಬೇಕಾಗುವ ಪದಾರ್ಥಗಳು:
- ಉದ್ದಿನ ಬೆಳೆ -ಕಪ್
- ಜೋಳದ ರವೆ - 3 ಕಪ್
- ಉಪ್ಪು - ರುಚಿಗೆ ತಕ್ಕಷ್ಟು
- ಎಣ್ಣೆ - ಅಗತ್ಯಕ್ಕೆ ತಕ್ಕಷ್ಟು
ತಯಾರಿಸುವ ವಿಧಾನ:
- ಮೊದಲು ಉದ್ದಿನ ಬೆಳೆಯನ್ನು ಚೆನ್ನಾಗಿ ತೊಳೆದು 5 ಗಂಟೆ ನೆನೆಸಿಡಬೇಕು.
- ಹಾಗೆಯೇ ಇನ್ನೊಂದು ಪಾತ್ರೆಯಲ್ಲಿ ಜೋಳದ ರವೆಯನ್ನು 5 ಗಂಟೆ ನೆನೆಸಿಡಬೇಕು.
- ನಂತರ ಮಿಕ್ಸಿ ಜಾರ್ಗೆ ಉದ್ದಿನ ಬೆಳೆಯನ್ನು ಹಾಕಿ ಜೊತೆಗೆ ನೀರು ಸೇರಿಸುತ್ತಾ ಮೃದುವಾಗಿ ರುಬ್ಬಿಕೊಂಡು ಒಂದು ಪಾತ್ರಗೆ ಹಾಕಿ ಇಟ್ಟುಕೊಳ್ಳಿ.
- ಬಳಿಕ ನೆನೆಸಿಟ್ಟಿದ್ದ ಜೋಳದ ರವೆಯನ್ನು ನೀರು ಉಳಿಯದಂತೆ ಕೈಯಿಂದ ಹಿಂಡಬೇಕು. ನಂತರ ಗ್ರೈಂಡ್ ಮಾಡಿಕೊಂಡ ಉದ್ದಿನ ಹಿಟ್ಟಿನ ಜೊತೆ ಬೆರೆಸಬೇಕು.
- ಹಿಟ್ಟನ್ನು ಚೆನ್ನಾಗಿ ಮಿಶ್ರಣ ಮಾಡಿ ನಂತರ ಪಾತ್ರೆಯನ್ನು ಪ್ಲೇಟ್ನಿಂದ ಮುಚ್ಚಿ ಇಡೀ ರಾತ್ರಿ ಹುದುಗಲು ಬಿಡಬೇಕು.
- ಬೆಳಗ್ಗೆ ದಿಬ್ಬರೊಟ್ಟಿ ಹಿಟ್ಟಿಗೆ ರುಚಿಕಿ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಕಲಸಬೇಕು.
- ಈಗ ಸ್ಟವ್ ಮೇಲೆ ತವಾ ಅಥವಾ ದೋಸೆ ಹಂಚು ಇಟ್ಟು. ಇದಕ್ಕೆ ಟೇಬಲ್ ಸ್ಪೂನ್ ಎಣ್ಣೆ ಹಾಕಬೇಕು.
- ದೋಸೆ ಹಂಚು ಬಿಸಿಯಾದಾಗ ಸೌಟ್ನಿಂದ ಹಿಟ್ಟು ಹಾಕಿ
- ಸ್ಟವ್ಅನ್ನು ಮೀಡಿಯಂ ಫ್ಲೆಮ್‌ನಲ್ಲಿ ಇರಿಸಿ ದಿಬ್ಬರೊಟ್ಟಿ ಕೆಂಪಗೆ ಕ್ರಿಸ್ಪಿಯಾಗಿ ಬೇಯಿಸಿ
- ಈಗ ಸ್ಟವ್ ಮೇಲೆ ತವಾ ಅಥವಾ ದೋಸೆ ಹಂಚು ಇಟ್ಟು. ಇದಕ್ಕೆ ಟೇಬಲ್ ಸ್ಪೂನ್ ಎಣ್ಣೆ ಹಾಕಬೇಕು.
- ದೋಸೆ ಹಂಚು ಬಿಸಿಯಾದಾಗ ಸೌಟ್ನಿಂದ ಹಿಟ್ಟು ಹಾಕಿ
- ಸ್ಟವ್ಅನ್ನು ಮೀಡಿಯಂ ಫ್ಲೆಮ್‌ನಲ್ಲಿ ಇರಿಸಿ ದಿಬ್ಬರೊಟ್ಟಿ ಕೆಂಪಗೆ ಕ್ರಿಸ್ಪಿಯಾಗಿ ಬೇಯಿಸಿ
- ದಿಬ್ಬರೊಟ್ಟಿ ಎರಡು ಕಡೆ ಚೆನ್ನಾಗಿ ಬೆಂದ ನಂತರ ಒಂದು ಪ್ಲೇಟ್‌ಗೆ ಹಾಕಿಕೊಳ್ಳಿ. ಇಷ್ಟೆ ತುಂಬಾ ರುಚಿಯಾದ ಮತ್ತು ಆರೋಗ್ಯಕರವಾದ ದಿಬ್ಬರೊಟ್ಟಿ ರೆಡಿ. ಈ ದಿಬ್ಬರೊಟ್ಟಿಯನ್ನು ಶೇಂಗಾ ಚಟ್ನಿ, ಟೊಮೊಟೊ ಚಟ್ನಿ ಜೊತೆ ತಿನ್ನಬಹುದು.
ಇದನ್ನೂ ಓದಿ: ಸ್ಪಂಜಿನಂತೆ ಮೃದುವಾದ ಇಡ್ಲಿಯನ್ನು ಮನೆಯಲ್ಲೇ ತಯಾರಿಸಿ; ಈ ಟಿಪ್ಸ್ ಪಾಲಿಸಿ
