ಬಾಂಬ್ ನಿಷ್ಕ್ರಿಯೆಗೊಳಿಸಿದ ಜಾಗದಲ್ಲಿ ಈಗ ಕೇವಲ ಮರಳುರಾಶಿ

ಮಂಗಳೂರು: ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನಿನ್ನೆ ಪತ್ತೆಯಾದ ಬಾಂಬ್​ಅನ್ನು ನಿಷ್ಕ್ರಿಯೆಗೊಳಿಸಿದ ಪ್ರದೇಶದಲ್ಲಿ ಇದೀಗ ಮರಳುರಾಶಿ ತುಂಬಿಕೊಂಡಿದೆ. ಬಾಂಬ್ ಪತ್ತೆಯಾದ ಪೊಲೀಸರು ಅದನ್ನು ಕೆಂಜಾರು ಮೈದಾನಕ್ಕೆ ತಂದಿದ್ದರು. ಅದಕ್ಕೂ ಮೊದಲು ಬಾಂಬ್ ನಿಷ್ಕ್ರಿಯೆಗೊಳಿಸಲು ಸಣ್ಣದೊಂದು ಗುಂಡಿ ಮಾಡಿ ಅದರಲ್ಲಿ ಮರಳು ಮೂಟೆಗಳನ್ನು ಇಡಲಾಗಿತ್ತು. ಇದರ ಮಧ್ಯೆ ಬಾಂಬ್​​​​ ತಂದಿರಿಸಿ ನಿಷ್ಕ್ರಿಯೆಗೊಳಿಸಲಾಗಿದೆ. ಸ್ಪೋಟಕದ ಅವಶೇಷಗಳನ್ನು ಬೆಂಗಳೂರಿನ ವಿಧಿವಿಜ್ಞಾನ ಇಲಾಖೆಗೆ ಕಳುಹಿಸಲಾಗಿದ್ದು ವರದಿ ನಿರೀಕ್ಷಿಸಲಾಗುತ್ತಿದೆ.