ಕ್ಯೂನಲ್ಲಿ ನಿಂತು ಕೃಷ್ಣನ ದರ್ಶನ ಮಾಡಿದ ಕೇಂದ್ರ ರಕ್ಷಣಾ ಸಚಿವೆ..!

ಉಡುಪಿಯ ಕೃಷ್ಣ ಮಠಕ್ಕೆ ಕೇಂದ್ರ ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಇಂದು ಭೇಟಿ ಮಾಡಿ ವಿಶೇಷ ಪೂಜೆ ಸಲ್ಲಿಸಿದರು. ಇದಕ್ಕೂ ಮುನ್ನ ಕನಕನ ಕಿಂಡಿಯ ಮೂಲಕ ಭಕ್ತನೊಬ್ಬ ಕೃಷ್ಣನ ದರ್ಶನ ಮಾಡುತ್ತಿದ್ದನು. ಅಲ್ಲಿದ್ದ ಸಿಬ್ಬಂದಿ ಆ ಭಕ್ತನನ್ನ ಪಕ್ಕಕ್ಕೆ ಕಳಿಸುತ್ತಿರುವುದನ್ನು ಕಂಡ ನಿರ್ಮಲಾ ಸೀತಾರಾಮನ್, ಪೊಲೀಸರನ್ನು ತಡೆದು ಆ ಭಕ್ತನ ದರ್ಶನಕ್ಕೆ ಅಡ್ಡಿಪಡಿಸದಂತೆ ಸೂಚಿಸಿ ಸೌಜನ್ಯ ಮೆರೆದರು. ಅನಂತರ ನಿರ್ಮಲಾ ಸೀತಾರಾಮನ್ ಸರದಿ ಸಾಲಿನಲ್ಲಿ ನಿಂತು ದೇವರ ದರ್ಶನ ಕೈಗೊಂಡಿದ್ದು ಭಕ್ತರ ಮೆಚ್ಚುಗೆಗೆ ಪಾತ್ರವಾಯಿತು.