ರಮೇಶ್ ಜಾರಕಿಹೊಳಿ ಸಿಡಿ‌ ಪ್ರಕರಣದ ರಾಜಕಾರಣದಲ್ಲಿ ಷಡ್ಯಂತ್ರ ನಡೆದಿದೆ: ನಳಿನ್ ಕುಮಾರ್ ಕಟೀಲ್

ಬೆಂಗಳೂರು: ರಮೇಶ್ ಜಾರಕಿಹೊಳಿ ಸಿಡಿ‌ ಪ್ರಕರಣದ ರಾಜಕಾರಣದಲ್ಲಿ ಷಡ್ಯಂತ್ರ ನಡೆದಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಹೇಳಿದ್ದಾರೆ. ಮಸ್ಕಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಿಡಿ ಕೇಸ್ ಷಡ್ಯಂತ್ರ ಅನ್ನೋದು ಈಗ ಸ್ಪಷ್ಟವಾಗಿದೆ. ಷಡ್ಯಂತ್ರ ಮಾಡಬೇಕು, ಯಾರದೋ ಕಾಲು ಎಳೆಯಬೇಕು ಎನ್ನುವ ಉದ್ದೇಶದಿಂದ ಮುಗ್ಧ ಹೆಣ್ಣು ಮಗಳನ್ನ ಬಳಸಿಕೊಳ್ಳುವುದು ತಪ್ಪು ಎಂದರು. ಈ ಪ್ರಕರಣ ನ್ಯಾಯಾಲಯದಲ್ಲಿರುವುದರಿಂದ ಹೆಚ್ವು ಹೇಳಿಕೆ ನೀಡಲ್ಲ. ಯಾರ್ಯಾರು ತಪ್ಪಿತಸ್ಥರು ಇದ್ದಾರೋ ಅವರಿಗೆ ಶಿಕ್ಷೆಯಾಗುತ್ತೆ. ಹನಿಟ್ರ್ಯಾಪ್ ಅಂತ ಹೇಳಿದರೆ ಅವಳನ್ನು ಯಾರೋ ಉಪಯೋಗ ಮಾಡಿದ್ದಾರೆ, ಸುಳ್ಳು ಹೇಳಿಸಿ ಮಾಡಿಸಿದ್ದಾರೆ ಅನ್ನೋದು ಸತ್ಯ ಆಯ್ತು. ಇದರ ಹಿಂದೆ ಮಹನಾಯಕನ ಕೈವಾಡ ಖಂಡಿತ ಇದೆ. ಇದರ ತನಿಖೆಯಾಗಬೇಕು ಎಂದರು.