ಮೈಸೂರು: ಮತದಾರರಿಗೆ ಹಣ ಹಂಚಿದ ಅಭ್ಯರ್ಥಿ, ವಿಡಿಯೋ ವೈರಲ್​

ಮೈಸೂರು: ಎರಡನೇ ಹಂತದ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಹಣದ ಹೊಳೆ ಹರಿಯುತ್ತಿರುವ ಆರೋಪ ಕೇಳಿ ಬರುತ್ತಿದೆ. ಈ ನಡುವೆ ಇಲ್ಲಿನ ಅಭ್ಯರ್ಥಿ ಬಿ.ಬಸವರಾಜು ಎಂಬಾತ ಮತದಾರರಿಗೆ ಹಣ ಹಂಚುತ್ತಿದ್ದಾರೆ ಎನ್ನಲಾದ ವಿಡಿಯೋ ವೈರಲ್​ ಆಗಿದೆ. ತಾಲೂಕಿನ ಧನಗಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಬರುವ ಡಿ.ಸಾಲುಂಡಿಯಲ್ಲಿ ಮತದಾರರಿಗೆ ಹಣ ಹಂಚಲಾಗಿದೆ. ಈ ಅಭ್ಯರ್ಥಿ ಮತಗಟ್ಟೆ ಬಳಿಯೇ ರಾಜಾರೋಷವಾಗಿ ಹಣ ಹಂಚಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.