ಮಂಡ್ಯ: ಟೆನಿಸ್ ರಾಷ್ಟ್ರೀಯ ರ‍್ಯಾಂಕಿಂಗ್​​ನಲ್ಲಿ 31 ನೇ ಸ್ಥಾನ ಗಳಿಸಿದ 12ರ ಪೋರಿ

ಮಂಡ್ಯ: ಸಕ್ಕರೆ ನಾಡು ಮಂಡ್ಯದ ಬಾಲಕಿ ಕಶ್ವಿಸುನಿಲ್ ಟೆನಿಸ್ ಕ್ರೀಡೆಯ ರಾಷ್ಟ್ರೀಯ ರ‍್ಯಾಂಕಿಂಗ್​​ನಲ್ಲಿ 31 ನೇ ಸ್ಥಾನ ಗಳಿಸಿದ್ದಾಳೆ ಎಂದು ಪಿ.ಇ.ಟಿ ಸ್ಫೋರ್ಟ್ಸ್ ಅಕಾಡೆಮಿಯ ಟ್ರಸ್ಟಿ ವಿಜಯಾನಂದ್ ತಿಳಿಸಿದರು. ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸಕ್ಕರೆ ನಾಡು ಮಂಡ್ಯದ ಪಿಇಟಿ ಟೆನಿಸ್ ಅಕಾಡೆಮಿಯಲ್ಲಿ ತರಬೇತಿ ಪಡೆದ ಬಾಲಕಿ ಟೆನಿಸ್ ರ‍್ಯಾಂಕಿಂಗ್​​ನಲ್ಲಿ 31ನೇ ಸ್ಥಾನ ಪಡೆದಿದ್ದಾಳೆ ಎಂದರು. 12 ವರ್ಷದ ಈ ಪೋರಿ ಪಿಇಟಿ ಟೆನಿಸ್ ತರಬೇತುದಾರ ಮಂಜುನಾಥ್​​​ರಿಂದ ತರಬೇತಿ ಪಡೆದ್ದಾಳೆ. ಸದ್ಯ ತನ್ನ ಸಾಧನೆಗೆ ಪ್ರೋತ್ಸಾಹಿಸಿದ ಸಂಸ್ಥೆ ಹಾಗೂ ಪೋಷಕರಿಗೆ ಅಭಿನಂದನೆ ಸಲ್ಲಿಸಿದ್ದಾಳೆ. ಹ್ಯಾಟ್ರಿಕ್ ರ‍್ಯಾಂಕಿಂಗ್​​ನಲ್ಲಿ​​​ ಟೆನಿಸ್ ಆಟಗಾರ್ತಿ ಕಶ್ವಿ ಸುನಿಲ್ ಮಂಡ್ಯ ಜಿಲ್ಲೆಯ ಪ್ರಥಮ AITA ಚಾಂಪಿಯನ್ ಎಂಬ ಹೆಗ್ಗಳಿಕೆ ಪಾತ್ರಳಾಗಿದ್ದಾರೆ ಎಂದು ತಿಳಿಸಿದರು.