ಆಶಾಢ ಏಕಾದಶಿ: ವಿಠ್ಠಲನಿಗೆ ಮಹಾಪೂಜೆ ನೆರವೇರಿಸಿದ ಉದ್ಧವ್‌ ಠಾಕ್ರೆ ದಂಪತಿ

ಪುಣೆ(ಮಹಾರಾಷ್ಟ್ರ): ಆಶಾಢ ಏಕಾದಶಿ ಹಿನ್ನೆಲೆಯಲ್ಲಿ ಮಹಾರಾಷ್ಟ್ರ ಸಿಎಂ ಉದ್ಧವ್ ಠಾಕ್ರೆ ಹಾಗೂ ಪತ್ನಿ ರಶ್ಮಿ ಭಗವಾನ್​ ವಿಠ್ಠಲ-ರುಕ್ಮಿಣಿ ದೇವಾಲಯಕ್ಕೆ ಭೇಟಿ ನೀಡಿ ಮಹಾಪೂಜೆಯಲ್ಲಿ ಪಾಲ್ಗೊಂಡರು. ಈ ದೇವಾಲಯ ಸೋಲಾಪುರದ ಪಂಡರ್​ಪುರ ಪಟ್ಟಣದಲ್ಲಿದೆ. ರಾತ್ರಿ 2.30ಕ್ಕೆ ದೇವಾಲಯಕ್ಕೆ ಆಗಮಿಸಿದ ದಂಪತಿ, ಪೂಜೆ ಸಲ್ಲಿಸಿ ದೇಶವನ್ನು ಕೊರೊನಾದಿಂದ ಮುಕ್ತಗೊಳಿಸುವಂತೆ ಪಾರ್ಥಿಸಿದರು. ಅಷ್ಟೇ ಅಲ್ಲದೆ, ರಾಜ್ಯದ ರೈತರಿಗೆ ಶಾಂತಿ ಮತ್ತು ಸಮೃದ್ಧಿಯನ್ನು ನೀಡುವಂತೆ ಪ್ರಾರ್ಥಿಸಿದರು. ಇನ್ನು ಈ ವೇಳೆ ಅವರ ಪುತ್ರ, ರಾಜ್ಯ ಸಚಿವ ಆದಿತ್ಯ ಠಾಕ್ರೆ ಕೂಡ ಉಪಸ್ಥಿತರಿದ್ದರು.