ಮಾಸ್ಕ್‌ ಧರಿಸಿದವನಿಗೆ ರೋಗವಿಲ್ಲ: ಮಹಿಳಾ ಪೊಲೀಸರಿಂದಲೇ ಮುಖಗವಸು ತಯಾರಿಕೆ

ಕೊರೊನಾ ವೈರಸ್​​​ ವ್ಯಾಪಕವಾಗಿ ಹರಡುತ್ತಿರುವ ಬೆನ್ನಲ್ಲೇ ದೆಹಲಿಯಲ್ಲಿ ಮಹಿಳಾ ಪೊಲೀಸ್​​ ಸಿಬ್ಬಂದಿಯೇ ಮಾಸ್ಕ್​​ ತಯಾರಿಸಲು ಮುಂದಾಗಿದ್ದಾರೆ. ನಜಫ್​​ಗಢ್​​​​ ಪೊಲೀಸ್ ಠಾಣೆಯ ಸುಮಾರು ಆರು ಮಹಿಳಾ ಪೊಲೀಸರು ನಿರ್ಗತಿಕರಿಗೆ ಮಾಸ್ಕ್​​ ತಯಾರಿಸುತ್ತಿದ್ದಾರೆ. ಹೀಗೆ ತಯಾರಿಸಿದ ಮಾಸ್ಕ್​​ಗಳನ್ನು ಉಚಿತವಾಗಿ ವಿತರಿಸಲಾಗುತ್ತಿದೆ. ಕೊರೊನಾ ವೈರಸ್​​ ಹರಡುವಿಕೆ ದಿಢೀರ್​ ಏರಿಕೆ ಕಂಡಿದ್ದರಿಂದ ಮಾಸ್ಕ್​​ಗಳ ಕೊರತೆ ಉಂಟಾಯ್ತು. ಈ ಹಿನ್ನೆಲೆ ಈ ಕೊರತೆ ಸರಿದೂಗಿಸಲು ಪೊಲೀಸರೇ ಮಾಸ್ಕ್​ ತಯಾರಿಕೆಯಲ್ಲಿ ತೊಡಗಿದ್ದಾರೆ. ಈವರೆಗೆ 10 ಸಾವಿರಕ್ಕೂ ಹೆಚ್ಚು ಮಾಸ್ಕ್​ಗಳನ್ನು ತಯಾರಿಸಿ ವಿತರಿಸಲಾಗಿದೆ. ತಮ್ಮ ಕರ್ತವ್ಯ ಮುಗಿಸಿದ ನಂತರ ಉಳಿದ ಸಮಯದಲ್ಲಿ ಮಹಿಳಾ ಪೊಲೀಸರು ಈ ಮಾಸ್ಕ್​​ಗಳನ್ನು ತಯಾರಿಸುತ್ತಿದ್ದಾರೆ.