ಲಾಕ್​​ಡೌನ್​​​​​​ ಎಫೆಕ್ಟ್​: 175 ಕಿ.ಮೀ. ದೂರದಿಂದಲೇ ಕಾಣುತ್ತಿದೆ ಹಿಮಭರಿತ ಗಂಗೋತ್ರಿ

ಲಾಕ್​​ಡೌನ್​​ನಿಂದಾಗಿ ಕೈಗಾರಿಕೆಗಳೆಲ್ಲ ಸ್ತಬ್ಧವಾಗಿ ವಾತಾವರಣವೆಲ್ಲ ಸ್ವಚ್ಛಂದವಾಗಿದೆ. ಹೀಗಾಗಿಯೇ ಉತ್ತರಪ್ರದೇಶದ ಸಹರಾನ್‌ಪುರದಿಂದ 175 ಕಿ.ಮೀ ದೂರದಲ್ಲಿರುವ ಉತ್ತರಾಖಂಡ್​ನ ಗಂಗೋತ್ರಿಯ ಹಿಮಾವೃತ ಶಿಖರಗಳು, ಸುಂದರ ಬೆಟ್ಟಗಳು ಕಾಣುತ್ತಿವೆ. ಈಗ ಮಾಲಿನ್ಯದ ಪ್ರಮಾಣ ಗಣನೀಯ ಪ್ರಮಾಣದಲ್ಲಿ ತಗ್ಗಿದೆ. ಹೀಗಾಗಿಯೇ ದೂರದಿಂದಲೇ ಗೋಚರಿಸುತ್ತಿರೋ ಈ ಹಿಮಭರಿತ ಶಿಖರಗಳ ಫೋಟೋವನ್ನು ಕೆಲವರು ತಮ್ಮ ಕ್ಯಾಮೆರಾಗಳಲ್ಲಿ ಸೆರೆಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ಹಿಮಭರಿತ ಬೆಟ್ಟಗಳ ಫೋಟೋ ಕೂಡ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.